ថ្មីៗនេះ មានការបង្ហោះសារជាច្រើន ដែលធ្វើឡើងនៅលើគេហទំព័ររបស់ក្រុមហ៊ុន Apple ទៅលើបញ្ហាមួយ ដែលបានរកឃើញនៅលើ iPhone XS និង XS Max នៅបន្ទាប់ពីទូរស័ព្ទទាំងនេះមិនអាចដំណើរការបាននៅក្នុងរយៈពេល 10 វិនាទី ឬច្រើនជាងនេះ ដែលបានបង្ហាញរូបភាព Animation នៅលើអេក្រង់ជាមួយនឹងភាពរញ៉េរញ៉ៃនៅពេលដែលអ្នកប្រើប្រាស់អូសចុះក្រោមនោះ ឬអូសឡើងឡើងលើអេក្រង់ដើម្បីបិទកម្មវិធី App នេះ។ រឿងនេះ គឺមិនមែនជាបញ្ហាថ្មីនោះទេ គឺបានកើតឡើងចាប់តាំងពីខែតុលាមកម្ល៉េះ។ សម្រាប់គណនី Facebook ក៏និយាយអំពីបញ្ហានេះផងដែរ។
មានការលើកឡើងថា ក្រុមហ៊ុន Apple ពិតជាបានដឹងអំពីបញ្ហានេះ ចាប់តាំងពីអ្នកប្រើប្រាស់ស្មាតហ្វូន iPhone XS និង XS Max ជាច្រើន។ សមាជិកម្នាក់នៅក្នុងសហគមន៍នេះ បានអះអាងថា ខ្លួនបានទទួលនូវការជំនួសផ្លាស់ប្តូរនូវគ្រឿងបន្លាស់ដល់ទៅ 2 គ្រឿង ហើយស្មាតហ្វូនទាំងនេះ នៅតែមានបញ្ហាដូចគ្នាដដែល។ អ្វីដែលគួរអោយចាប់អារម្មណ៍នោះ គឺមិនមានបញ្ហាកើតឡើងនៅលើ iPhone XR ឬនៅលើស្មាតហ្វូន iPhone X ដែលបង្ហាញខ្លួននៅក្នុងឆ្នាំ 2017 នោះទេ។ បញ្ហានេះកើតឡើងប្រហែលជាអាចកើតឡើងដោយសារតែបន្ទះឈីប A12 Bionic មានការធ្លាក់ចុះកម្លាំងម៉ាស៊ីននៅពេលដែលស្មាតហ្វូននេះ មិនដំណើរការ ដូចនេះ អ្នកប្រើប្រាស់មិនអាចប៉ះបញ្ជានៅលើអេក្រង់បាននោះទេ។
បុគ្គលិក Apple Store ប្រាប់ទៅកាន់អ្នកប្រើប្រាស់ iPhone ម្នាក់ថា ស្មាតហ្វូនទាំងនេះ គឺស្ថិតនៅក្នុងស្ថានភាព ដែលមិនត្រឹមត្រូវនោះទេ។ នៅក្នុងវីដេអូមួយដែលថតដោយអ្នកប្រើប្រាស់ស្មាតហ្វូន iPhone XS (តាមរយៈ 9to5Mac) បានបង្ហាញថា សម្រាប់ Animation ដែលមានចលនានោះ មានការធ្លាក់ចុះ 2 Frames នៅពេលដែលកម្មវិធី Calendar App កំពុងតែបិទនោះ។ ស្របពេលដែលនេះ មើលទៅហាក់ដូចជាបញ្ហាតូចមួយប៉ុណ្ណោះនោះ អ្នកប្រហែលជាមិនកត់សម្គាល់នោះទេ។ អ្នកប្រើប្រាស់មួយចំនួនរបស់ iPhone បាននិយាយថា រឿងនេះបានក្លាយជារឿងដ៏រំខានសម្រាប់ពួកគេ។ សម្រាប់ Beta versions នៃ iOS 12.2 គឺនៅមិនទាន់ដោះស្រាយបញ្ហានេះនៅឡើយទេ ហើយក្រុមហ៊ុន Apple បាននិយាយថា ខ្លួនកំពុងតែធ្វើការស៊ើបអង្កេតទៅលើរឿងនេះដែរថាវាមកពីអ្វីអោយប្រាកដនោះ៕