ថ្មីៗនេះ ក្រុមហ៊ុន Honor បានដាក់តាំងបង្ហាញ View 20 នៅក្នុងទីក្រុងហុងកុង ដែលស្មាតហ្វូននេះ មានរន្ធកាមេរ៉ានៅក្នុងអេក្រង់ នឹងភ្ជាប់មកជាមួយបច្ចេកវិទ្យា Link Turbo សម្រាប់ការតភ្ជាប់បណ្តាញ Wi-Fi+4G រួមនិងការបំពាក់នូវកាមេរ៉ាទំហំ 48 មេហ្គាភិចសែល នៅខាងក្រោយ ដែលជាការប្រើប្រាស់ស៊ិនស័រ Sony IMX586 របស់ក្រុមហ៊ុនជប៉ុនផងដែរ។ ព្រឹត្តិការណ៍នៃការបង្ហាញស្មាតហ្វូននេះ ត្រូវបានគេដឹងថា នឹងធ្វើនៅប្រទេសចិននៅថ្ងៃទី 26 ខែធ្នូ ហើយក្រុមហ៊ុនបានចាប់ផ្តើមបង្ហោះសារខ្លីៗ នៅលើប្រព័ន្ធផ្សព្វផ្សាយសង្គមផងដែរ។
រូបភាពទាំងបីខាងលើនេះ ដែលបានបង្ហោះនៅលើបណ្តាញ Weibo បានបង្ហាញពីការរចនាផ្នែកខាងមុខ នៃ Honor V20 ស្របដែលប៊ូតុងសម្លេង និងប៊ូតុង Power ស្ថិតនៅផ្នែកខាងស្តាំ នៃរូបរាងទូរស័ព្ទនេះ។ ស្មាតហ្វូននេះ មានរន្ធតូច នៅលើគ្រប់ជ្រុងទាំងបួន ហើយផ្នែកខាងក្រោមមួយ គឺក្រាស់បន្តិច។ រូបភាព teasers ទាំងបីបានបង្ហាញពីពណ៌ផ្សេងគ្នា នៅផ្នែកខាងក្រោយ ដែលមានន័យថា យើងនឹងឃើញ Honor V20 យ៉ាងហោចណាស់ចំនួនបីពណ៌ ប្រផេះ ក្រហម និងខៀវ ប៉ុន្តែដោយសារតែយើងបានឃើញទូរស័ព្ទនៅមុនផលិតកម្ម យើងមិនអាចដឹង បានប្រសិនបើវានឹងមានជម្រើសផ្សេងណាមួយ។ ទូរស័ព្ទនេះ នឹងត្រូវបានដាក់លក់ជាសកល នៅថ្ងៃទី 22 ខែមករា នៅទីក្រុងប៉ារីស ប្រទេសបារាំង ហើយយើងនឹងបញ្ជាក់បន្ថែម ក៏ដូចជាព័ត៌មានបន្ថែម សម្រាប់ការកំណត់តម្លៃទីផ្សារ និងទីតាំងដែលអាចរកទិញបានផងដែរ៕
