កាលពីម្សិលអិញនេះ បន្ទាប់ពីការប្រកាសបង្ហាញនូវ ColorOS 7 version ថ្មីនៅក្នុងប្រទេសចិន នៅថ្ងៃនេះ ក្រុមហ៊ុន Oppo បានចាប់ផ្តើមធ្វើការចុះឈ្មោះដែលមានចំនួនកំណត់នៅក្នុងកម្មវិធី ColorOS នៅក្នុងប្រទេសចិនហើយ។ គួរកត់សម្គាល់ផងដែរថា មានតែអ្នកប្រើប្រាស់ស្មាតហ្វូន OPPO Reno អាចធ្វើការចុះឈ្មោះនៅក្នុងកម្មវិធីនេះបាននៅលើ OS ថ្មីនេះ។ ការចុះឈ្មោះនៅថ្ងៃនេះ គឺសម្រាប់ស្មាតហ្វូនម៉ូឌែល OPPO Reno 10X Zoom និង Reno Ace ។
អ្នករស់នៅក្នុងប្រទេសចិន អាចធ្វើការចុះឈ្មោះនៅក្នុងកម្មវិធីនេះ តាមការណែនាំពីមួយជំហានទៅមួយជំហាន ដូចខាងក្រោមគឺទៅកាន់ “Settings” > “Software Update” > “Upper Right Corner Settings Icon” > ហើយចុចនៅលើ “Upgrade Early Adoption” ។ នេះគឺបើកអោយដំណើរការសម្រាប់អ្នកប្រើប្រាស់ស្មាតហ្វូន OPPO Reno តែប៉ុណ្ណោះ ហើយសម្រាប់អ្នកប្រើប្រាស់ស្មាតហ្វូន 10X Zoom និង Ace ត្រូវរង់ចាំបន្តិចសិនមុនពេលដែលពួកគេអាចធ្វើការចុះឈ្មោះបាន។
ColorOS 7 គឺបាននាំយកនូវ UI ដែលងាយស្រួលក្នុងការមើលជាងមុន និងមិនសូវមានពណ៌ខ្លាំងនោះទេ។ ស្បែកមុខថ្មីនេះ មានភ្ជាប់ជាមួយនឹងមុខងារ system-wide dark mode, ការ screenshot ដោយប្រើប្រាស់ម្រាមដៃ 3 និងការកែប្រែទៅលើរូបភាពជាពិសេសវាមានភ្ជាប់ជាមួយនឹងប៊ូតុង Flashback សម្រាប់ដំណើរការនូវ multitasking, UI customization options និង OPPO Sans Font ថ្មីថែមទៀតផង៕