ស្មាតហ្វូនស៊េរីថ្មី Samsung Galaxy S20 series នឹងបង្ហាញខ្លួននៅលើទីផ្សារនៅក្នុងពេលឆាប់ៗនេះ។ ទោះជាយ៉ាងណាក៏ដោយនោះ វាក៏មានពាក្យចចាមអារ៉ាមជាច្រើន និងការប៉ាន់ស្មានជាច្រើនរបស់ស្មាតហ្វូនទាំងនេះ។ កាលពីម្សិលមិញនេះ យើងមើលឃើញនូវរូបភាពពិតៗជាច្រើនសន្លឹករបស់ស្មាតហ្វូន Samsung Galaxy S20+ ហើយប៉ុន្មានម៉ោងក្រោយនេះ វាក៏មានព័ត៌មានមួយចំនួនរបស់សមត្ថភាពនៃកាមេរ៉ារបស់ស្មាតហ្វូន Galaxy S20+ នេះផងដែរ។ ពេលនេះ វាក៏មានការបែកធ្លាយនៃ Wallpaper របស់ស្មាតហ្វូនត្រកូល Galaxy S20 series ដែលមានការបង្ហាញនូវ 4 ពណ៌យ៉ាងស្រស់ស្អាតដែលគ្មានគូប្រៀបនោះទេ។
ស្មាតហ្វូននេះគឺមានកម្រិតភាពច្បាស់ខ្ពស់បំផុតដល់ទៅ 3200×3200 របស់ Samsung wallpaper ដែលពិតជាមានលក្ខណៈគួរអោយចាប់អារម្មណ៍ជាច្រើនជាងរូបភាព wallpapers ផ្លូវការនៅក្នុងពេលមុននេះ។ សម្រាប់រូបភាព wallpapers ចំនួន ៣ នេះគឺមានបង្ហាញនូវដើមឈើជាមួយនឹងស្លាបខណៈពេលដែលមួយទៀតគឺជាពពុះទឹកដ៏ស្រស់ស្អាតថែមទៀត។ វាក៏មានការកត់សម្គាល់ថា សម្រាប់wallpapers នេះគឺមាន 4 ពណ៌គឺការបញ្ជូលគ្នានៃពណ៌ផ្កាឈូក ពណ៌ខៀវ ពណ៌ខ្មៅ និងពណ៌ស។ ជាលទ្ធផល វាមានការរំពឹងថាស្មាតហ្វូន Galaxy S20 series នេះនឹងមាន 4 ពណ៌សម្រាប់ធ្វើការជ្រើសរើសថែមទៀត។
ក្រុមហ៊ុន Samsung នឹងបង្ហាញនូវវត្តមានរបស់ស្មាតហ្វូន S20 Series នេះនៅថ្ងៃទី 11 ខែកុម្ភៈខាងមុខនេះ។ សម្រាប់រូបភាព wallpapers ដ៏ស្រស់ស្អាតនេះ នឹងទម្លាយជាផ្លូវការនៅក្នុងពេលនោះផងដែរ។ តាមការបញ្ជាក់នៅក្នុងការប្រកាសជាផ្លូវការរបស់ក្រុមហ៊ុន Samsung កាលពីពេលមុននេះ ការប្រកាសបង្ហាញនូវផលិតផលស្មាតហ្វូន Galaxy ថ្មីនេះ នឹងធ្វើឡើងនៅថ្ងៃទី 11 ខែកុម្ភៈនេះ។ តាមការប៉ាន់ស្មាននេះ ក្រុមហ៊ុនបច្ចេកវិទ្យានេះអាចនឹងបញ្ចេញនូវស្មាតហ្វូនចំនួន 3។ វាមានស្មាតហ្វូន Samsung Galaxy S20, S20+ និង S20 Ultra ។ វាមានរបាយការណ៍ជាច្រើនបញ្ជាក់ថា ស្មាតហ្វូន Samsung Galaxy S20 Ultra នឹងមានកាមេរ៉ា 108MP ខណៈពេលដែលស្មាតហ្វូន S20និង S20+ នឹងមានកាមេរ៉ា 12MP lenses ថែមទៀត។
ថ្មីៗនេះ រូបភាព Poster ផ្សព្វផ្សាយមួយរបស់ស្មាតហ្វូន Samsung Galaxy S20 series ដែលមានការបង្ហាញនៅលើអនឡាញ។ សម្រាប់ Poster គឺមិនមានការបង្ហាញអ្វីដែលច្រើនជាងស្មាតហ្វូនទាំង ៤ នេះដែលមានរន្ធប្រហោងកាមេរ៉ា Punch-Hole ។ តាមការបញ្ជាក់នៅក្នុងរបាយការណ៍នេះ ស្មាតហ្វូននេះគឺមានត្រកូល Samsung Galaxy S20, Galaxy S20 Plus និង Samsung Galaxy S20 Ultra ។ស្មាតហ្វូនទាំង ៣ នេះគឺមានប្រើប្រាស់នូវ Snapdragon 865 + 8GB RAM + 256GB storage។ សម្រាប់ភាពខុសគ្នាគឺទៅលើកាមេរ៉ា និងថាមពលថ្មរបស់វា៕
