នៅក្នុងព្រឹត្តិការណ៍ប្រជុំប្រចាំឆ្នាំរបស់ខ្លួន Snapdragon Technology Summit កាលពីម្សិលមិញនេះ ក្រុមហ៊ុន Qualcomm បានចេញនូវសេចក្តីថ្លែងការណ៍ជាច្រើន ក្នុងនោះរួមានទាំងការនិយាយអំពីបច្ចេកវិទ្យាស្កេនក្រយ៉ៅដៃនៅលើអេក្រង់របស់ស្មាតហ្វូន Galaxy S10 ផងដែរ។ កាលពីពេលមុននេះ មានការរាយការណ៍ថា ស្មាតហ្វូន Galaxy S10 នឹងបង្ហាញខ្លួនជាមួយនឹងប្រព័ន្ធស្កេនក្រយ៉ៅដៃក្រោមអេក្រង់ដ៏ល្អបំផុតដែលក្រុមហ៊ុន Qualcomm គឺជាអ្នកផ្គត់ផ្គង់។ ក្រុមហ៊ុននេះ ក៏ផ្តល់នូវព័ត៌មានលម្អិតអំពីសមាសភាគមួយនេះផងដែរ។
ក្រុមហ៊ុន Qualcomm ហៅវាថា 3D Sonic Sensor។ មានពាក្យចចាមអារ៉ាមជាច្រើនដែលនិយាយថា ក្រុមហ៊ុន Samsung នឹងប្រើប្រាស់នូវ ultrasonic ជាជាងការប្រើប្រាស់នូវសេនស័រ optical in-display sensor។ ក្រុមហ៊ុន Qualcomm និយាយថា សេនស័រនេះ នឹងប្រើប្រាស់នៅលើស្មាតហ្វូនជាច្រើន ដែលគ្រោងនឹងបង្ហាញខ្លួននៅក្នុងឆមាសទី 1 ឆ្នាំ 2019 ខាងមុខនេះ។ កាលពីពេលមុននេះ មានការបញ្ជាក់ថា Samsung នឹងប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់សម្រាប់ស្មាតហ្វូន Galaxy S10 របស់ខ្លួន ក្រោយមក ក្រុមហ៊ុនប្រកួតប្រជែងជាច្រើននៅចិន ក៏បានបង្កើតនូវបច្ចេកវិទ្យានេះ បានជោគជ័យ ប៉ុន្តែក្រុមហ៊ុន Samsung នៅរង់ចាំរហូតដល់មានការបញ្ចេញនូវសេនស័រ ultrasonic នេះ។
សេនស័រអុបទិកនេះ ដំណើរការបានតាមពន្លឺចេញពីម្រាមដៃនៅពេលដែលប៉ះនៅលើអេក្រង់នេះ។ នេះគឺសម្រេចបានតមារយៈការឆែកទៅលើស្នាមក្រយ៉ៅដៃជាមួយនឹង Pattern ដែលវាបានរក្សាទុក។ បច្ចេកវិទ្យានេះ គឺមានតម្លៃថោកជាងការប្រើប្រាស់នូវសេនស័រ ultrasonic ដោយសារតែវានៅមិនទាន់អាចទុកចិត្តបាន និងសុវត្ថិភាព។ សេនស័រ 3D Sonic Sensor របស់ក្រុមហ៊ុន Qualcomm គឺមិនមែនអ្វីដែលប្លែកច្រើននោះទេ ហើយក៏មិនធ្វើការរក្សាទុកនូវរូបភាពនៃស្នាមម្រាមដៃផងដែរនៅពេលដែលចុចនៅលើអេក្រង់ស្មាតហ្វូននោះ។
“ultrasonic” អាចដំណើរការបានតាមរយៈការបើកនូវសេនស័រសម្រាប់ 3D នៃស្នាមក្រយ៉ៅដៃនេះ ដោយផ្តល់នូវសុវត្ថិភាពក្នុងការប្រើប្រាស់។ ប្រសិនបើក្រុមហ៊ុន Samsung ពិតជាប្រើប្រាស់នូវសេនស័រ “ultrasonic” នេះមែននោះប្រព័ន្ធស្កេនក្រយ៉ៅដៃលើអេក្រង់របស់ស្មាតហ្វូន Galaxy S10 នេះ នឹងមានលក្ខណៈល្អប្រសើរជាងប្រព័ន្ធស្កេនក្រយ៉ៅដៃលើអេក្រង់របស់ស្មាតហ្វូនជាច្រើនរបស់ចិននោះ។ ទោះជាយ៉ាងណាក៏ដោយ ប្រព័ន្ធស្កេនក្រយ៉ៅដៃលើអេក្រង់នេះ ក៏ត្រូវគេរំពឹងថានឹងបង្ហាញខ្លួននៅលើស្មាតហ្វូនដែលមានតម្លៃធូរថ្លៃផងដែររបស់ Samsung ប៉ុន្តែក្រុមហ៊ុន Samsung ប្រហែលជាប្រើប្រាស់នូវសេនស័រអុបទិកសម្រាប់ស្មាតហ្វូនទាំងនោះប៉ុណ្ណោះ៕