យោងតាមចេញផ្សាយព័ត៌មានថ្មីចេញពីប្រទេសចិន បាននិយាយថា ក្រុមហ៊ុន BYD បានលក់រថយន្តអគ្គិសនីខ្នាតតូចម៉ូដែល Seagull របស់ខ្លួនបានចំនួន 14,300 គ្រឿងសម្រាប់ខែឧសភា ខណៈដែលការប្រកាសចេញលក់ជាលើកដំបូងនៅខែមេសា 1,500 គ្រឿង។ ហើយបើនិយាយពីការលក់រថយន្តអគ្គិសនីទាំងអស់របស់ BYD នៅខែឧសភានេះ គឺបានចំនួន 119,603 K គ្រឿង ដោយម៉ូដែល Seagull មានការកើនឡើងបាន 12%។
បើតាមរបាយការណ៌ខាងលើបន្តថា Seagull គឺមាន 3 ជម្រើស និងមានតម្លៃចាប់ពី 73,800 យ៉ន់ ទៅ 89,800 យ៉ន់ (10,400 ដុល្លារ ឬ 12,600 ដុល្លារ)។ រថយន្តទាំងបីម៉ូដែលនេះ គឺមានការបំពាក់នូវកម្លាំង 74 សេះ (HP) និងមានកម្រិតរមួល 135 Nm ព្រមទាំងមានសមត្ថភាពអាចរត់បានល្បឿន 130km/h។
និយាយពីថាមពលអាគយនៅលើរថយន្តនេះវិញ សម្រាប់ម៉ូដែលខ្ពស់ជាងគេ គឺប្រើប្រាស់អាគុយ 38.88 kWh បើតាមការធ្វើតេស្តដោយស្ថាប័នតេស្តថាមពលរបស់ប្រទេសចិន (CLTC) បញ្ជាក់ថា អាគុយនេះ មានសមត្ថភាអាចរត់បានចំងាយ 405km។ សម្រាប់ពីរម៉ូដែលទៀត ប្រើប្រាស់អាគុយកម្លាំង 30.08kWh អាចរត់បានចំងាយ 305km។ រថយន្តទាំងពីរនេះ គឺមានការគាំទ្រដោយថាមពល LFP Blade battery និងទ្រទ្រង់នូវបច្ចេកវិទ្យាសាកល្បឿនលឿន 30-40kW fast charging ដែលអាចសាកបានចាប់ពី 30% ទៅ 80% ដោយប្រើពេលត្រឹមតែ 30 ប៉ុណ្ណោះ។
គួរបញ្ជាក់ថា នៅមុនការប្រកាសចេញជាផ្លូវការ ក្រុមហ៊ុន BYD បានប្រកាសនូវការលក់ pre-sale ទៅលើរថយន្ត Seagull នៅកំឡុងពេល Shanghai Auto Show ផងដែរ។ នៅពេលនោះ ត្រឹមរយៈពេល 24 ម៉ោងដំបូង ក្រុមហ៊ុន BYD ទួួលបាននូវការបញ្ជាទិញទៅលើរថយន្ត 10,000 គ្រឿង។ សូមជំរាបថា Seagull គឺជាប្រភេទរថយន្តប្រភេទ 5 និងមាន 4 កៅអី។ រថយន្តនេះមានការឌីស្សាញផ្អែកទៅលើការប្រើប្រាស់នូវ BYD’s e-platform 3.0 ដែលមានការជម្រុញចេកញ Ocean series។ សម្រាប់ប្រវែង 3780mm និងមានទទឹង 1715mm ហើយនិងកំពស់ 1540mm។ សម្រាប់ប្រវែងកង់ គឺ 2500mm.
