បន្ទាប់ពីទទួលបានប៉ាតង់មួយឈ្មោះថា "environmental sensor" ក្រុមហ៊ុន Samsung គ្រោងនឹងបង្កើតនូវបន្ទះឈីបថ្មីមានទំហំតូចសម្រាប់បំពាក់ចូលទៅក្នុងស្មាតហ្វូន Galaxy ជំនាន់បន្ទាប់របស់ខ្លួន ដែលនឹងមានសមត្ថភាពអាចវាស់ទៅលើគុណភាពខ្យល់បាន។ សេនស័រ (Sensors) ថ្មីនេះ គឺវាស់ទៅលើគុណភាពបរិកាសខ្យល់ខាងក្រៅតាមរយៈការចាប់យកភាគល្អិតតូចបំផុត អាចវាស់បានត្រឹមត្រូវបំផុត។ កាលពីមុន ក្រុមហ៊ុន Samsung បានសាកល្បងរួចមកហើយ តែដូចជាធំពេកក្នុងការបំពាក់ចូលទៅក្នុងស្មាតហ្វូននោះ។
មានសំណួរសួរថា តើក្រុមហ៊ុន Samsung អាចសម្រេចរឿងនេះ បានដោយរបៀបណា? ក្រុមហ៊ុន Samsung បានធ្វើសេនស័រនេះ បានយ៉ាល្អ និងមានសភាពយរាបស្មើ និងដាក់ចូលទៅក្នុងស្រទាប់ក្រោមអេក្រង់បាន ស្របពេលដែលស្មាតហ្វូនថ្មីនេះ មានអេក្រង់ធំល្មមគ្រប់គ្រាន់ផងនោះ។ ក្រុមហ៊ុន Samsung បានសម្រេចដាក់វានៅក្រោមអេក្រង់នេះ ប៉ុន្តែស្ថិតនៅក្នុងទំហំតូចមួយ ដើម្បីឱ្យខ្យល់អាចចេញចូលបាន ងាយស្រួលនិងអាចវាស់ទៅលើកម្រិតគ្រោះថ្នាក់នៃគុណភាពខ្យល់នៅជុំវិញខ្លួនបាន។
យោងតាមព័តមានខាងលើបានបញ្ជាក់ថា គេនៅមិនទាន់មានការធានាថា យើងនឹងបានឃើញនូវប្រព័ន្ធជូនដំណឹងគុណភាពខ្យល់ឆាប់ៗនេះ នៅលើស្មាតហ្វូន Galaxy S9 នោះទេ ប៉ុន្តែជាធម្មតាប្រសិនបើក្រុមហ៊ុន Samsung កាន់កាប់ប៉ាតង់អ្វីនោះ ហើយបានបង្ហោះវាជាសាធារណៈថែមទៀត មិនយូរមិនឆាប់ទេ ក្រុមហ៊ុន Samsung នឹងបង្ហាញផលិតផលថ្មីនោះហើយ។ គួរបញ្ជាក់ថា កម្មវិធីសម្រាប់ប្រើប្រាស់នៅលើប៉ាតង់នេះ គឺសម្រេចរួចរាល់ជាងមួយឆ្នាំកន្លះ មកហើយ ពិសេសក្រុមហ៊ុន Samsung នឹងប្រើប្រាស់សេនស័រ Barometer ផ្សេងរួមជាមួយនឹងសេន ស័រចាប់សញ្ញាកាំរស្មី UV នៅក្នុងស្មាតហ្វូនរបស់ខ្លួនផងដែរ៕