កំលាំងថ្មរបស់កំពូលស្មាតហ្វូន LG V20 មានទំហំ 3,200 mAh ដែលមានសមត្ថភាពអាចគាំទ្រការប្រើប្រាស់ទូទៅបានពេញមួយថ្ងៃដោយគ្មានបញ្ហាឡើយ។ ប៉ុន្តែប្រសិនបើយើងមានតម្រូវការប្រើប្រាស់ខ្លាំងជាងនេះហើយកំលាំងថ្មប៉ុណ្ណេះ មិនគ្រប់គ្រាន់សម្រាប់ការប្រើប្រាស់របស់យើង ហើយយើងចង់បានថាមពលថ្មបន្ថែមទៀតនោះតើយើងត្រូវធ្វើដូចម្តេច ត្រូវទិញថ្មសាគូ ឬក៏ Power Bank សម្រាប់សាកបណ្តើរលេងបណ្តើររឺ? កុំទៅពិបាកអី…!ឥលូវនេះក្រុមហ៊ុនផលិត Case ដែលមានឈ្មោះថា ZeroLemon បានប្រកាសចេញ Battery Case ស៊េរីថ្មីសម្រាប់ប្រើជាមួយ LG V20 ដែលអាចជួយធ្វើឲ្យស្មាតហ្វូនមួយនេះកាន់ប្រើប្រាស់បានរហូតដល់ទៅ 5 ថ្ងៃដោយគ្មានបញ្ហាឡើយ។
ZeroLemon Battery Case ស៊េរីថ្មីមួយនេះមិនត្រឹមតែជួយការពារតួរទូរស័ព្ទ LG V20 ពីការធ្លាក់ប៉ះទង្គិចនោះទេ វាត្រូវបានក្រុមហ៊ុនភ្ជាប់មកជាមួយថ្មដែលមានកំលាំងថាមពលខ្លាំងរហូតដល់ទៅ 10,000 mAh ដែលជួយឲ្យទូរស័ព្ទ LG V20 កាន់ថាមពលប្រើប្រាស់បានរយះពេល 5 ថ្ងៃដោយការសាកបញ្ចូលម្តង។ លក្ខណះពិសេសមួយទៀតរបស់ Case មួយនេះគឺវាផលិតឡើងតម្រូវទៅនឹងតួររបស់ V20 តែម្តង ហើយនៅពេលដាក់ចូលត្រូវដោះសន្ទះគម្របទូរស័ព្ទខាងក្រោយចេញ។ ZeroLemon Battery Case មានទំងន់ 230 ក្រាម និង ទំងន់សរុបទាំងទូរស័ព្ទគឺ 330 ក្រាម។ Case ជំនួយថាមពលថ្មនេះត្រូវបានក្រុមហ៊ុនប្រកាសដាក់លក់នៅលើបណ្តាញលក់ទំនិញអនឡាញ Amazon ក្នុងតម្លៃ $ 60 អាមេរិក៕
