Samsung Galaxy A8s ស្មាតហ្វូនដែនមានអេក្រង់ Infinity O នឹងសម្ពោធជាផ្លូវការនៅថ្ងៃទី 10 ខែធ្នូនេះ

ថ្មីៗនេះ Samsung ទើបតែបញ្ចេញនូវកាលបរិច្ឆេទសម្រាប់ការបង្ហាញនូវស្មាតហ្វូនស៊េរីថ្មី Galaxy A8s ដែលគ្រោងនឹងធ្វើឡើងនៅថ្ងៃទី 10 ខែធ្នូនេះ ហើយនៅពេលនេះស្មាតហ្វូននេះ ក៏ទទួលបាននូវវិញ្ញាបនប័ត្រ Bluetooth SIG ផងដែរ ដែលបានបង្ហាញខ្លួននៅក្នុងរយៈពេល 2 ថ្ងៃមុនពេលដែលស្មាតហ្វូន Galaxy A8s ទទួលបាននូវប្រព័ន្ធ Wi-Fi របស់ខ្លួន។ ដូចអ្វីដែលបានរំពឹងទុកអញ្ចឹងគឺមិនមានការទម្លាយអ្វីថ្មីនោះទេ គ្រាន់តែស្មាតហ្វូននេះ ប្រើប្រាស់នូវប្រព័ន្ធ Bluetooth 5.0 ប៉ុណ្ណោះ។

ស្មាតហ្វូនស៊េរីថ្មី Galaxy A8s គឺជា Version Upgrade របស់ស្មាតហ្វូន Galaxy A7 (2018) ដែលប្រើប្រាស់នូវអេក្រង់ថ្មី Infinity-O display របស់ក្រុមហ៊ុន Samsung។ នេះគឺជាស្មាតហ្វូនដំបូងបំផុតរបស់ក្រុមហ៊ុនបច្ចេកវិទ្យានេះដែលប្រើប្រាស់នូវបន្ទះឈីប Snapdragon 710។ ស្មាតហ្វូននេះ នឹងប្រើប្រាស់នូវប្រព័ន្ធកាមេរ៉ាដល់ទៅ 3 គ្រាប់ដូចគ្នាទៅនឹងស្មាតហ្វូន A7 (2018) ហើយនឹងប្រើប្រាស់នូវប្រព័ន្ធប្រតិបត្តិការ Android Oreo។ ស្មាតហ្វូននេះ មានរ៉េមទំហំ 6GB ម៉េមូរីក្នុងម៉ាស៊ីនទំហំ 128GB និងថាមពលថ្ម 3,400 mAh។ 

ស្មាតហ្វូននេះប្រើប្រាស់អេក្រង់ប្រភេទ Infinity-O displayជាមួយនឹងកាមេរ៉ាខាងមុខទំហំ Infinity-O display និងកាមេរ៉ាខាងក្រោយទំហំ 8-megapixel ultra-wide lens ជាមួយនឹង F2.4 aperture, 24-megapixel F1.7 lens សម្រាប់ថតរូបភាពធម្មតា និង 5-megapixel depth sensor សម្រាប់មុខងារ bokeh។ សូមជំរាបថា រហូតមកដល់ពេលនេះ នៅមិនទាន់ច្បាស់នោះទេ ដែលស្មាតហ្វូនស៊េរីថ្មី Galaxy A8s នេះដាក់លក់រាយនៅពេលណា ប៉ុន្តែមានពាក្យចចាមអារ៉ាមជាច្រើន បានបញ្ជាក់ថា ស្មាតហ្វូននេះ នឹងបង្ហាញខ្លួននៅក្នុងខែមករា ឆ្នាំ 2019 នេះ ប៉ុន្តែស្មាតហ្វូននេះ អាចរកទិញបាននៅក្នុងទីផ្សារនៃប្រទេសចិននៅក្នុងពេលណាមួយនៅខែធ្នូនេះ។ យើងដឹងច្បាស់ថា នៅថ្ងៃទី 10 ខែធ្នូនេះ៕