no-alternative title
no-alternative title
no-alternative title

Yadea Kemper ម៉ូតូធំដំណើរការដោយថាមពលអគ្គិសនីស៊េរីថ្មីបានបង្ហាញវត្តមាននៅព្រឹត្តិការណ៍ EICMA 2023

ក្រុមហ៊ុនផលិតម៉ូតូប្រភេទ e-scooter របស់ប្រទេសចិន Yadea ទើបតែបានធ្វើការប្រកាសចេញម៉ូតូអគ្គិសនីប្រភេទម៉ូតូធំស៊េរីថ្មីម៉ូដែល Yadea Kemper Electric Motorcycle នៅឯព្រឹត្តិការណ៍ 2023 Milan Motorcycle Show EICMA។ ម៉ូតូធំដំណើរការដោយប្រព័ន្ធអគ្គិសនីសុទ្ធរបស់ Yadea មួយនេះ មានបំពាក់មកជាមួយមុខងារសំខាន់ៗជាច្រើនដោយក្នុងនោះវាបានបំពាក់មកជាមួយកំលាំងល្បឿន Top Speed ដល់ទៅ 99mph ឬប្រហែល 159km/hនិងប្រព័ន្ធបច្ចេកវិទ្យាសាកភ្លើងល្បឿនលឿនជាដើម។

 

រូបភាពពាណិជ្ជកម្ម
no-alternative title

Yadea Kemper Electric Motorcycle គឺជាម៉ូដែល ដែលត្រូវបានធ្វើការវិវត្តន៍ចេញពីម៉ូដែលដំណើរការដោយម៉ាស៊ីនសាំង។ ដោយម៉ូដែលដំណើរការដោយប្រព័ន្ធអគ្គិសនីសុទថ្មីនេះត្រូវបានក្រុមហ៊ុនធ្វើការបង្កើននៅប្រព័ន្ធបើកបរប្រកបដោយផាសុខភាព ការបង្កើនសមត្ថភាពល្បឿន លំហែទាំ និងគិតពីផលប៉ះពាល់ដល់បរិស្ថាន រួមនឹងលក្ខណៈពិសេសៗជាច្រើនផ្សេងទៀត។ ម៉ូតូធំដំណើរការដោយថាមពលអគ្គិសនីថ្មីនេះបានបំពាក់នូវប្រព័ន្ធបច្ចេកវិទ្យាសាកភ្លើងល្បឿនលឿន 10-minute Fast Charging ដែលសាកភ្លើងចូលលឿនបំផុត ដោយសាកបំពេញថាមពលថ្មដល់ 80% ចំនាយពេលត្រឹមតែ 10 នាទីប៉ុណ្ណោះ ដែលធ្វើឲ្យម៉ូតូធំរបស់ Yadea មួយនេះក្លាយជាម៉ូតូអគ្គិសនីដែលបំពាក់បច្ចេកវិទ្យាសាកភ្លើងល្បឿនលឿនបំផុតក្នុងពេលបច្ចុប្បន្ន។

Yadea Kemper EM បំពាក់មកជាមួយម៉ូទ័រអគ្គិសនីទំហំ 23kW ដែលអាចផលិតថាមពលបាន 40kW។ ម៉ូតូធំនេះអាចមូលហ៊្គែរកប់ល្បឿនពី 0 ទៅ 100km/h ប្រើពេលប្រមាណ 4.9 វិនាទី ហើយម៉ូតូធំនេះបំពាក់នូវកញ្ចប់អាគុយអគ្គិសនីប្រភេទ 320V 20Ah LiFePO4 ទំហំ 6.4kWh។ សម្រាប់ប្រព័ន្ធសុវត្ថិភាពបើកបរវិញ Yadea Kemper Electric Motorcycle មានបំពាក់នៅប្រព័ន្ធហ្វ្រាំង Bosch ABS ជាមួយនិងប្រព័ន្ធ traction control និង Brembo brakes។

បន្ថែមពីនេះម៉ូតូធំស៊េរីថ្មីនេះមានបំពាក់នូវប្រព័ន្ធ KYB Suspension  ដែលជាប្រព័ន្ធសុវត្ថិភាពកម្រិតខ្ពស់ L3e-A2 motorcycle ពីក្នុងតំបន់អឺរ៉ុបទៀតផង។ លើសពីនេះទៅទៀត Yadea Kemper នៅមានបំពាក់ជាមួយអេក្រង់ឌីជីថលប្រភេទ TFT Color Displayរួមនឹងបំពាក់នូវប្រព័ន្ធកាមេរ៉ាកម្រិត 1080p ដើម្បីធ្វើការថតសកម្មភាពផ្សេងៗនៅពេលជិះដោយរក្សាទុកនៅក្នុងម៉េមូរីកាតថែមទៀតផង។ ទោះជាយ៉ាងណាសម្រាប់ពេលវេលាប្រកាសចេញផ្លូវការណ៍ ក៏ដូចជាតម្លៃរបស់ Yadea Kemper Electric Motorcycle មួយនេះ ក្រុមហ៊ុនមិនទាន់បង្ហើបឲ្យដឹងនៅឡើយទេក្នុងពេលនេះ៕

 

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍