កាលពីថ្ងៃទី 19 ខែធ្នូ ឆ្នាំ 2017 កន្លងទៅនេះ ក្រុមហ៊ុន តូយ៉ូតាម៉ូទ័រ ប្រចាំអាស៊ីប៉ាស៊ីហ្វិក បានប្រកាសថា រថយន្ត TOYOTA VIOS និង YARIS បានទទួលចំណាត់ថ្នាក់ផ្កាយ 5 (5-star) ទៅលើផ្នែកសុវត្ថិភាពពីសមាគមន៍វាយតម្លៃប្រព័ន្ធសុវត្ថិភាពរថយន្តថ្មីសម្រាប់អាស៊ីអាគ្នេយ៍ (ASEAN NCAP)។ ពិធីនេះបានប្រារព្វនៅប្រទេសម៉ាឡេស៊ី ហើយរថយន្ត TOYOTA VIOS និង YARIS ត្រូវបានប្រគល់ពានរង្វាន់ជារថយន្តដំបូងបង្អស់ដែលទទួលបានកំណត់ត្រាសុវត្ថិភាពខ្ពស់បំផុត (5-star) ក្រោមការវាយតម្លៃថ្មីពី ASEAN NCAP សម្រាប់គោលដៅសុវត្ថិភាព 2017-2020។
យោងតាមការបញ្ជាក់របស់អ្នករៀបចំពិធីនេះ បានអោយដឹងថា គោលដៅសុវត្ថិភាពរបស់ ASEAN NCAP 2017-2020 គឺផ្ដោតការយកចិត្តទុក ដាក់ទៅលើមនុស្សពេញវ័យ (Adult Occupant Protection), កុមារ (Child Occupant Protection), និងសុវត្ថិភាពបន្ថែម ដោយបានដាក់ការវាយតម្លៃទៅលើការប៉ះទង្គិច ផ្នែកខាងមុខ ផ្នែកចំហៀង ការបំពាក់ប្រពន្ធ័សុវត្ថិភាពសម្រាប់កុមារ (CRS) និងការវាយតម្លៃប្រព័ន្ធសុវត្ថិភាពនៃផ្នែកផ្សេងៗទៀតរបស់រថយន្ត។ ការពង្រឹងផ្នែកសុវត្ថិភាពអោយកាន់តែប្រសើរឡើងរបស់រថយន្ត TOYOTA VIOS និង YARIS គឺត្រូវបានបំពាក់បន្ថែមនូវឧបករណ៍ និងបច្ចេកវិទ្យាសំខាន់ៗដូចជាៈ
•ពោងសុវត្ថិភាពចំនួន ៧ (ការពារអ្នកបើកបរ ព្រមទាំងអ្នករួមដំណើរទាំងខាងមុខ និងផ្នែកខាងក្រោយ)
•ប្រព័ន្ធសុវត្ថិភាពក្នុងការឡើងចំណោត (Hill-start Assist Control)
•ប្រព័ន្ធក្រើនរំលឹកសុវត្ថិភាពចំពោះអ្នករួមដំណើរខាងមុខ (Seatbelt reminder for front passenger)
ដោយផ្អែកទៅលើគោលការណ៍លើកកំពស់សុវត្ថិភាពយានយន្ត តូយ៉ូតាបានដាក់ការខិតខំប្រឹងប្រែងក្នុងការចូលរួមដើម្បីទទួលបានរថយន្ត មួយដែលផ្តល់ជូននូវសុវត្ថិភាពបំផុត ដែលក្នុងនោះត្រួវបានរួមបញ្ចូលគ្នា ទាំងរថយន្ត មនុស្ស និងទីតាំងភូមសាស្រ្ដចរាចរណ៍។ បន្ថែមលើសពីការបន្តនូវការអភិវឌ្ឍន៍អោយកាន់តែប្រសើរឡើង ក្នុងការផ្ដល់ជូនរថយន្តដែលមានសុវត្ថិភាព និងទំនុកចិត្តខ្ពស់ដ៏ជាទីគាប់ចិត្តដល់អតិថិជន តូយ៉ូតាក៏មានសកម្មភាពបង្កើនចំណេះដឹងទូទៅទៅលើសុវត្ថិភាព ជាសាធារណ:ក្នុងតំបន់នីមួយៗ។
នៅក្នុងនាមជាអ្នកដឹកនាំសុវត្ថិភាពជាសកល តូយ៉ូតា បានរៀបចំកម្មវិធីសុវត្ថិភាពក្នុងតំបន់ចាប់តាំងពីឆ្នាំ 2014 មកដោយបានផ្តោតទៅលើមូលដ្ឋានគ្រឹះនៃសុវត្ថិភាព គឺចាប់ផ្ដើមពីការប្រើប្រាស់ទៅលើខ្សែក្រវ៉ាត់សុវត្ថិភាព។ ឆ្នាំនេះ តូយ៉ូតា មានសង្ឃឹមថា ពាក្យសុវត្ថិភាព នឹងត្រូវបានសាយភាយជាសាធារណៈ ហើយមានភាពងាយស្រួល នៅក្នុងការចង់ចាំ ដើម្បីយកមកអនុវត្តន៍រាល់ការបើកបរ ដោយគ្រាន់តែក្រើនរំលឹកដូចការរាប់ ABC , Attend to the wheel with both hands (ចាប់កាន់ដៃចង្កូតដោយដៃ ទាំងពីរ), Buckle up (ពាក់ខ្សែក្រវ៉ាត់), Concentrate (ផ្ដោតការយកចិត្តទុកដាក់)។ ក្រៅអំពីការអំពាវនាវអោយចូលរួមអនុវត្តន៍ ការយកចិត្តទុកដាក់ក្នុងការបើកបរ តូយ៉ូតាក៏សង្ឃឹមថានិងប្រកាសជាសាធារណ: ពីការបង្កើនរថយន្តដែលកាន់តែមានសុវត្ថិភាព។
ក្រុមហ៊ុន តូយ៉ូតា តែងគិតថា សុវត្ថិភាពគឺជាកត្តាចំបង ដែលចាំបាច់ត្រូវតែបន្តធ្វើការនេះជាមួយគ្រប់ផ្នែកទាំងអស់ដែលពាក់ពន្ធ័ ដើម្បីសំរេចបានគោលការណ៏ដ៏ធំមួយ គឺសហគមន៍គ្មានគ្រោះថ្នាក់ចរាចរណ៍។ គួររំលឹកផងដែរថា កាលពីថ្ងៃទី 09 ខែ ធ្នូ ឆ្នាំ 2017 នេះក្រុមហ៊ុនតូយ៉ូតា (ខេមបូឌា) ក៏បានប្រារព្ធពិធីសម្ពោធរថយន្តម៉ូដែលថ្មី Vios 2018 នេះដែលបានធ្វើឡើងនៅផ្សារទំនើប អ៊ីអនម៉ល ជាមួយតម្លៃត្រឹមតែ $29,500 តែប៉ុណ្ណោះ។ សម្រាប់ព៌ត័មានបន្ថែមសូមទំនាក់ទំនងមកកាន់លេខទូរស័ព្ទ: 017 555 503 និង 017 222 532.