កាលពីសប្តាហ៍មុននេះ ក្រុមហ៊ុនផលិតរថយន្តម៉ាកល្បីបំផុត BMW របស់ប្រទេសអាល្លឺម៉ង់ បានបង្ហាញចេញគំរូរថយន្តបែបស្ព័រស៊េរីថ្មីចុងក្រោយបំផុតរបស់ខ្លួនម៉ូដែល BMW M8 Grand Coupe។ ក្រុមហ៊ុន BMW បានបញ្ជាក់អោយដឹងថា គំរូរថយន្តស៊េរីថ្មីនេះ បានបង្ហាញពីអ្វីដែលនឹងត្រូវភ្ជាប់មកជាមួយរថយន្ត BMW 8 Series ដែលជាស្រឡាយកំពូលរថយន្តស័្ពររបស់ក្រុមហ៊ុន ដែលនឹងមានការចនារូបរាងកាន់តែប្រណិតឆើតឆាយទាក់ទាញបំផុត។
គំរូរថយន្តស៊េរីថ្មីនេះ បានបានបង្ហាញចេញនូវភាពកាន់តែប្រណិតអស្ចារ្យជាងបណ្តាស៊េរីរថយន្តស័្ពរទ្វារបួនទាំងឡាយ។ ផ្នែកខាងមុខរថយន្តត្រូវបានរចនាឡើងជាមួយរចនាបថថ្មីដែលពាសដោយសំណាញ់សម្រាប់ជួយសម្រួលដល់ការបំភាយកំដៅរបស់ម៉ាស៊ីន អមមកជាមួយចង្គៀងភ្លើងហ្វា ដែលមានការរចនាឡើងដ៏ស្រស់ស្អាតបំផុត។ BMW បានរចនាគំរូរថយន្តនេះ អោយមានភាពជារថយន្តស័្ពរពេញលក្ខណៈជាមួយកង់រថយន្តបែបស្ព័រ ដំបូលរថយន្តវែង និងកន្ទុយរថយន្តខ្លីមើលទៅពិតជាសមជារថយន្តស័្ពរដ៏អស្ចារ្យបំផុត។
ផ្នែកដំបូលរថយន្តត្រូវនឹងត្រូវបានផលិតឡើងពីសារធាតុសរសៃកាបូនរួមផ្សំជាមួយសារធាតុផ្លាស្ទីក (ផ្នែកខាងក្រោម កណ្តាល ផ្ទៃខាងក្នុង) ដើម្បីជួយកាត់បន្ថយការស្រូបកំដៅ។ ក្រុមហ៊ុន BMW បានបញ្ជាក់បន្ថែមទៀតថា សម្រាប់ពណ៌គំរូរបស់រថយន្តស៊េរីថ្មីនេះ គឺប្រើប្រាស់ពណ៌ប្រភេទ Saleve Vert ដែលនឹងអាចធ្វើការផ្លាស់ប្តូរពណ៌ពីពណ៌បៃតង់ ទៅពណ៌បៃតងចាស់ទៅតាមមជ្ឈដ្ឋានពន្លឺដែលជះមកលើរថយន្ត។
ស៊ុមកញ្ចក់ទ្វារ ថាសហ្រ្វាំង កំរបសឺមុ័ង ត្រូវបាន ក្រុមហ៊ុន BMW ច្នៃប្រឌិត និងរំលេចដោយពណ៌ទឹកមាស និងបណ្តុំចង្គៀងស៊ីញ៉ូ-កូដខាងក្រោយមានពណ៌ខ្មៅស្រិលដូចនឹលមើលទៅពិតជាទាក់ទាញខ្លាំងមែនទែន។ ក្រុមហ៊ុន BMW នៅមិនទាន់បានបង្ហើបពីកំលាំងម៉ាស៊ីន និងបច្ចេកវិទ្យាដែលក្រុមហ៊ុន នឹងបំពាក់នៅលើរថយន្តស៊េរីថ្មី BMW M8 Series Coupe របស់ខ្លួននៅឡើយទេ។ ប៉ុន្តែអ្វីៗ នឹង បនជ្រាបច្បាស់នៅពេលដែលរថយន្តស្ព័រ BMW ស៊េរីថ្មីនេះ បង្ហាញវត្តមានលើទីផ្សារនាឆ្នាំ 2019៕
