របាយការណ៍ថ្មីមួយដែលចេញផ្សាយដោយក្រុមហ៊ុន Strategy Analyticsធ្វើការព្យាករណ៍ថា ចំនួនស្មាតហ្វូន 5G នឹងមានការកើនឡើងនៅក្នុងឆ្នាំ 2020 ខាងមុខនេះ។ របាយការណ៍នេះក៏បង្ហាញផងដែរថា ការលក់ស្មាតហ្វូន 5G នៅត្រឹមឆ្នាំ 2025 នេះគឺមានចំនួនច្រើនជាង 1 ពាន់លានគ្រឿងនៅទូទាំងពិភពលោកខណៈពេលដែលស្មាតហ្វូន 5G នឹងកើនឡើងកាន់តែច្រើនឡើងៗនោះ។ មិនមានការបដិសេធនោះទេដោយសារតែក្រុមហ៊ុនបច្ចេកវិទ្យាជាច្រើនកំពុងតែវិវត្តន៍ខ្លួនទៅកាន់សករាជនៃបច្ចេកវិទ្យា 5G ឆាប់ៗនេះ ហើយយើងនឹងឃើញវត្តមានរបស់ស្មាតហ្វូន 5G ជាច្រើនដែលមានតម្លៃសមរម្យក្នុងការប្រើប្រាស់។ បច្ចុប្បន្ននេះទីផ្សាររបស់ស្មាតហ្វូន 5G គឺមានប្រហែលជា ១% ប៉ុណ្ណោះ ប៉ុន្តែក្រុមហ៊ុនស្រាវជ្រាវនេះបញ្ជាក់ថា វានឹងមានការកើនឡើងដល់ 10% នៅត្រឹមឆ្នាំ 2020 នេះខណៈពេលដែលអ្នកប្រើប្រាស់ជាច្រើនផ្លាស់ប្តូរទៅកាន់ស្មាតហ្វូន 5G នេះ។
តាមសេចក្តីថ្លែងការណ៍ចេញពី Ville-Petteri Ukonaho ដែលជាអ្នកវិភាគជាន់ខ្ពស់របស់ក្រុមហ៊ុន Strategy Analytics និយាយថា “សម្រាប់ក្រុមហ៊ុនចែកចាយស្មាតហ្វូនធំៗទាំងអស់រួមមានក្រុមហ៊ុន Apple គឺកំពុងតែធ្វើការអភិវឌ្ឍទៅលើស្មាតហ្វូន 5G ហើយវានឹងមានស្មាតហ្វូនជាច្រើនទៀតដែលនឹងបង្ហាញខ្លួននៅឆ្នាំ 2020 ខាងមុខនេះ។” ក្រុមហ៊ុន Samsung គឺនាំមុខគេនៅលើទីផ្សារនៅក្នុងស្មាតហ្វូន 5G នេះជាមួយនឹងការលក់ដ៏ខ្លាំងក្លានៅក្នុងអ៊ឺរ៉ុប និងប្រទេសកូរ៉េខាងត្បូងដែលមានមនុស្ស 1 លានគ្រឿងប្រើប្រាស់នូវសេវាកម្មថ្មីនេះនៅក្នុងការបង្ហាញវត្តមានទើបតែបាន 70 ថ្ងៃប៉ុណ្ណោះ។ ប៉ុន្តែ SA គិតថា ប្រទេសចិននឹងក្លាយជាទីផ្សារដ៏សំខាន់សម្រាប់ការលក់ស្មាតហ្វូន 5G ដោយសារតែក្រុមហ៊ុនបច្ចេកវិទ្យានេះមានការអភិវឌ្ឍខ្លាំងលឿនបំផុតទៅលើ 5G Networks នោះ។
លោក Ken Hyers ដែលជាប្រធានផ្នែកវិភាគទៅលើឧបករណ៍ផ្នែកយុទ្ធសាស្រ្តរបស់ក្រុមហ៊ុន Strategy Analytics និយាយនៅក្នុងសេចក្តីថ្លែងការណ៍មួយថា “សមត្ថភាពនៃឧស្សាហកម្មនេះនៅក្នុងការផ្តល់នូវស្មាតហ្វូន 5G ដែលមានតម្លៃធូរថ្លៃនោះនឹងមានសារៈសំខាន់ក្នុងការអនុញ្ញាតអោយចិនសម្រេចនូវគោលដៅនេះបាននៅឆ្នាំក្រោយ។” បច្ចេកវិទ្យា 5G ជំនាន់ចុងក្រោយនេះត្រូវគេរំពឹងថានឹងមានការបដិវត្តន៍នៅក្នុងឧស្សាហកម្មបច្ចេកវិទ្យានេះ ការជួយសម្រួលទៅលើការអភិវឌ្ឍនិងការដាក់ពង្រាយទៅលើបច្ចេកវិទ្យា AR និង VR សម្រាប់ផ្នែក e-commerce, Internet of Things (IoT) ដើម្បីធ្វើការបញ្ចាទិញផលិតផលជាមួយនឹងការចែកចាយរហ័ស និងការដោនឡូតបានលឿនបំផុតថែមទៀត៕