Geely Emgrand ជំនាន់ទី 4 ប្រភេទរថយន្ត Sedan ស៊េរីឆ្នាំ 2025 មានតម្លៃតែជាង $9,000 ដុល្លារប៉ុណ្ណោះ

ក្រុមហ៊ុនផលិតរថយន្តអគ្គិសនី Geely ទើបតែបានប្រកាសចេញរថយន្ត Sedan ស៊េរីថ្មីម៉ូដែលឆ្នាំ 2025 ដែលជាជំនាន់ទី 4 សម្រាប់ម៉ូដែល Geely Emgrand នៅទីផ្សារប្រទេសចិន។ រថយន្តស៊េរីថ្មីនេះ មានតម្លៃចាប់ពីខ្ទង់ $9,600 ដល់ $12,200។ 4th-Gen Geely Emgrand ឆ្នាំ 2025 ជាប្រភេទរថយន្ត Sedan ដែលមានប្រវែងបណ្តោយខ្លួន 4,638mm / ទទឹង 1,820mm/ កម្ពស់ 1,460mm និងគម្លាតកង់មុខទៅកង់ក្រោយ 2,650mm។ រថយន្តនេះមានជម្រើសប្រើយ៉ាន់កង់ទំហំ 16-inch និង 17-inch។

Geely Emgrand-2025 បំពាក់នូវម៉ាស៊ីនសាំងចំនុះ 1.5-Liter ដែលអាចផលិតកំលាំងបាន 93kW ឬ 127 សេះ និងកំលាំងរមូល 152Nm ដំណើរការដោយប្រព័ន្ធប្រអប់លេខប្រភេទ 5MT ឬ 8CVT។

នៅផ្នែកខាងក្នុងរបស់ Geely Emgrand 2025 មានបំពាក់នូវប្រព័ន្ធអេក្រង់ទំហំ 12.3-inch ចំនួនពីរ ដែលមួយជាអេក្រង់ Digital Instrument LCD Panel សម្រាប់បង្ហាញព័ត៌មានរថយន្តស្ថិតនៅខាងក្រោយចង្កូត និងមួយទៀតជាអេក្រង់ Entertainment touchscreen panel ស្ថិតនៅកណ្តាល ដែលដំណើរការដោយប្រតិបត្តិការ GeelyOS។ ចំនែកដៃចង្កូតរថយន្តវិញត្រូវបានរចនាឡើងបែបស្ទាយ four-spoke flat-bottom steering wheel។

បន្ថែមពីនេះរថយន្តស៊េរីថ្មី Geely Emgrand 2025 នៅមានបំពាក់នូវប្រព័ន្ធជំនួយការបើកបរទំនើបៗជាច្រើនថែមទៀតផងដូចជា ប្រព័ន្ធកំនត់ល្បឿតតាមយានយន្តខាងមុខ cruise control, មុខងារជំនួយការចូលចំណត rear parking radar, parking assist, មុខងារជំនួយឡើងចំណោត hill-start assist, ដំបូលបើក sunroof, keyless entry, មុខងារកំនត់កម្តៅកញ្ចក់ខាងក្រៅ electric adjustment/heating of exterior mirrors, មុខងារបញ្ជាដោយស្មាតហ្វូនដ៏ឆ្លាតវៃ mobile phone remote intelligent safety assistant ដែលអាចធ្វើការ remote monitoring, control, និងបង្ហាញព័ត៌មានសំខាន់ៗរថយន្ត master vehicle information ដូចជា បើកដំណើរ និងពន្លត់ម៉ាស៊ីន engine start & stop, បើក ឬចាក់សោរទ្វារថយន្ត unlock/lock the car, បិទ ឬបើកម៉ាស៊ីនត្រជាក់ turn on & off the air conditioner ជាដើម៕