កាលពីដើមឆ្នាំនេះ ក្រុមហ៊ុន LG ប្រកាសចេញនូវស្មាតហ្វូន flagship V50 ThinQ 5G នៅក្នុងព្រឹត្តិការណ៍ MWC 2019 នៅក្នុងទីក្រុងបាសេឡូណា ប្រទេសអេស្ប៉ាញ។ ក្រុមហ៊ុនផលិតស្មាតហ្វូននេះ បាននឹងកំពុងតែធ្វើការនៅលើស្មាតហ្វូនជំនាន់បន្ទាប់របស់ស្មាតហ្វូននេះ ដែលមានឈ្មោះថា LG V60 ThinQ ។ស្មាតហ្វូន Flagship ជំនាន់ថ្មីនេះប្រហែលជានឹងប្រកាសបង្ហាញខ្លួននៅក្នុងព្រឹត្តិការណ៍ MWC 2020 ខាងមុខនេះ ប្រសិនបើរបាយការណ៍នេះជាការពិតនោះ។ សម្រាប់អ្នកដែលមិនដឹងនោះ ព្រឹត្តិការណ៍ Mobile World Congress នេះ នឹងរៀបចំធ្វើឡើងនៅក្នុងខែកុម្ភៈឆ្នាំ 2020 ខាងមុខនេះ។
ស្មាតហ្វូន V60 ThinQ នេះ នឹងបង្ហាញខ្លួនជាមួយនឹងការឌីស្សាញដែលមានអេក្រង់ភ្លោះជាមួយនឹងការទ្រទ្រង់នូវបច្ចេកវិទ្យា 5G connectivity ថែមទៀតផង។ បន្ថែមពីនេះទៀតនោះ ក្រុមហ៊ុនបច្ចេកវិទ្យានេះត្រូវគេរំពឹងថានឹងប្រកាសចេញនូវ DualScreen accessory ដែលធ្វើការពង្រឹងទៅលើការឌីស្សាញទាំងស្រុងរបស់ស្មាតហ្វូននេះ។ ក្រុមហ៊ុន LG នឹងធ្វើការបង្កើនទៅលើចំនួននៃការនាំចេញស្មាតហ្វូនរបស់ខ្លួននៅក្នុងប្រទេសកូរ៉េខាងត្បូង សហរដ្ឋអាមេរិក និងជប៉ុន។ គិតមកដល់ពេលនេះ យើងនៅមិនទាន់មានព័ត៌មានច្រើននោះទេ អំពីស្មាតហ្វូននេះ ប៉ុន្តែយើងសង្ឃឹមថាវានឹងមានព័ត៌មានលម្អិតជាច្រើនទៀតរបស់ស្មាតហ្វូននេះនឹងបែកធ្លាយអនឡាញនៅក្នុងរយៈពេលប៉ុន្មានថ្ងៃខាងមុខទៀតនេះ។
យើងប្រហែលជាឃើញស្មាតហ្វូននេះដំណើរការនូវបន្ទះឈីប Snapdragon 865 flagship chipset ចុងក្រោយបំផុត។ យ៉ាងណាមិញ ក្រុមហ៊ុនបច្ចេកវិទ្យានេះ នៅមិនទាន់ប្រកាសបង្ហាញជាផ្លូវការអំពីរឿងនេះនៅឡើយទេ។ ថ្មីៗនេះ ក្រុមហ៊ុន LG ក៏នឹងបង្ហាញស្មាតហ្វូន ThinQ របស់ខ្លួនដែលមានឈ្មោះថា LG G8X ThinQ នៅក្នុងប្រទេសឥណ្ឌាផងដែរ ដែលស្មាតហ្វូននេះ គឺមានការឌីស្សាញជាមួយនឹងអេក្រង់ភ្លោះដូចគ្នា។ ស្មាតហ្វូននេះ មានអេក្រង់ទី 2 ដែលអាចដកចេញបាន។
ស្មាតហ្វូននេះ ត្រុវបានគេដឹងថា ដំណើរការនូវបន្ទះឈីប Snapdragon 855+ ជាមួយនឹងរ៉េមទំហំ 6GB និងម៉េមូរីក្នុងម៉ាស៊ីន 128GB ។ ស្មាតហ្វូននេះមានទំហំ 6.4-inch OLED display ជាមួយនឹងកម្រិតភាពច្បាស់ Full HD+ និង dewdrop notch នៅផ្នែកខាងលើរបស់អេក្រង់ស្មាតហ្វូននេះ សម្រាប់បំពាក់នូវកាមេរ៉ា Selfie ។ នៅផ្នែកខាងក្រោយរបស់ស្មាតហ្វូននេះគឺមានកាមេរ៉ាគោលទំហំ 12MP និង 13MP។ ស្មាតហ្វូននេះ មានថាមពលថ្មទំហំ 4000mAh ជាមួយនឹងបច្ចេកវិទ្យា Quick Charge 3.0 technology ថែមទៀត៕