យោងតាមព័ត៌មាននៅថ្ងៃនេះ បានអោយដឹងថា ក្រុមហ៊ុន XPENG គ្រោងនឹងបង្ហាញចេញនូវរថយន្ត Smart EV នៅក្នុងប្រទេសចិននៅខែក្រោយនេះហើយ។ ក្រុមហ៊ុនផលិតរថយន្តដ៏ធំរបស់ប្រទេសចិនមួយនេះ បានបញ្ជាក់ថា នៅថ្ងៃទី 19 ខែវិច្ឆិកាខាងមុខនេះ ខ្លួននឹងប្រកាសចេញនូវរយថយន្តម៉ូដែលថ្មីមួយទៀត នៅក្នុងព្រឹត្តិការណ៍ 19th Guangzhou International Automobile Exhibition ឬហៅថា Auto Guangzhou។
ប្រភពខាងលើបន្តថា មកដល់ពេលនេះ គេនៅមិនទាន់បានដឹងព័ត៌មានរបស់រថយន្តម៉ូដែលថ្មីនេះនៅឡើយទេ ប៉ុន្តែក្រុមហ៊ុនក៏មានបញ្ចេញនូវរូបភាពដែលមានការបង្ហាញពីការឌីស្សាញរបស់រថយន្តនេះផងដែរ។ បើមើលទៅលើរូបភាពនេះ គឺបានបង្ហាញថា នេះគឺជារថយន្ត EV ដែលមានការរចនាជាប្រភេទ Smart EV នៅក្នុងត្រកូល SUV category។ បើទោះបីជាមិនមានការបង្ហាញនូវលក្ខណៈទូទៅក៏ដោយ រថយន្តនេះ គឺត្រូវបានគេរំពឹងថា គឺមានលក្ខណៈសម្បត្តិប្រហាក់ប្រហែលគ្នាជាមួយ Tesla Model X Series ដែលកំពុងតែមានលក់នៅប្រទេសចិនអញ្ចឹង
យោងតាមការបញ្ជាក់ពីសារព័ត៌មាន CNBC គឺមាននិយាយថា មកដល់ពេលនេះតម្លៃភាគហ៊ុនរបស់ក្រុមហ៊ុនផលិតរថយន្តរបស់ប្រទេសចិន គឺមានការកើនឡើងចំនួន 10%។ ជាមួយគ្នានេះ ក្រុមហ៊ុននេះក៏មានការអភិវឌ្ឍព្រមៗគ្នាផងដែរ ដោយពួកគេបានផ្តោតខ្លាំងទៅលើម៉ូដែល SUV របស់ខ្លួន រួមនឹងម៉ូដែលថ្មីៗជាច្រើន។ រថយន្តថ្មីនេះ ត្រូវបានគេព្យាករណ៍ថា គឺជំនាន់ថ្មី នៃម៉ូដែល SUV ស៊េរី G3 and G3i ដែលចេញលក់នាពេលបច្ចុប្បន្ន។
សូមជំរាបថា សព្វថ្ងៃនេះ ក្រៅពីប្រគួតប្រជែងជាមួយនិងរថយន្តរបស់ Tesla ក្រុមហ៊ុន XPENG ក៏នឹងត្រូវប្រឈមជាមួយក្រុមហ៊ុន EV start ups ជាច្រើនទៀតផងដែរ ក្នុងនោះមានដូចជា Lu Auto និងក្រុមហ៊ុន Nio ជាដើម ដែលក្រុមហ៊ុនទាំងពីរនេះ គឺជាអ្នកជំនាញផ្នែកផលិតរថយន្ត electric SUVs នៅក្នុងប្រទេសចិនផងដែរ។