no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung Electronics បាននឹងកំពុងតែនាំមុខទីផ្សារទូរទស្សន៍ថ្នាក់ប្រណិតនៅក្នុងសហរដ្ឋអាមេរិក

ក្រុមហ៊ុន Samsung Electronics បាននឹងកំពុងតែធ្វើការពង្រីកនូវភាពនាំមុខគេរបស់ខ្លួនជាមួយនឹងគូប្រកួតប្រជែងជាច្រើននៅក្នុងទីផ្សារទូរទស្សន៍ថ្នាក់ប្រណិតនៅក្នុងសហរដ្ឋអាមេរិក នេះបើតាមរបាយការណ៍ស្រាវជ្រាវទីផ្សារ បានបញ្ជាក់នៅថ្ងៃទី 4 ខែតុលានេះ។ របាយការណ៍ចេញពីក្រុមហ៊ុនស្រាវជ្រាវ NPD របស់សហរដ្ឋអាមេរិក បានបញ្ជាក់ថា ក្រុមហ៊ុន Samsung មាន 34% នៃចំណែកទីផ្សារទូរទស្សន៍នៅចុងខែសីហានេះ ស្របពេលដែលក្រុមហ៊ុន LG Electronics (15%) ហើយក្រុមហ៊ុន Vizio និង Sony មាន 11% ដូចគ្នា។

ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ កំពុងតែមានដំណើរការបានយ៉ាងល្អសម្រាប់ផ្នែកទូរទស្សន៍ប្រណិតនេះជាមួយនឹងតម្លៃថ្លៃជាង US$2,500 ដែលស្មើទៅនឹង 44% នៃចំណែកទីផ្សាររបស់សហរដ្ឋអាមេរិកនោះ។ តួលេខនេះអាចធ្វើការប្រៀបធៀបជាមួយនឹង 33% របស់ក្រុមហ៊ុន Sony និង23% របស់ក្រុមហ៊ុន LG ។

មានការប៉ាន់ប្រមាណថា ក្រុមហ៊ុនបច្ចេកវិទ្យា Samsung នឹងបង្កើននូវចំនួនរបស់ខ្លួនដល់ទៅ 50% នៅក្នុងខែកញ្ញានេះ។ តួលេខដែលត្រូវគ្នាសម្រាប់ក្រុមហ៊ុន Samsung នៅក្នុងរយៈពេលដូចគ្នាកាលពីឆ្នាំមុននេះគឹមានចំនួន 27% ។ សម្រាប់ទូរទស្សន៍ 75-inch ឬទូរទស្សន៍អេក្រង់ធំជាងនេះ ក្រុមហ៊ុន Samsung បានយកឈ្នះជាមួយនឹងចំណែកទីផ្សារច្រើនជាង 57% ច្រើនជាងក្រុមហ៊ុន Sony ដែលមានត្រឹមតែ 25% នៅចុងខែសីហានេះ នេះបើតាមការរាយការណ៍របស់ NPD។ ក្រុមហ៊ុន Samsung មានចំណែកទីផ្សារ 43% នៅក្នុងរយៈពេលដូចគ្នាកាលពីឆ្នាំមុននេះ។

ក្រុមហ៊ុន Samsung បាននិយាយថា ខ្លួនគ្រោងនឹងបង្ហាញនូវទូរទស្សន៍ប្រណិតរបស់ខ្លួន ultra-premium QLED 8K TV នៅក្នុងសហរដ្ឋអាមេរិក និងអ៊ឺរ៉ុបនៅក្នុងខែនេះ ដែលក្រុមហ៊ុននេះ រំពឹងថា នឹងធ្វើការបង្កើននូវចំណែកទីផ្សាររបស់ក្រុមហ៊ុនផងដែរ។ ក្រុមហ៊ុននិយាយទៀតថា “យើងរំពឹងថា ទូរទស្សន៍កម្រិតភាពច្បាស់ 8K នេះ នឹងបង្កើនទីផ្សារកាន់តែលឿនដោយសារបច្ចេកវិទ្យា AI ក្នុងការផ្លាស់ប្តូរពីកម្រិតភាពច្បាស់ទាបទៅកាន់កម្រិតអេក្រង់ 8K។ ប្រសិនបើនេះគឺជារឿងពិតនោះ យើងនឹងទទួលបាននូវផលវិជ្ជមានជាច្រើនពីតម្រូវការនៅក្នុងសហរដ្ឋអាមេរិកសម្រាប់ទូរទស្សន៍ QLED 8K TVs ស៊េរីថ្មីនេះជាក់ជាមិនខាន៕”

no-alternative title
ព័ត៌មានពាណិជ្ជកម្ម