Huawei Mate 9 លេចចេញរូបរាងជាថ្មីម្តងទៀតជាមួយជម្រើសច្រើនពណ៌
តាមសារព័ត៌មានលេចលឺកាលពីសប្តាហ៍មុនបានឲ្យដឹងថា “ក្រុមហ៊ុន Huawei នឹងប្រកាសចេញកំពូលទូរស័ព្ទស្មាតហ្វូនប្រភេទហ្វាប់ប្លែតជំនាន់ថ្មីគឺ Huawei Mate 9 នៅថ្ងៃទី 08 វិច្ឆិកាខាងមុខនេះ”។ ប៉ុន្តែស្របពេលមានព័ត៌មានចចាមអារ៉ាមជាច្រើនបាននឹងកំពុងនិយាយពីកំពូលហ្វាប់ប្លែតមួយនេះក៏មានម្ចាស់បណ្តាញសង្គម Weibo របស់ចិនម្នាក់ដែលមានគណនីឈ្មោះថា “@ichangezone” បានបង្ហោះនូវរូបភាពបួនសន្លឹករបស់ Mate 9 ដែលធ្វើឲ្យកាន់តែមានភាពរំជើបរំជួលជាថ្មីម្តងទៀត។
បើមើលតាមរូបភាពដែលបានបង្ហោះនោះយើងសង្កេតឃើញថា Mate 9 អាចមានការផ្លាស់ប្តូរច្រើនខុសពីជំនាន់ Mate 8 តួរយ៉ាងដូចជាកាមេរ៉ាក្រោយពីរគ្រាប់របស់ Leica សែនស័រចាប់រូបភាព និងខាងមុខយើងឃើញមានកាមេរ៉ាមុខនៅជិតគឺជាសែនស័របិទពន្លឺអេក្រង់ ហើយមួយទៀតអាចជាកាមេរ៉ាប្រើសម្រាប់មុខងារស្កែនប្រស្រីភ្នែក “iris scanner” ក៏ថាបាន។ ហើយអ្វីដែលកាន់តែចាប់អារម្មណ៍ជាងនេះទៅទៀតនោះគឺវាមានពណ៌រហូតដល់ទៅបួនពណ៌គឺមានពណ៌ទឹកប្រាក់ ទឹកមាស ទឹកមាសក្រម៉ៅ និងផ្កាឈូក។
ហើយបើតាមសារព័ត៌មានចចាមអារ៉ាមដែលបានចុះផ្សាយនាប៉ុន្មានខែកន្លងទៅនេះបានឲ្យដឹងថា “Huawei Mate 9 នៅតែបំពាក់កញ្ចក់អក្រង់ទំហំ 6.0 មេហ្គាភិចសែលជាមួយកម្រិតបង្ហាញរូបភាព Full-HD ដូច Mate 8 ដែរ។ ប៉ុន្តែ Mate 9 អាចនឹងបំពាក់កាមេរ៉ាភ្លោះរបស់ Leica ដែលមានទំហំ 20 មេហ្គាភិចសែលនៅផ្នែកខាងក្រោយភ្ជាប់ដោយបច្ចេកវិទ្យាទប់លំនឹងកាមេរ៉ា “OIS Tech” និងកាមេរ៉ាខាងមុខទំហំ 8.0 មេហ្គាភិចសែលសម្រាប់សែលហ្វី។ ងាកមកកំលាំងម៉ាស៊ីនរបស់វាវិញគឺ Mate 9 អាចនឹងប្រើបន្ទះឈីប Kirin 960 មានជម្រើសរ៉េម 4GB & 6GB, មានជម្រើសអង្គផ្ទុកទិន្នន័យចាប់ពី 64GB, 128GB និង 256GB ប៉ុន្តែអាចបន្ថែមម៉េមូរីក្រៅបានរឺអត់នៅមិនទាន់ដឹងប្រាកដនៅឡើយទេ។
ព័ត័មានទាំងនេះវាក៏អាចក្លាយជាការពិតក៏ថាបានព្រោះអីថាបច្ចុប្បន្នមានក្រុមហ៊ុនជាច្រើនបានសម្រុកបញ្ចេញទូរស័ព្ទស្មាតហ្វូនកំពូលរបស់ខ្លួនដើម្បីប្រជែងទីផ្សារតួរយ៉ាងដូចជា Xiaomi ទើបប្រកាសចេញស្មាតហ្វូនកំពូលរបស់ខ្លួនម្សិលមិញនេះគឺម៉ូដែល Mi 5S និង Mi 5S Plus, Samsung ក៏បានបញ្ចេញហ្វាប់ប្លែតកំពូលរបស់ខ្លួនគឺ Galaxy Note7 ហើយ Apple ក៏ទើបប្រកាសចេញកំពូលស្មាតហ្វូនរបស់ខ្លួនគឺ iPhone 7 និង 7 Plus។ ចុះមូលហេតុអ្វីដែល Huawei ទ្រាំនៅស្ងៀមបាននោះ៕
TECNO POVA 6 Pro 5G ស្មាតហ្វូនលេងហ្គេមល្អបំផុតតម្លៃក្រោម $300 មានភ្ជាប់ជាមួយនឹងបន្ទះឈីប 5G និងមានថាមពលថ្មប្រើប្រាស់បានយូរ
Huawei បានវិនិយោគទឹកប្រាក់ជាង 1 ពាន់លានយ៉ន់ទៅលើការស្រាវជ្រាវ និងអភិវឌ្ឍនារយៈពេលជាង 10 ឆ្នាំមកនេះ
ក្រុមហ៊ុនហួវៃ ដាក់សម្ពោធ កុំព្យូទ័រ AI HUAWEI Matebook Series D14, D16, B3 និង ឧបករណ៍ WIFI ជំនាន់ចុងក្រោយព្រមគ្នា!
មេក្រុមហ៊ុន Samsung បានប្រកាសបង្កើតនូវសម្ព័ន្ធភាពជាមួយក្រុមហ៊ុន Zeiss នៅក្នុងការផលិតនូវបន្ទះឈីបកម្រិតខ្ពស់!
ប្រូម៉ូសិនរដូវក្តៅជាមួយម៉ាក LG ពីក្រុមហ៊ុនស៊ុនស៊ីម៉ិចកូ!!!
