ArcFox Alpha-S រថយន្តអគ្គិសនីថ្នាក់ប្រណិតដំបូងគេដែលបំពាក់ប្រព័ន្ធរបស់ Huawei បានផ្តើមសង្វាក់ផលិតកម្មទ្រង់ទ្រាយធំហើយ

ជាងមួយឆ្នាំមកហើយដែលក្រុមហ៊ុន Huawei បានចាប់ដៃគូជាមួយក្រុមហ៊ុនផលិតរថយន្ត ArcFox ដែលជាក្រុមហ៊ុនផលិតរថយន្តអគ្គិសនីដ៏ធំមួយរបស់ប្រទេសចិនក្នុងការផលិតរថយន្តអគ្គិសនីថ្នាក់ប្រណិត Luxury EV Car ដែលបំពាក់នូវប្រព័ន្ធ HI របស់ Huawei ឬ Huawei Inside។ ដោយរថយន្តលំដាប់ថ្នាក់ប្រណិតនេះត្រូវបានដំឡើងដំណើរការជាមួយប្រតិបត្តិការ HarmonyOS ដែលដំណើរការនៅលើប្រព័ន្ធអេក្រង់ឆ្លាតវៃ Smart Display  នៅផ្នែកខាងក្នុងរថយន្ត និងប្រព័ន្ធ HiCar Solution របស់ Huawei ដែលគ្រប់គ្រងប្រព័ន្ធដំណើរការកម្រិត Level-3 autonomous driving។

ArcFax Alpha-S គឺជារថយន្តអគ្គិសនីដ៏ប្រណិតដំបូងគេដែលបានបំពាក់ប្រព័ន្ធ Huawei Inside ហើយក្នុងខណៈពេលនេះ រថយន្តដ៏ប្រណិតមួយនេះត្រូវបានដាក់ចូលក្នុងសង្វាក់ផលិតកម្មលក្ខណៈទ្រង់ទ្រាយធំហើយក្រោយពីបានប្រកាសចេញដំបូងនាដើមឆ្នាំ 2022 នេះ។ សម្រាប់ប្រព័ន្ធ autonomous driving system របស់រថយន្តអគ្គិសនីប្រណិតមួយនេះ វាត្រូវបានដំណើរការដោយមានការគណនាពីប្រព័ន្ធ 400TOPs of computing រួមជាមួយប្រព័ន្ធ LOT of Sensor Tech ដែលក្នុងនោះមានបំពាក់មកជាមួយប្រព័ន្ធចាប់សញ្ញាស្វ័យប្រវត្តិកម្រិតខ្ពស់ LiDar Sensor ចំនួន 3 គ្រាប់, mmW radar sensor ចំនួន 6 គ្រាប់, Ultrasonic Sensor ចំនួន 12 គ្រាប់, ADS Units ចំនួន 9 គ្រាប់ ហើយនិងប្រព័ន្ធកាមេរ៉ា surround view camera ចំនួន 4 គ្រាប់។

សូមបញ្ជាក់ថា ArcFax Alpha-S Luxury EV ត្រូវបានក្រុមហ៊ុនប្រកាសបង្ហាញចេញដំបូងកាលពីដើមឆ្នាំ 2022 ក្នុងខែមករា ជាមួយបរិមាណនាំចេញតិចតូចប៉ុណ្ណោះ ដោយឡែកនៅក្នុងខណៈពេលនេះ រថយន្តអគ្គិសនីដ៏ប្រណិតស៊េរីថ្មីនេះត្រូវបានក្រុមហ៊ុនចាប់ផ្តើមសង្វាក់ផលិតកម្មលក្ខណៈទ្រង់ទ្រាយធំដំបូងនៅក្នុងរោងចក្រ Zhenjiang manufacturing plant៕