ថ្មីៗនេះ ក្រុមហ៊ុនបច្ចេកវិទ្យាយក្ស Samsung កំពុងតែធ្វើការនៅលើស្មាតហ្វូនស៊េរីថ្មីរបស់ខ្លួនដែលមានឈ្មោះហៅថា Galaxy A91។ នៅពេលនេះ យើងមានព័ត៌មាន ដែលនិយាយអំពីលក្ខណៈសម្បត្តិរបស់ស្មាតហ្វូន Galaxy A91 នេះ។ ស្មាតហ្វូននេះ នឹងភ្ជាប់ជាមួយនឹងបន្ទះឈីប Snapdragon 855 នឹងមានភ្ជាប់ជាមួយនឹងបច្ចេកវិទ្យាបញ្ចូលថាមពលថ្មលឿន 45W Super-Fast Charging ដែលយើងមិនឃើញមាននៅលើស្មាតហ្វូន Galaxy A90 5G នោះទេ។
ស្មាតហ្វូនស៊េរីថ្មី Galaxy A91 នេះ អាចជាផ្នែកមួយនៃស្មាតហ្វូន 2020 Galaxy A series របស់ក្រុមហ៊ុន Samsung ដូចនេះវាប្រហែលជានឹងបង្ហាញខ្លួននៅឆ្នាំក្រោយនេះ។ ទោះជាយ៉ាងណាក៏ដោយ របាយការណ៍ជាច្រើនបញ្ជាក់ថា ស្មាតហ្វូននេះអាចនឹងបង្ហាញខ្លួនជាផ្លូវការនៅចុងឆ្នាំនេះ។ តាមព័ត៌មានដែលយើងបានទទួលនោះ ស្មាតហ្វូន Galaxy A91 (SM-A915F) នឹងមានភ្ជាប់ជាមួយនឹងបន្ទះឈីប Snapdragon 855 ជាមួយនឹងរ៉េម 8GB និងម៉េមូរីក្នុងម៉ាស៊ីនទំហំ 128GB ។ វាមានការទ្រទ្រង់ទៅលើ microSD ដែលមានទំហំ 512GB ។ វាគឺដូចគ្នាទៅនឹងស្មាតហ្វូន Galaxy A90 5G ។ ស្មាតហ្វូននេះនឹងមានភ្ជាប់ជាមួយនឹងអេក្រង់ 6.7-inch Full HD+ Infinity-U display។
ស្មាតហ្វូននេះមានភ្ជាប់ជាមួយនឹងកាមេរ៉ា 48-megapixel ជាមួយនឹង Optical Image Stabilization រួមជាមួយនឹងកាមេរ៉ា 12-megapixel និង 5-megapixel depth sensor ផងដែរ។ ក្រុមហ៊ុនបច្ចេកវិទ្យា Samsung មានកាមេរ៉ាខាងមុខទំហំ f/2.2 aperture 32-megapixel។ បើនិយាយអំពីការតភ្ជាប់របស់ស្មាតហ្វូននេះគឺមានដូចជា Bluetooth 5.0, USB Type-C និង Wi-Fi a/b/g/n/ac ។ ស្មាតហ្វូននេះមិនទ្រទ្រង់ទៅលើបច្ចេកវិទ្យា 5G នោះទេ។ សម្រាប់ថាមពលថ្មរបស់ស្មាតហ្វូននេះ គឺ 4,500mAh ហើយទ្រទ្រង់នូវបច្ចេកវិទ្យា 45W fast charging ថែមទៀត។ ស្មាតហ្វូន Galaxy A91 នេះនឹងប្រើប្រាស់នូវប្រព័ន្ធប្រតិបត្តិការ Android 10 ថែមទៀតផង៕