បើទោះជា Tesla មានភាពជោគជ័យក៏ពិតមែន ប៉ុន្តែក្នុងចំណោមស្ថាបនិកទាំង 5 គឺមានតែ 2 រូបប៉ុណ្ណោះ ដែលបានក្លាយជាមហាសេដ្ឋី

Tesla គឺជាក្រុមហ៊ុនផលិតរថយន្តអគ្គីសនីដ៏ធំបំផុតនៅលើពិភពលោក ហើយក្រុមហ៊ុននេះ គឺត្រូវបានបង្កើតឈ្មោះឡើងដោយលោក Elon Musk ដែលមានស្ថាបនិកសរុបដល់ទៅ 5 នាក់។ មកដល់ថ្ងៃនេះ បើទោះបីជាក្រុមហ៊ុនផលិតរថយន្តនេះ មានភាពជោគជ័យយ៉ាងខ្លាំងក៏ដោយ ក៏គ្រប់គ្នា នៅក្នុងចំណោមស្ថាបនិកទាំង 5 នេះ គឺមិនមែនទាន់ក្លាយជាអ្នកមានបំផុតរបស់ពិភពលោកបានទំាងអស់ននោះទេ។ 

បើយើងក្រឡេកទៅមើលកាលពីខែកក្កដានៅក្នុងឆ្នាំ 2006 កន្លងទៅនេះ ឃើញថា រថយន្តអគ្គិសនីរបស់ក្រុមហ៊ុន Tesla គឺមានការចោមរោមជាច្រើន ដោយអ្នកសារព័ត៌មាននៅក្នុងព្រលានយន្តហោះ Santa Monica Airport ហើយនៅពេលនោះរថយន្តនេះ គឺមានតម្លៃដល់ទៅ $100,000។ បន្ថែមពីនេះ នៅក្នុងពេលនោះ គឺមានអ្នកជំនាញផ្នែករថយន្តស្វ័យប្រវត្តិប៉ុន្មាននាក់ប៉ុណ្ណោះ ដែលមានក្តីសង្ឃឹមថា នឹងទទួលបាននូវភាពជោគជ័យ។ 

លោក Martin Eberhard ដែលជាអ្នកជំនាញម្នាក់នៅក្នុងចំណោមនោះ បានបង្ហាញនូវក្តីសង្ឃឹមថា ហើយរថយន្តនេះ គឺមិនមានការបំភាយនូវសារធាតុកាបូននោះទេ។ ក្រោយមកទៀត ក្រុមហ៊ុនTesla ក៏មានតម្លៃដល់ទៅ 1 ពាន់ពាន់លានដុល្លារអាមេរិក។ យ៉ាងណាមិញ នាយកប្រតិបត្តិដែលបានបង្ហាញនូវក្រុមហ៊ុននេះ ទៅកាន់ពិភពលោកកាលពី 15 ឆ្នាំមុននេះ នៅមិនទាន់មានប្រាក់ច្រើនដូចទៅនឹងតម្លៃរបស់ក្រុមហ៊ុននេះទេ។ ហើយគាត់ ក៏មិនក្លាយជាអ្នកមានបំផុតនៅក្នុងប្រវត្តិសាស្រ្តផងដែរ។ 

បច្ចុប្បន្ននេះ លោក Elon Musk គឺជាអ្នកវិនិយោគិន និង CEO របស់ក្រុមហ៊ុន Tesla។ លោក Eberhard ដែលជា CEO របស់ក្រុមហ៊ុន Tesla និងម្នាក់ទៀត ដែលមានឈ្មោះថា Marc Tarpenning ក៏មិនទាន់មានភាគហ៊ុនធំនៅក្នុងក្រុមហ៊ុន Tesla ដែលអាចអោយពួកគេក្លាយជាមហាសេដ្ឋីពាន់លានបាននោះទេ។ បច្ចុប្បន្ននេហ លោក Musk គឺមានទ្រព្យសម្បត្តិដល់ទៅ 271 ពាន់លានដុល្លារអាមេរិក៕