ក្រុមហ៊ុនផលិតរថយន្ត Hyundai កំពុងតែរៀបចំនូវការផ្លាស់ប្តូរដ៏ធំជាច្រើន សម្រាប់រថយន្តស៊េរីថ្មី Hyundai SanteFe 2019 របស់ខ្លួន។ ដូចគ្នាទៅនឹងរថយន្តមុនដែរ សម្រាប់រថយន្តស៊េរីថ្មីនេះ នឹងមានពីរទំហំសម្រាប់ធ្វើការជ្រើសរើស។ សម្រាប់ម៉ូដែលទំហំតូច នឹងមានឈ្មោះហៅថា SanteFe Sport ខណៈពេលដែលម៉ូដែលធំជាងនឹងមានឈ្មោះហៅថា SanteFe ។ យ៉ាងណាមិញ សម្រាប់រថយន្តស៊េរីឆ្នាំ 2019 ទាំងអស់នេះ គឺបោះបង់ចោលឈ្មោះ Sante Fe Sport។
រថយន្តដែលមានកៅអី 5 នេះ មានឈ្មោះហៅថា SanteFe ហើយសម្រាប់រថយន្តដែលមានកៅអី 7 នេះ ត្រូវបានផ្លាស់ប្តូរទៅជាឈ្មោះហៅថា SanteFe XL វិញ។ អ្វីដែលល្អនោះ មិនមានការផ្លាស់ប្តូរទៅលើតម្លៃរបស់វានោះទេ។ តាមការបញ្ជាក់របស់ CarsDirect បានអោយដឹងថា រថយន្ត Sante Fe XL នឹងមានតម្លៃដូចគ្នាទៅនឹងរថយន្ត Sante Fe ឆ្នាំមុននេះដែរគ្រាន់តែរថយន្តស៊េរីថ្មីនេះ មានតម្លៃកើនឡើងជាងមុនបន្តិចប៉ុណ្ណោះ។
តម្លៃរបស់រថយន្តនេះ ចាប់ផ្តើមពី $31,830 ហើយប្រសិន បើអ្នកចង់បាននូវ SE Trim សម្រាប់កង់រថយន្តនេះ អ្នកត្រូវបន្ថែមទឹកប្រាក់ $1,750 ថែមទៀត។ សម្រាប់រថយន្តប្រភេទ Limited Ultimate trim នេះ មានតម្លៃចាប់ផ្តើមពី $40,530។ រថយន្ត Santa Fe XL 2019 មានតម្លៃថ្លៃជាងរថយន្ត Santa Fe ដល់ទៅ $5,350 ដែលមានតម្លៃ $26,480 សម្រាប់ SE trim និងតម្លៃ $39,780 សម្រាប់ Ultimate trim នោះ។
រូបរាងរបស់រថយន្តស៊េរីថ្មី SanteFe XL មើលទៅគឺស្រដៀងគ្នាជាមួយនឹងរថយន្ត SanteFe ស៊េរីចាស់អញ្ចឹងដែរ។ សម្រាប់ម៉ូដែលថ្មីទាំងអស់ គឺមានការបំផុសគំនិតដោយរថយន្ត Kona Crossover។ Hyundai SanteFe 2019 ប្រើប្រាស់នូវកម្លាំងម៉ាស៊ីន 2.4-liter Four-Cylinder Engine ដែលមានកម្លាំងដល់ទៅ 185 សេះ ជាមួយនឹងចង្កឹះលេខ 8 វគ្គអូតូ ខណៈពេលដែលរថយន្ត SanteFe XL ប្រើប្រាស់ម៉ាស៊ីន 3.3-liter V6 និងចង្កឹះលេខ 6 វគ្គអូតូផងដែរ៕