កាលពីខែមេសាឆ្នាំកន្លងនេះ លោក Kenichiro Yoshida ត្រួវបានគេ Sony ជ្រើសរើសជាប្រធានរបស់ក្រុមហ៊ុនបច្ចេកវិទ្យាយក្សមួយនេះ ជំនួសកន្លែងរបស់លោក Kaz Hirai។ ថ្មីៗនេះ លោក Kenichiro បានធ្វើការទម្លាយនូវគម្រោងរយៈពេល 3 ឆ្នាំសម្រាប់ក្រុមហ៊ុននេះ ដែលបានបង្ហាញថា ក្រុមហ៊ុននឹងធ្វើការផ្លាស់ប្តូរយុទ្ធសាស្រ្តពីការផលិតនូវឧបករណ៍គ្រឿងអេឡិចត្រូនិកនោះ។ ការផ្តោតសំខាន់ទៅលើគម្រោងនេះ គឺទៅលើសេវាកម្ម Services និងផ្នែកស្នូលជាច្រើនទៀតរបស់ក្រុមហ៊ុន Sony ដែលធ្វើការធានាទៅលើប្រាក់ចំណេញរបស់ក្រុមហ៊ុននេះ។ អ្វីដែលគួរឱ្យចាប់អារម្មណ៍នោះវាក៏មិនមានការនិយាយអំពីផលិតផលអេឡិចត្រូនិកតូចៗ Gadgets ឬស្មាតហ្វូននោះទេ។ ក្រុមហ៊ុនធ្វើការសម្រេចចិត្តក្នុងការពង្រឹងទៅលើប្រាក់ចំណូលដែលបានមកពីការ Subscriptions នៅលើហ្គេម និងការកម្សាន្តនោះ។
ព័តមានខាងលើនេះ គឺជាបង្ហាញអំពីការផ្លាស់ប្តូរដ៏ធំមួយសម្រាប់ក្រុមហ៊ុនបច្ចេកវិទ្យានេះ នៅក្នុងការកសាងសមត្ថភាពខាងផលិតកម្មវិញ ស្របពេលការកើនឡើងរបស់ក្រុមហ៊ុនបច្ចេកវិទ្យាចិន អាជីវកម្មទៅលើឧបករណ៍ប្រើប្រាស់ជាច្រើន គឺមានការពិបាកខ្លាំងមែនទែនរហូតធ្វើឱ្យក្រុមហ៊ុននេះមានការធ្លាក់ចុះជាបន្តបន្ទាប់។ អាជីវកម្មរបស់ក្រុមហ៊ុនបច្ចេកវិទ្យា Sony គឺមានការប៉ះពាល់ដោយសារតែវាមានការកើនឡើងនៃក្រុហ៊ុនបច្ចេកវិទ្យាជាច្រើនរបស់ចិន ជាពិសេសនៅក្នុងវិស័យផ្នែកស្មាតហ្វូននេះ។ ចំណែកទីផ្សាររបស់ក្រុមហ៊ុន Sony នៅក្នុងផ្នែកស្មាតហ្វូននេះ គឺមានការធ្លាក់ចុះ និងធ្លាក់ចុះយ៉ាងគំហុកងដែរ។
គួរបញ្ជាក់ថាស Sony នៅតែមានការទទួលស្គាល់ថាគឺជាម៉ាកយីហោដ៏ធំនោះ ក្រុមហ៊ុនបច្ចេកវិទ្យានេះ ក៏អាចធ្វើការលក់ស្មាតហ្វូនរបស់ខ្លួនបានចំនួន 10 លានគ្រឿងនៅក្នុងឆ្នាំ 2018 ដែលមានការធ្លាក់ចុះពី 22.5 លានគ្រឿង កាលពីឆ្នាំមុននេះ។ សម្រាប់ហ្គេម gaming console និង PlayStation 4 (PS4) ដ៏ពេញនិយមរបស់ក្រុមហ៊ុននេះ ក៏មានការធ្លាក់ចុះផងដែរ។ ការធ្លាក់ចុះរបស់ PS4 គឺមានដល់ទៅ 18% នៅក្នុងត្រីមាសថ្មីៗនេះ ហើយនាយកប្រតិបត្តិជាច្រើនរបស់ក្រុមហ៊ុននេះ បានអះអាងថា PS4 គឺជិតដើរដល់ទីអវសាន្តហើយ។
សម្រាប់អាជីវកម្ម semiconductor របស់ក្រុមហ៊ុន Sony ដែលធ្វើការផ្គត់ផ្គង់ទៅលើ mobile-camera chips សម្រាប់ iPhones និងស្មាតហ្វូនជាច្រើនទៀតនោះ ក៏មានការប៉ះពាល់គឺធ្លាក់ចុះ 39% នៅក្នុងឆ្នាំនេះ។ យ៉ាងណាមិញ ក្រុមហ៊ុននេះ បានរកប្រាក់រាប់ពាន់លានដុល្លារអាមេរិកពីអាជីវកម្មនោះផងដែរ។ Sony នឹងនោតែធ្វើការផ្តោតសំខាន់កាន់តែខ្លាំងទៅលើអាជីវកម្ម content businesses។ បើទោះបីជាការលក់ PS4 hardware មានការធ្លាក់ចុះក្តី ប៉ុន្តែប្រាក់ចំណេញរបស់ក្រុមហ៊ុននេះ មានការកើនឡើងនេះ គឺដោយសារតែបណ្តាញអនឡាញរបស់ PlayStation។ សម្រាប់ការបង់ប្រាក់នៅក្នុង Subscriber ក៏មានការកើនឡើង 64% នៅក្នុងរយៈពេលពីរឆ្នាំចុងក្រោយនេះ។
គួរបញ្ជាក់ផងដែរថា នៅឆ្នាំនេះ ក្រុមហ៊ុន Sony ដាក់លក់ស្មាតហ្វូនស៊េរីថ្មីជាច្រើនស៊េរី XZ Series ដែលក្នុងនោះរួមមាន Xperia XZ2, Xperia XZ2 Compact និង Xperia XZ2 Premium ។ ស្មាតហ្វូនទាំងនេះដំណើរការនូវបន្ទះឈីប Qualcomm‘s Snapdragon 845 ថែមទៀតផង៕
