មកដល់ថ្ងៃនេះ មានក្រុមហ៊ុនផលិតរថយន្តជាច្រើន បាននិងកំពុងតែប្រកួតប្រជែងនៅលើទីផ្សារសម្រាប់រថយន្តស្វ័យប្រវត្តិ ដែលការផ្លាស់ប្តូររបស់ពួកគេនោពេលនេះ គឺនិងត្រូវចំណាយពេលវេលាច្រើន។ កត្តានេះហើយ ដែលជាបញ្ហាសម្រាប់ក្រុមហ៊ុនទាំងនោះនៅក្នុងការអភិវឌ្ឍន៍។ ជាមួយនឹងញារវិវត្តន៌ថ្មីនេះ ក្រុមហ៊ុន Toyota បានបញ្ជាក់ផងដែរថា ខ្លួននឹងបង្ហាញនូវរថយន្ត Corolla ស៊េរីថ្មី ដែលប្រើប្រាស់នូវប្រព័ន្ធអ៊ីដ្រូសែនរបស់ខ្លួននៅក្នុងព្រឹត្តិការណ៍ 24-hour Super Taikyu Series នៅក្នុងប្រទេសជប៉ុន។
តាមការបញ្ជាក់នៅក្នុងរបាយការណ៍ចេញពី Hardware Upgrade បានអោយដឹងថា ក្រុមហ៊ុនផលិតរថយន្តនេះ នឹងបញ្ចេញនូវរថយន្ត Corolla ដែលប្រើប្រាស់នូវប្រព័ន្ធអ៊ីដ្រូសែននៅក្នុងព្រឹត្តិការណ៍នេះផងដែរ។ សូមជំរាបថា ព្រឹត្តិការណ៍ Super Taikyu នឹងធ្វើឡើងនៅក្នុងទីក្រុង Fuji ចាប់ពីថ្ងៃទី 21 ដល់ថ្ងៃទី 23 ខែឧសភានេះ។ បើតាមរបាយការណ៍កន្លងមក បាននិយាយថា រថយន្តនេះ នឹងប្រើប្រាស់នូវប្រព័ន្ធអ៊ីដ្រូសែន ដែលមានម៉ាស៊ីនកម្លាំង 1.6-liter 3-cylinder turbo។
បន្ថែមពីនេះ ក៏មានការបញ្ជាក់ដែរថា រថយន្ត Corolla ដែលប្រើប្រាស់នូវប្រព័ន្ធអ៊ីដ្រូសែននេះ គឺនឹងមានប្រព័ន្ធដែលស្រេដៀងគ្នាទៅនឹង BMW Hydrogen 7 អញ្ចឹងដែរ។ សម្រាប់រថយន្តរបស់ក្រុមហ៊ុន BMW នេះ គឺប្រើប្រាស់សាំង ហើយនិងប្រព័ន្ធអ៊ីដ្រូសែននៅក្នុងការផ្តល់នូវថាមពលសម្រាប់ម៉ាស៊ីន។ សម្រាប់គម្រោង Hydrogen 7 នៅមិនទាន់សម្រេចបានជោគជ័យនៅឡើយទេ។ បើតាមការបញ្ជាក់របស់ក្រុមហ៊ុន Toyota នោះគឺថា ខ្លួនអាចនឹងបន្តក្នុងការពង្រីកនូវការធ្វើដំណើររបស់ខ្លួនបានកាន់តែឆ្ងាយជាងនេះ។ ព្រឹត្តិការណ៍នេះ គឺនឹងមានក្រុមហ៊ុនផលិតរថយន្តជាច្រើន ចូលរួមក្នុងព្រឹត្តិការណ៍ ដូចនេះ យើងនឹងឃើញនូវបច្ចេកវិទ្យាដ៏អស្ចារ្យជាច្រើនដែលនឹងបង្ហាញនៅក្នុងព្រឹត្តិការណ៍ Super Taikyu នេះ៕