បន្ទាប់ពីការបញ្ចេញនូវពណ៌ Cloud Silver សម្រាប់ស្មាតហ្វូនGalaxy Note 9 រួចមក ពេលនេះក្រុមហ៊ុនបច្ចេកវិទ្យាយក្ស Samsung ត្រៀមខ្លួនរួចរាល់ហើយនៅក្នុងបញ្ចេញនូវពណ៌ថ្មីមួយទៀតសម្រាប់ស្មាតហ្វូននេះគឺពណ៌ស (Pure White) ។ Evan Blass ដែលជាអ្នកទម្លាយព័ត៌មានដែលអាចទុកចិត្តបានក៏ធ្វើការចែករំលែកនូវរូបភាព Render របស់ស្មាតហ្វូនពណ៌ស (Pure White) Galaxy Note 9 នេះផងដែរ។ ខណៈពេលដែលគាត់ច្រើនតែទម្លាយនូវព័ត៌មានត្រឹមត្រូវនោះ នោពេលនេះគាត់ក៏បញ្ជាក់ថាគាត់គឺមិនច្បាស់ថារូបភាព Renders នេះក្លាយជាការពិត 100% នោះ។
ប្រសិនបើពណ៌ស Pure White Galaxy Note 9 នេះ ក្លាយជាការពិតមែននោះ នេះគឺជាស្មាតហ្វូនដំបូងបំផុតនៃត្រកូល Galaxy Note Series ដែលមានពណ៌សបន្ទាប់ពីស្មាតហ្វូន Galaxy Note 5 ដែលបង្ហាញខ្លួននៅក្នុងឆ្នាំ 2015 នោះ។ ក្រោយមកគឺស្មាតហ្វូន Galaxy S7 និងS7 Edge ដែលមានពណ៌សផងដែរ។ ថ្មីៗនេះ មានព័ត៌មានមិនច្រើននោះទេ អំពីស្មាតហ្វូនពណ៌ស Pure White សម្រាប់ Galaxy Note 9 ។ ដូចនេះ យើងនៅមិនទាន់ច្បាស់ថាពណ៌នេះនឹងដាក់លក់សម្រាប់ទីផ្សារពិភពលោក ឬក៏គ្រាន់តែដាក់លក់នៅក្នុងទីផ្សារដែលបានជ្រើសរើស ស្របពេលនេះ ពណ៌ Cloud Silver គឺដាក់លក់តែនៅក្នុងសហរដ្ឋអាមេរិកតែប៉ុណ្ណោះ។
ស្មាតហ្វូន Samsung Galaxy Note 9 មាន 4 ពណ៌សម្រាប់ធ្វើការជ្រើសរើសគឺពណ៌ Metallic Copper, Lavender Purple, Ocean Blue និង Midnight Black ខណៈពេលដែល Cloud Silver គឺដាក់លក់នៅក្នុងទីផ្សារដែលបានកំណត់ប៉ុណ្ណោះ។ ស្មាតហ្វូន Samsung Galaxy Note 9 នេះមានអេក្រង់ទំហំ 6.4-inch S-AMOLED screen ជាមួយនឹង Infinity Display ដែលទ្រទ្រង់នូវកម្រិតភាពច្បាស់ដល់ទៅ Quad HD+ ហើយវាការពារដោយកញ្ចក់ប្រភេទ Gorilla Glass 5 ។ ស្មាតហ្វូននេះប្រើប្រាសនូវបន្ទះឈីប Qualcomm’s Snapdragon 845 octa-core processor សម្រាប់ទីផ្សារមួយចំនួន ស្របពេលដែលទីផ្សារផ្សេងទៀតគឺប្រើប្រាស់នូវបន្ទះឈីប Exynos 9810។ ស្មាតហ្វូននេះ មានពីរជម្រើសគឺទំហំ 6GB RAM/128GB និង 8GB RAM/512GB ។
បើនិយាយអំពីប្រព័ន្ធកាមេរ៉ាវិញនោះ វាមានប្រព័ន្ធកាមេរ៉ាភ្លោះទំហំ 12MP ។ សម្រាប់កាមេរ៉ាខាងមុខមានទំហំ 8MP សម្រាប់ថតរូប Selfie និងវីដេអូខលផងដែរ។ ស្មាតហ្វូននេះដំនើរការនូវ Android Oreo operating system ជាមួយនឹង Samsung UX នៅខាងលើ។ វាប្រើប្រាស់ផងដែរជាមួយនឹង IP68 ថាមពលថ្ម 4000mAh និងបច្ចេកវិទ្យា fast charging technology ថែមទៀតផង៕
