កាមេរ៉ាទំហំ 150MP របស់ Samsung ត្រូវបានគេបញ្ជាក់ថា នឹងបង្ហាញនៅក្នុងត្រីមាសទី 4 ឆ្នាំ 2020

កាលពីឆ្នាំមុននេះ ក្រុមហ៊ុន Samsung Electronics បានបង្កនូវការភ្ញាក់ផ្អើលនៅលើអនឡាញមួយបន្ទាប់ពីពាក្យចចាមអារ៉ាមជាច្រើន បានទម្លាយនូវកាមេរ៉ាទំហំ 108 megapixel sensor នៅពេលដែលស្ថិតបច្ចេកវិទ្យានេះស្ថិតនៅក្នុងដំណើរការ ដែលពេលនេះគឺបានប្រើប្រាស់នៅលើស្មាតហ្វូន Galaxy S20 Ultra ហើយ។ នៅពេលនេះ មានពាក្យចចាមអារ៉ាមជាច្រើន បានបង្ហាញខ្លួនជាថ្មីជាមួយនឹងទំហំសេនស័រធំជាងមុន។ ក្រុមហ៊ុនរបស់ប្រទេសកូរ៉េខាងត្បូងនេះ ត្រូវបានគដឹងថា កំពុងតែធ្វើការអភិវឌ្ឍនៅលើកាមេរ៉ាសេនស័រទំហំ 150 megapixel Nonacell។ 

ប្រភពខាងលើនេះ បានបន្តថា កាមេរ៉ាសេនស័រនេះនឹងបង្ហាញខ្លួននៅក្នុងត្រីមាសទី 4 ឆ្នាំ 2020 នេះ ហើយវានឹងក្លាយជាសេនស័រធំបំផុតរបស់ក្រុមហ៊ុននេះបើរាប់ទៅលើចំនួនភិចសែលរបស់វានោះ។ ព័ត៌មាននេះ ត្រូវបានទម្លាយនៅលើ Twitter ដោយ Sleepy Kuma (@Kuma_Sleepy) ។ នៅក្នុងការបង្ហោះព័ត៌មាននេះ គឺមានព័ត៌មានលម្អិតជាច្រើនអំពីការផ្លាស់ប្តូរទៅកាន់កាមេរ៉ាសេនស័រថ្មី Samsung sensor សម្រាប់ក្រុមហ៊ុនផលិតស្មាតហ្វូនជាច្រើនទៀតងផងដែរ។ ស្រដៀងគ្នាទៅនឹងឆ្នាំនេះផងដែរ មានការអះអាងថា ក្រុមហ៊ុន Xiaomi នឹងផ្លាស់ប្តូរទៅកាន់សេនស័រថ្មី  150 megapixel sensor នៅក្នុងត្រីមាសទី 4 ឆ្នាំ 2020 នេះដែរ។ 

ក្រុមហ៊ុន Vivo និង  Oppo នឹងប្រើប្រាស់នូវសេនស័រនេះផងដែរ ប៉ុន្តែសម្រាប់ត្រីមាសទី 1 ឆ្នាំ 2020 នេះ។ វានឹងប្រើប្រាស់ជាមួយនឹងស្មាតហ្វូនដែលមានភ្ជាប់ជាមួយនឹងបន្ទះឈីប Snapdragon 875 SoC របស់ក្រុមហ៊ុន Qualcomm ផងដែរ។ សម្រាប់ពេលនេះ ពាក្យចចាមអារ៉ាមនេះវានៅមិនទាន់មានការបញ្ជាក់ជាផ្លូវការរបស់វានៅឡើយទេ។ របាយការណ៍មួយទៀតកាលពីពេលមុននេះ បញ្ជាក់អំពីកាមេរ៉ាទំហំ 144 megapixel របស់ក្រុមហ៊ុន Samsung ។ បន្ថែមពីនេះទៀតនោះ បន្ទាប់ពី Snapdragon 865 គឺមានសមត្ថភាពអាចទ្រទ្រង់ជាមួយនឹងកាមេរ៉ាដែលមានទំហំ 200 megapixels ៕