ស្មាតហ្វូនស៊េរីថ្មីដែលមានអេក្រង់បត់បាន Samsung Galaxy នឹងបង្ហាញខ្លួនភ្ជាប់ជាមួយនឹងថាមពលថ្មចំនួនពីរគ្រាប់ទំហំ 3100mAh នេះបើតាមការទស្សន៍ទាយចេញពី GalaxyClub (តាមរយៈ GSMArena)។ បើទោះបីជាស្មាតហ្វូនជាច្រើននៅក្នុងពេលបច្ចុប្បន្ននេះ ប្រើប្រាស់នូវថាមពលថ្មមួយគ្រាប់ក្តី សម្រាប់ការបន្ថែមថាមពលថ្មមួយទៀតទៅលើស្មាតហ្វូនដែលមានអេក្រង់បត់បាននេះគឺដើម្បីជួយក្នុងការផ្គត់ផ្គង់ទៅលើថាមពលនៃអេក្រង់ពីរ។ ក្រុមហ៊ុន Samsung ត្រូវបានគេរំពឹងថា នឹងបញ្ចេញនូវស្មាតហ្វូនដែលមានអេក្រង់អាចបត់បានដែលមានឈ្មោះហៅថា Galaxy F នៅខែក្រោយនេះ។ ក្រុមហ៊ុននេះ ក៏ប្រកាសចេញនូវគំរូ និងគំនិតរបស់ស្មាតហ្វូននេះតាំងពីចុងឆ្នាំមុននេះផងដែរ។
ស្មាតហ្វូននេះ នឹងមានអេក្រង់ដែលអាចបត់បាន ហើយនៅពេលដែលវាលារនោះ គឺទំហំធំសម្រាប់ប្រើប្រាស់។ យើងនៅមិនទាន់មើលឃើញច្បាស់អំពីសម្បកកាពារស្មាតហ្វូននេះថារឹងមាំកម្រិតណានោះទេ។ អេក្រង់របស់ស្មាតហ្វូនគឺកាន់តែមានទំហំកាន់តែធំនេះ ពិតជាធ្វើឱ្យថាមពលថ្មឆាប់អស់មែនទែន វាក៏មានសំណួរសួរថាតើក្រុមហ៊ុន Samsung នឹងបញ្ចេញនូវស្មាតហ្វូនហ្វូនដែលមានអេក្រង់បត់បានរបស់ខ្លួនកាន់ថាមពលថ្មបានប៉ុន្មានថ្ងៃទៅ? ពាក្យចចាមអារ៉ាមជាច្រើនបញ្ជាក់ថា ក្រុមហ៊ុនបច្ចេកវិទ្យា Samsung ប្រហែលជាប្រើប្រាស់នូវថាមពលថ្មដែលអាចបត់បានជាជាងការប្រើប្រាស់នូវថាមពលថ្មភ្លោះទំហំ 3100mAh ចំនួន 2 គ្រាប់នោះ។ គំនិតនេះ អាចឆ្លើយតបទៅកាន់អ្នកគាំទ្ររបស់ក្រុមហ៊ុន Samsung បានសម្រាប់អ្នកដែលខ្លាចថាអេក្រង់កាន់តែធំគឺកាន់តែស៊ីថាមពលថ្មនោះ ប៉ុន្តែវានៅមិនទាន់មានការបញ្ជាក់អំពីរយៈពេលនៃការទុកចោល Standby Times នោះទេ។
ការច្របាច់បញ្ចូលគ្នាដើម្បីបានថាមពលទំហំ 6,200mAh នេះស្តាប់មើលទៅនៅមិនទាន់គ្រប់គ្រាន់នោះទេសម្រាប់ការប្រើប្រាស់ជាមួយនឹងស្មាតហ្វូនដែលមានអេក្រង់ពីរនោះ ហើយវាក៏មានទំហំប៉ុនជាមួយនឹងថេប្លេតផងដែរ (គំរូនៃអេក្រង់នេះមានទំហំដល់ទៅ 7.3 អ៊ីង ជាមួយនឹងកម្រិតភាពច្បាស់ 1536x2152)។ ថាមពលថ្មរបស់ស្មាតហ្វូនអេក្រង់ពីរ ZTE Axon M គឺចែកជាពីរស្មើគ្នានៅមិនបញ្ចូលគ្នាតែមួយនោះទេ ចំនែកស្មាតហ្វូនដែលមានអេក្រង់អាចបត់បានរបស់ក្រុមហ៊ុន Samsung វិញនោះគឺអាចប្រើប្រាស់កម្មវិធីបានដល់ទៅ 3 នៅក្នុងពេលតែមួយហើយវាក៏អាចចំណាយថាមពលថ្មច្រើនផងដែរ។ សម្រាប់ស្មាតហ្វូននៅក្នុងឆ្នាំ 2018 នេះ មានទំហំថាមពលថ្មជាមធ្យមគឺ 3500mAh។
អ្វីដែលកាន់តែច្រើនជាងនេះទៀតនោះ ការប្រើប្រាស់នូវថាមពលថ្មពីរមិនអាចប្រើប្រាស់ពេញលេញទៅលើអានុភាពដូចការប្រើប្រាស់ថាមពលថ្មតែមួយនោះទេ។ សម្រាប់ថាមពលថ្មទំហំដល់ទៅ 6,200mAh នេះនឹងមានលក្ខណៈល្អប្រសើរជាងមុន ហើយតាមមើលទៅថាមពលថ្មនេះប្រហែលជាពីរផ្សេងគ្នាសម្រាប់បំពាក់នៅលើស្មាតហ្វូនដែលមានអេក្រង់អាចបត់បាននេះ។សម្រាប់អេក្រង់ទំហំ 4.5 អ៊ីង 840x1960 ទៅដល់ទំហំ 7.3 អ៊ីង ហើយអ្នកបញ្ចូលគ្នាទៅគឺមានទំហំដល់ទៅ 11.8 អ៊ីង ដែលមានទំហំប៉ុនអេក្រង់របស់ Galaxy S9 ចំនួន 2 ដង ភ្ជាប់ជាមួយនឹងថាមពលថ្មទំហំ 3000mAh និងកម្រិតភាពច្បាស់នៃអេក្រង់ QHD+(1440x2960) ថែមទៀតផង។
ក្រៅពីអេក្រង់នេះ ស្មាតហ្វូនដែលអាចបត់បាន Galaxy នេះក៏នឹងប្រើប្រាស់នូវបន្ទះសៀគ្វី (ដូចជាបន្ទះឈីប) ដូចនេះ ការប្រើប្រាស់នូវថាមពលក៏មានការសន្សំសំចៃជាងមុនផងដែរ។ ស្មាតហ្វូនដែលមានអេក្រង់អាចបត់បានរបស់ក្រុមហ៊ុន Samsung នេះ អាចនឹងបង្ហាញខ្លួននៅក្នុងពេលដ៏ខ្លីខាងមុខនេះផងដែរ។ ជាមួយគ្នានេះ ក៏មានពាក្យចចាមអារ៉ាមផងដែរថា ស្មាតហ្វូនស៊េរីថ្មី Galaxy S10 5G នឹងបំពាក់នូវថាមពលថ្មទំហំដល់ទៅ 5000mAh ដែលពិតជាអស្ចារ្យមែនទែនសម្រាប់អ្នកប្រើប្រាស់៕
