ស្របពេលដែលក្រុមហ៊ុនផលិតរថយន្តជាច្រើនព្យាយាមក្នុងការជំនួសនូវការងាររបស់មនុស្សតាមរយៈការផលិតនូវមនុស្សយន្តដើម្បីសម្រួលកម្លាំងពលកម្មនោះ ក្រុមហ៊ុន Ford បានសម្រេចចិត្តក្នុងការប្រែក្លាយបុគ្គលិករបស់ខ្លួន អោយក្លាយជាមនុស្សកាន់តែអស្ចារ្យជាមួយនឹងការប្រើប្រាស់នូវឧបករណ៍ Exoskeleton។ ដើម្បីកាត់បន្ថយនូវកិច្ចការលំបាកនៅក្នុងការបង្កើតនូវរថយន្តជាច្រើននោះនៅក្នុងដំណើរការនៃការផលិត EksoVest គឺជាឧបករណ៍ថ្មីដែលត្រូវប្រើប្រាស់នៅក្នុងរោងចក្រចំនួន 15 នៅទូទាំងពិភពលោក។
ក្រុមហ៊ុន Ford ចាប់ដៃគូជាមួយនឹងក្រុមហ៊ុន Ekso Bionics នៅក្នុងការអភិវឌ្ឍទៅលើបច្ចេកវិទ្យាដែលមានការទ្រទ្រង់ទៅលើកម្លាំងដៃរបស់មនុស្ស ខណៈពេលដែលកំពុងតែបំពេញការងារ ដើម្បីអោយពួកគេមានកម្លាំងនៅក្នុងការប្រើប្រាស់នូវសម្ភារៈដែលធ្ងន់ៗ នៅផ្នែកខាងក្រោមនៃរថយន្តនោះ។ លោក Bruce Hettle អនុប្រធានរបស់ក្រុមហ៊ុន Ford ផ្នែកផលិតកម្ម និងការងារបញ្ជាក់ថា “ការផលិតរថយន្តគឺជាការងារដ៏លំបាកបំផុត។ យើងយកចិត្តទុកដាក់ទៅលើបុគ្គលិករបស់យើង និងព្យាយាមជួយពួកគេអោយធ្វើការងាររបស់ពួកគេជាមួយនឹងការប្រើប្រាស់កម្លាំងចេញពីសារពាង្គកាយរបស់ពួកគេតែម្តង។”
បច្ចេកវិទ្យានេះ ត្រូវដំណើរការសាកល្បងនៅក្នុងរោងចក្រ Flat Rock Michigan របស់ក្រុមហ៊ុន Ford កាលពីប៉ុន្មានឆ្នាំមុននេះ ហើយបុគ្គលិកជាច្រើន ដែលប្រើប្រាស់នូវឧបករណ៍នេះ គឺមានការភ្ញាក់ផ្អើលអំពីប្រសិទ្ធិភាពការងាររបស់វាផងដែរ។ វាអាចប្រើប្រាស់បានសម្រាប់មនុស្សដែលមានកម្ពស់ 5 feet 2 inches ដល់ 6 feet 4 inches ។ វាអាចជួយអោយលើកទំងន់បានដល់ទៅ 15 ផោនក្នុងដៃម្ខាង។ ការប្រើប្រាស់នូវឧបករណ៍នេះនៅក្នុងការផលិតរថយន្តនោះ ដូចនេះរថយន្ត Mustangs និង F-150s ស៊េរីថ្មីនឹងមិនមានការពន្យារពេលនោះទេ។
ស្របពេលដែលឧបករណ៍នេះ ត្រូវបង្កើតឡើងជាចម្បងសម្រាប់ការកាត់បន្ថយទៅលើហានិភ័យនៃគ្រោះថ្នាក់ដែលអាចកើតឡើងនៅក្នុងការផលិតរថយន្តនោះ EksoVest ក៏អាចប្រើប្រាស់បានសម្រាប់ការប្រើប្រាស់កាន់តែងាយស្រួលពី Skynet នៅក្នុងគម្រោងរបស់ពួកគេ ដើម្បីធ្វើការគ្រប់គ្រងពិភពលោកនោះ។
លោក Jack Peurach អគ្គនាយក និងនាយកប្រតិបត្តិរបស់ក្រុមហ៊ុន Ekso Bionics បាននិយាយថា បេសកកម្មរបស់យើងក្នុងការបង្កើតនូវមនុស្សដ៏អស្ចារ្យជាមួយនឹងការបំពាក់នូវបច្ចេកវិទ្យាដ៏អស្ចារ្យនេះ គឺជាជំហានដ៏ធំដែលកំពុងតែឈានទៅមុខយ៉ាងខ្លាំងខណៈពេលដែលភាពជាដៃគូរបស់ក្រុមហ៊ុន Ford កំពុងតែដាក់ពង្រាយនូវឧបករណ៍ EksoVest នេះទៅជុំវិញពិភពលោកនោះ៕