ពីមួយជំនាន់ទៅមួយជំនាន់ ក្រុមហ៊ុន MSI តែងតែផ្តល់នូវរបកគំហើញថ្មីៗ ជាច្រើនសម្រាប់អតិថិជនរបស់ខ្លួននៅជុំវិញពិភពលោកដើម្បីទទួលនូវផលិតផល ថ្មីដែលពោរពេញដោយសមត្ថភាព និងការកម្សាន្តគ្មានដែនកំណត់។ ថ្មីៗនេះ ក្រុមហ៊ុន MSI នាំយកនូវកុំព្យូទ័រលេងហ្គេមស៊េរីថ្មីម៉ូដែល MSI GE73VR 7RE RAIDER ដែលពិតជាមានរូបរាងស្រស់ស្អាត រចនាបទកាន់តែទំនើបអស្ចារ្យ ស៊ីវិល័យ និងទាក់ទាញបំផុតសម្រាប់អតិថិជនរបស់ខ្លួន។ កុំព្យូទ័រនេះប្រើប្រាស់នូវបច្ចេកវិទ្យាទំនើបចុងក្រោយ និងកម្លាំងម៉ាស៊ីនខ្លាំងដែលអាចនាំយកនូវការកម្សាន្តកាន់តែសម្បូរបែបសម្រាប់លោកអ្នក។ កុំព្យូទ័រស៊េរីថ្មីនេះបំពាក់នូវបន្ទះឈីប Intel® Core™ i7 processor ជំនាន់ទី 7 ក្រាហ្វិកកាត GeForce® GTX 1060 6GB GDDR5 អេក្រង់ទំហំ 17.3" UHD (3840x2160) កម្រិតIPS level panel ទ្រទ្រង់ 100% Adobe RGB និងប្រព័ន្ធប្រតិបត្តិការ Windows 10 Home / Windows 10 Pro ។
1. ការប្រើប្រាស់ PRE-KEY RGB GAMING KEYBOARD ដ៏អស្ចារ្យ និង USB 3.0 TYPE-R
ការរចនារូបរាងដ៏ស្រស់ស្អាតគឺជារឿងដ៏សំខាន់មួយដែលក្រុមហ៊ុនបច្ចេកវិទ្យាធំៗមិនដែលមើលរំលងនោះទេ។ ជាក់ស្តែង សម្រាប់កុំព្យូទ័រ MSI GE73VR 7RE RAIDER បំពាក់នូវ Pre-Key RGB GAMING Keyboard ដែលធន់ រឹងមាំ និងនាំលោកអ្នកទៅកាន់ការកម្សាន្តគ្មានដែនកំណត់នោះទេ។ Pre-Key នេះត្រូវបានរចនារូបរាងដោយ Steel Series ដែលជាអ្នកជំនាញក្នុងការស្វែងរកនូវអ្វិដែលជាតម្រូវការរបស់អ្នកលេងហ្គេម។ អ្វីដែលកាន់តែពិសេសជាងនេះទៀតនោះ KEY នេះមានប្រវែងគម្លាតពីគ្នា 1.9mm និង Keys សរុបចំនួន 45 គ្រាប់ដែលផ្តល់នូវការគ្រប់គ្រងបញ្ជាកាន់តែសម្បូរបែបនៅលើ Keyboard មួយនេះព្រោះវាមានការបញ្ជានៅគ្រប់ Command ទាំងអស់នៅលើ Keyboard មួយនេះ។ កុំព្យូទ័រស៊េរីថ្មីនេះភ្ជាប់ជាមួយនឹង USB 3.0 TYPE-R ដែលផ្តល់ពន្លឺនៅក្នុងទីងងឹត ដូចនេះវាអាចជួយលោកអ្នកអោយរកឃើញនូវរន្ធ USB នេះបានដោយងាយស្រួលបំផុត។
2. ការប្រើប្រាស់ប្រព័ន្ធ MSI Cooler Boost 5 និងឧបាល័រ Giant Speakers លឺខ្លាំងជាងមុន 5 ដង
ក្រុមហ៊ុនបច្ចេកវិទ្យា MSI បំពាក់នូវប្រព័ន្ធកង្ហារត្រជាក់ MSI Cooler Boost 5 ដែលមានប្រព័ន្ធបញ្ចញស្រូប និងបញ្ចេញខ្យល់ភ្លោះហៅថា Whirlwind Blade Fans ដែលមានរន្ធបំភាយកំដៅចំនួន 7 និងរន្ធស្រូបខ្យល់ចំនួន 4 ផងដែរ។ បើទោះបីជាលោកអ្នកលេងហ្គេមនៅក្នុងរយៈពេលយូរប៉ុណ្ណានោះទេ កុំព្យូទ័រស៊េរីថ្មីនេះនឹងមិនមានបញ្ហាក្តៅ ឬដំណើរការយឺតរអាក់រអួលនោះទេ នេះគឺដោយសារតែបច្ចេកវិទ្យានៃប្រព័ន្ធត្រជាក់ដែលក្រុមហ៊ុនបច្ចេកវិទ្យា MSI នាំយកសម្រាប់អ្នកប្រើប្រាស់។
អ្វីដែលកាន់តែអស្ចារ្យទៀតនោះ កុំព្យូទ័រ MSI ស៊េរីថ្មីនេះភ្ជាប់ជាមួយនឹងក្រាហ្វិកកាតប្រភេទ GTX 1070 ដែលមានកម្លាំងម៉ាស៊ីនខ្លាំង និងកាត់បន្ថយនូវសីតុណ្ហភាពនៅក្នុងម៉ាស៊ីនថែមទៀត។ បើនិយាយអំពីឧបាល័ររបស់កុំព្យូទ័រ MSI GE73VR 7RE RAIDER វិញគឺពិតជាអស្ចារ្យណាស់ព្រោះថា វាប្រើប្រាស់នូវកម្រិតសំឡេង Dynaudio Sound System លំដាប់ពិភពលោកដែលលឺច្បាស់ ពិរោះ និងខ្លាំងជាងមុនដល់ទៅ 5 ដង។ ប្រព័ន្ធសំឡេងនេះនឹងធ្វើអោយអ្នកលេងហ្គេមទាំងអស់ទទួលបានបទពិសោធន៍ថ្មីកាន់តែអស្ចារ្យថែមមួយកម្រិតទៀតដែលមិនធ្លាប់ឆ្លងកាត់ពីមុនមកនោះទេ។
3. ការរចនារូបរាងដ៏ស្រស់ស្អាត និងកម្លាំងម៉ាស៊ីនខ្លាំងគ្មានគូប្រៀប
គ្រាន់តែក្រឡេកមើលទៅកាន់កុំព្យូទ័ររបស់ក្រុមហ៊ុន MSI នេះភ្លាម វាពិតជាស្រស់ស្អាតមែនទែនគ្មានគូប្រៀបនោះទេ។ កុំព្យូទ័រ MSI GE73VR 7RE RAIDER មានការរចនារូបរាងស៊ីវិល័យស្រោបពីលោហធាតុរឹងមាំ និងទាក់ទាញគ្រប់ពេលវេលាទាំងអស់។ អ្វីដែលរឹតតែពិសេសទៀតនោះ កុំព្យូទ័រស៊េរីថ្មីនេះភ្ជាប់ជាមួយនឹង GEFORCE GTX ដែលផ្តល់នូវបទពិសោធន៍ថ្មីនៃការលេងហ្គេមក្នុងកម្រិតល្បឿនលឿនបំផុត បច្ចេកវិទ្យាកម្រិតខ្ពស់ក្នុងការលេងហ្គេម និងប្រព័ន្ធ Gaming Ecosystem ល្អបំផុត។ GeForce GTX 10-Series GPUs ប្រភេទ GTX 1060 ផ្តល់នូវល្បឿនដំណើរការលឿនជាងមុនដល់ទៅ 3 ដងបើធៀបជាមួយនឹងល្បឿន GeForce GTX 970M GPUs ។ ពិសេសជាងនេះទៀត កុំព្យូទ័រនេះភ្ជាប់ជាមួយនឹង Ultra-fast FinFET ដែលជាបច្ចេកវិទ្យា Bandwidth Memory កម្រិតខ្ពស់ ហើយវាថែមទាំងទ្រទ្រង់នូវមុខងារ DirectX 12 ដែលផ្តល់នូវល្បឿនចែកចាយលឿន និងបទពិសោធន៍នៃការលេងហ្គេមយ៉ាងរលូននៅលើ Notebook ។
4. បទពិសោធន៍ថ្មីនៅក្នុងពិភពហ្គេម VR និងការទ្រទ្រង់ TriDef VR
គ្រប់កុំព្យូទ័ររបស់ក្រុមហ៊ុន MSI ដែលបំពាក់នូវក្រាហ្វិកកាតរបស់ក្រុមហ៊ុន NVIDIA ជំនាន់ចុងក្រោយរួមមាន GeForce® GTX 1080 / GTX 1070 / GTX 1060 តែងតែនាំលោកអ្នកទៅកាន់ពិភពមួយកាន់តែអស្ចារ្យទៀតនោះគឺ VR ។ ក្រោមការផ្តល់សិទ្ធិពីក្រុមហ៊ុន NVIDIA និង VIVE ក្រុមហ៊ុនបច្ចេកវិទ្យា MSI ទទួលបានចំណាត់ថ្នាក់លេខ 1 សម្រាប់បទពិសោធន៍នៃការលេងហ្គេម VR នៅលើកុំព្យូទ័រហ្គេម។ ក្រុមហ៊ុនបច្ចេកវិទ្យា MSI ផ្តល់នូវបទពិសោធន៍អស្ចារ្យបំផុតនៅក្នុងពិភប VR Games គ្មានដែនកំណត់ជាមួយបច្ចេកវិទ្យា AI ដ៏អស្ចារ្យក្នុងការចូលទៅកាន់ពិភពលោកថ្មីមួយទៀត។ TriDef VR អនុញ្ញាតអោយអ្នកលេងហ្គេមភ្ជាប់នូវហ្គេមដែលពួកគេចូលចិត្តលេងជាហ្គេម 3D នេះចូលទៅក្នុង HMD (Head Mounted Display) ។ Direct X9,10 និង 11 ធ្វើការភ្ជាប់ទៅកាន់បច្ចេកវិទ្យា 3D ក្នុងការនាំយកនូវបទពិសោធន៍កាន់តែអស្ចារ្យនៅលើ HMD នេះភ្ជាប់ទៅកាន់ឧបករណ៍ Oculus Rift និងHTC Vive ដើម្បីចាប់ផ្តើមការកម្សាន្តរបស់ពួកគេបានភ្លាម។
5. ការប្រើប្រាស់មុខងារ Multi-Task ភ្ជាប់ទៅកាន់ម៉ូនីទ័រ 3 និងបច្ចេកវិទ្យា True Color 2.0
លោកអ្នកអាចទទួលបានបទពិសោធន៍ថ្មីកាន់តែអស្ចារ្យក្រៅតែពីការលេងហ្គេមបានថែមទៀត។ ក្រុមហ៊ុនបច្ចេកវិទ្យា MSI ប្រើប្រាស់នូវបច្ចេកវិទ្យាថ្មីឈ្មោះថា Matrix Display ដែលទ្រទ្រង់នូវការភ្ជាប់ទៅកាន់ External Displays បានចំនួន 2 បន្ថែមទៀតតាមរយៈរន្ធដោត HDMI និង Mini DisplayPort 1.2 ។ Multi-Task អាចប្រើប្រាស់នូវមុខងារបានច្រើនក្នុងខណៈពេលដែលលោកអ្នកកំពុងតែលេងហ្គេមនោះ។ វាអាចភ្ជាប់ចេញពីកុំព្យូទ័រយួរដៃនេះទៅកាន់អេក្រង់ HDTV Display ហើយបច្ចេកវិទ្យា Matrix Display នេះទ្រទ្រង់នូវកម្រិតភាពច្បាស់ 4K (3840 x2160) ។ បច្ចេកវិទ្យា MSI Matrix Display ផ្តល់នូវបរិបទមួយថ្មីអស្ចារ្យថែមទៀតនៅក្នុងការកម្សាន្ត និងការលេងហ្គេមដែលគ្មានដែនកំណត់។ មួយវិញទៀត ក្រុមហ៊ុនបច្ចេកវិទ្យា MSI ក៏នាំយកនូវបច្ចេកវិទ្យា MSI True Color Technology ដែលជាការសហការជាមួយនឹងក្រុមហ៊ុន Portrait Displays, Inc. ក្នុងការនាំយកបច្ចេកវិទ្យាថ្មីនេះប្រើប្រាស់នៅលើអេក្រង់កុំព្យូទ័រ។ រូបភាពរបស់វាគឺច្បាស់លម្អិត 100% sRGB ម៉ត់ ស្រស់ស្អាត និងមិនបែកព្រាកនោះទេ។ ជាមួយនឹងបច្ចេកវិទ្យានេះ លោកអ្នកនឹងទទួលបានការកម្សាន្តមួយត្រជាក់ភ្នែកបំផុត៕
