OPPO ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន BBK បានបញ្ជាក់ថា នាពេលឆាប់ៗនេះ ស្មាតហ្វូន Reno3 Pro នេះ នឹងបង្ហាញខ្លួននៅក្នុងប្រទេសឥណ្ឌាហើយ តែមិនមែនជាប្រភេទ 5G នោះទេ។ ព្រឹត្តិការណ៍នៃការប្រកាសចេញស្មាតហ្វូននេះគឺនៅថ្ងៃទី 2 ខែមីនាខាងមុខនេះ។ យោងតាមព័ត៌មានដែលចេញផ្សាយនៅថ្ងៃនេះ បានអោយដឹងថា ស្មាតហ្វូននេះ ត្រូវគេរាយការណ៍អាចធ្វើការ Pre-order បាននៅតាមហាងលក់រាយជាច្រើននៅក្នុងប្រទេសឥណ្ឌារួមមាន e-tailers គឺក្រុមហ៊ុន Amazon និង Flipkart ជាដើម។
សម្រាប់ការ Pre-Order នៅលើស្មាតហ្វូន Reno3 Pro ដែលមិនមែនជាប្រភេទ 5G នេះ នឹងមានការថែមជូននូវកាដូជាច្រើនដូចជា Oppo wireless speaker សម្រាប់អតិថិជន 1000 នាក់ដំបូង។ សម្រាប់អតិថិជន 1000 នាក់ដំបូងនេះ នឹងមានឱកាសក្នុងការឈ្នះនូវកាសស្តាប់ wireless Oppo Enco earbuds ថែមទៀតផង។
ស្មាតហ្វូន OPPO Reno3 Pro នេះ គឺមិនមានបច្ចេកវិទ្យា 5G នោះទេ។ សម្រាប់ Teaser ផ្លូវការរបស់ស្មាតហ្វូននេះ គឺមានការបង្ហាញថា ស្មាតហ្វូននេះ គឺមានភ្ជាប់ជាមួយនឹងកាមេរ៉ាភ្លោះខាងមុខ 2 គ្រាប់ដែលមួយគ្រាប់គឺមានទំហំ 44MP។ សម្រាប់អេក្រង់របស់វា គឺរាបស្មើ បើធៀបជាមួយនឹងស្មាតហ្វូន 5G គឺមានភ្ជាប់ជាមួយនឹងអេក្រង់កោង 2.5D ។
ស្មាតហ្វូននេះ គឺប្រើប្រាស់នូវបន្ទះឈីប Helio P95, 12GB RAM និងបច្ចេកវិទ្យា 30W fast charging ថែមទៀតផង៕