MSI បង្ហាញក្រាហ្វិកកាតថ្មី RTX 5090 Lightning Z កម្លាំងខ្លាំងដល់ទៅ 2,500W នៅក្នុងព្រឹត្តិការណ៍ CES 2026

នៅក្នុងព្រឹត្តិការណ៍ CES 2026 នេះ ក្រុមហ៊ុន MSI បានសបង្ហាញនូវក្រាហ្វិកកាតដ៏ខ្លាំងក្លាបំផុតរបស់ខ្លួននោះគឺ GeForce RTX 5090 Lightning Z ដែលនេះ គឺជាការវិលត្រឡប់នៃ Lightning Z series ក្រោយពេលដែលអវត្តមានជាយូរមកហើយ។  សម្រាប់ការមកនៃក្រាហ្វិកកាតនេះ គឺមិនមែនសម្រាប់កុំព្យូទ័រ Gaming PCs ធម្មតានោះទេ។ Lightning Z នេះគឺបង្កើតឡើងសម្រាប់បង្កើតនូវ Extreme overclocking។ សូមជំរាបថា ក្រុមហ៊ុន MSI ធ្លាប់ប្រើប្រាស់នូវស្ថាបតម្យកម្ម 394x120x56mm Radiator នៅលើក្រាហ្វិកកាត  RTX 5090 ផងដែរ ហើយសម្រាប់កម្លាំង Power delivery គឺមិនធម្មតានោះទេ។ 

តាមប្រភពខាងលើនេះ បញ្ជាក់ថា ក្រាហ្វិកកាតថ្មីនេះ គឺមានការដាក់អោយប្រើប្រាស់នូវ Dual 12V-2×6 connectors និងការដំណើរការជាមួយកម្លាំងកម្លាំងដល់ទៅ 1,600W នៅក្នុង Standard configuration។ នៅក្នុង BIOS វិញ គឺអាចបង្កើនល្បឿនបានខ្លាំងដល់ទៅ 2,500W។ ជាមួយគ្នានេះ ក្រាហ្វិកកាតថ្មីនេះ ថែមទាំងមានការបំពាក់នូវ 21,760 CUDA cores, boost clocks 2.8GHz នៅក្នុង performance mode និង 32GB GDDR7 memory 512-bit bus ទៀតផង។ ក្រុមហ៊ុន MSI ថែមទាំងមានការបំពាក់នូវ 40-phase VRM និង modern display outputs ដែលក្នុងនោះក៏មាន DisplayPort 2.1b មកជាមួយផងដែរ។ 

តាមការបញ្ជាក់ខាងលើនេះបន្តថា ក្រុមហ៊ុន MSI ក៏មានគម្រោងក្នុងការផលិតលក់ត្រឹមតែ 1300 គ្រឿងប៉ុណ្ណោះ ហើយនឹងមានការដាក់លក់នៅក្នុងខែកុម្ភៈ ឆ្នាំ 2026។ សម្រាប់តម្លៃរបស់ក្រាហ្វិកកាតថ្មីនេះ គឺមិនទាន់ប្រកាសនៅឡើយទេ។ យ៉ាងណាមិញ មានការព្យាករណ៌ថា ក្រាហ្វិកកាតថ្មី RTX 5090 Lightning Z អាចនឹងមានតម្លៃខ្ពស់ជាងម៉ូឌែល  RTX 5090 ទៀតផង។ ក្រាហ្វិកកាតនេះ មិនមែនសម្រាប់អ្នកប្រើប្រាស់គ្រប់គ្នានោះទេ ដោយសារតែវាទាមទារនូវសមាសភាគដែលមានកម្លាំងខ្លាំងក្លា ហើយការផលិតក៏មានចំនួនកំណត់ទៀតផង៕