MSI ចេញហ្គេមីងម៉ូនីទ័រ 32 អ៊ីង 4K QD-OLED ពីរម៉ូដែល ទ្រទ្រង់ដោយស្រទាប់ 5-Layer Tandem នៅមុនព្រឹត្តិការណ៍ CES 2026

នៅមុនព្រឹត្តិការណ៍ CES 2025 ក្រុមហ៊ុន MSI បានបង្ហាញនូវម៉ូនីទ័រលេងហ្គេម 32-អ៊ីង 4K QD-OLED ចំនួន 2 ម៉ូដែលដោយមានគោលដៅសម្រាប់បំពេញតម្រូវការអ្នកប្រើប្រាស់ផ្សេងៗគ្នា។ ម៉ូនីទ័រ MPG 322UR QD-OLED X24 និង MAG 321UP QD-OLED X24 បំពាក់នូវស្រទាប់អេក្រង់ 5-Layer Tandem OLED Architecture គាំទ្រជាមួយនឹងបច្ចេកវិទ្យា  EL Gen 3 សម្រាប់បង្កើនទៅលើប្រសិទ្ធិភាពនៃការប្រើប្រាស់បានកាន់តែយូរជាងមុន។

បន្ថែមពីនេះ ម៉ូនីទ័រទាំងពីរនេះ បំពាក់នូវបច្ចេកវិទ្យា DarkArmor Film technology ដែលអាចដោះស្រាយទៅលើបញ្ហានៃ  QD-OLED ដោយលុបបំបាត់នុវពណ៌ស្វាយ និងក្រហមចេញពីស្តង់ដារនៃអេក្រង់ QD-OLED panels បានយ៉ាងល្អទៀតផង។ សម្រាប់ Film ថ្មីនេះ អាចបង្កើនទៅលើពន្លឺពណ៌ខ្មៅបានដល់ទៅ 40% ជាមួយនឹងគុណភាពរូបភាពកាន់តែច្បាស់ជាងមុនថែមទៀត។ បន្ថែមពីនេះ បច្ចេកវិទ្យានេះក៏ធន់ទៅនឹងស្នាមឆ្កូតបានដល់ទៅ 2.5 ដងថែមទៀតសម្រាប់សកម្មភាពប្រើប្រាស់ប្រចាំថ្ងៃ។ ម៉ូនីទ័រ MPG 322UR QD-OLED X24 នេះ ក៏មានការប្រើប្រាស់នូវសេនស័រ  AI Care Sensor ដែលម៉ូឌែលផ្សេងមិនមាននោះទេ។ 

សម្រាប់បន្ទះឈីប NPU នេះ ក៏មានដាក់អោយដំណើរការដោយ human detection algorithms បែបជាលក្ខណៈ real-Time ដើម្បីឆែកមើលថា អ្នកណាម្នាក់ប្រើប្រាស់ម៉ូនីទ័រនេះ ឬអត់ផងដែរ។ នៅពេលដែលរកឃើញថា មិនមានអ្នកណាម្នាក់ប្រើប្រាស់នូវម៉ូនីទ័រនេះទេ នោះម៉ូទ័រនេះ នឹងធ្វើការកែប្រែទៅលើ Power Setting ដោយស្វ័យប្រវត្តិ និងបើកមុខងារការពារអេក្រង់នេះថែមទៀតផង។ មុខងារនេះ នឹងជួយធ្វើអោយអាយុកាលនៃការប្រើប្រាស់អេក្រង់បានកាន់តែយូរ។

សម្រាប់ម៉ូនីទ័រ MAG 321UP QD-OLED X24 គឺជាប្រភេទ Standard version ប្រើប្រាស់នូវស្រទាប់ 5-Layer Tandem OLED display និង DarkArmor Film ប៉ុន្តែមិនមាន AI Care Sensor នោះទេ។ ការប្រើប្រាស់នូវ 5-layer Tandem OLED នេះ គឺមានភាពខុសគនាពីការឌីស្សាញជាមួយនឹង Single-layer OLED panels។ ជាមួយគ្នានេះ អេក្រង់នេះ ក៏មានបំពាក់នូវ light-emitting layers ជាច្រើនទៀត ដើម្បីបង្កើនទៅលើកម្រិត brightness ហើយក៏ធ្វើអោយអេក្រង់អាចប្រើប្រាស់បានយូរផងដែរ។ នៅក្នុងពេលនេះ ក្រុមហ៊ុន MSI មិនទាន់បញ្ជាក់នូវតម្លៃ និងកាលបរិច្ឆេទនៃការលក់ជាផ្លូវការទៅលើម៉ូនីទ័រនេះនៅឡើយទេ។ ប៉ុន្តែម៉ូឌែលទាំងពីរនេះនឹងបង្ហាញខ្លួនឆាប់ៗនេះនៅក្នុងឆ្នាំ 2026 ៕