ថ្ងៃនេះ ក្រុមហ៊ុន Huawei បានប្រកាសចេញដាក់លក់ស្មាតហ្វូនត្រកូល Nova ក្នុងប្រទេសចិន។ ស្របពេលជាមួយគ្នានេះដែរ Huawei ក៏បានប្រកាសពីតួរលេខនៃការលក់ស្មាតហ្វូនចាប់តាំងពីដើមឆ្នាំ 2016 មកទល់ឆមាសទីពីរនេះ ដោយក្រុមហ៊ុនចេញលក់ស្មាតហ្វូនបានចំនួនប្រមាណជាង 100 លានគ្រឿងនៅលើទីផ្សារទូទាំងសកលលោក។ ក្នុងនោះ ស្មាតហ្វូនម៉ូដែល Huawei P9 លក់បានជាង 6 លានគ្រឿង និងត្រកូល Huawei Honor បានជាង 1.5 លានគ្រឿង។
ការចេញចរាចរណ៍លក់ស្មាតហ្វូនរបស់ក្រុមហ៊ុន Huawei មានការរីកចំរើនខ្លាំងពីមួយឆ្នាំទៅ មួយឆ្នាំដែលកាលពីកំឡុងឆ្នាំ 2015 Huawei ចេញលក់ស្មាតហ្វូនរបស់ខ្លួននៅទូទាំងសលកលោកបានចំនួន 100 លានគ្រឿង ហើយសម្រាប់ឆ្នាំនេះ Huawei រំពឹងទុកថានឹងលក់ស្មាតហ្វូនរបស់ខ្លួនបានកាន់តែច្រើនជាងឆ្នាំកន្លងទៅ។ Huawei គ្រោងនឹងប្រារព្ធព្រឹត្តិការណ៍ពិសេសមួយដើម្បីអបអរការកើនឡើងនៃចំនួនលក់ស្មាតហ្វូននៅដំណាច់ឆ្នាំនេះទៀតផង។ ហើយជាពិសេសទៅទៀតនោះមានព័ត៌មានលេចលឺមកថា “នៅដំណាច់ឆ្នាំនេះ Huawei នឹងប្រកាសចេញកំពូលស្មាតហ្វូនជំនាន់ថ្មីមួយម៉ូដែលទៀតគឺ Huawei Mate 9 ដែលគេរំពឹងទុកថាវានឹងបង្ហាញវត្តមាននៅថ្ងៃទី 03 វិច្ឆិកា ឆ្នាំ 2016 នេះ៕