no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Huawei Maimang 8 បង្ហាញវត្តមានផ្លូវការណ៍ជាមួយអេក្រង់ទំហំ 6.21 អ៊ីង ប្រើឈីប Kirin 710 និងកាមេរ៉ាក្រោយ 3 គ្រាប់

បើទោះបីជារលកយក្សហ្ស៊ុកណាមិករបស់អាមេរិកកំពុងតែបក់បោកគំរាមកំហែងមកលើក្រុមហ៊ុនខ្លួនយ៉ាងក៏ដោយ ក៏ក្រុមហ៊ុនបច្ចេកវិទ្យាយក្សរបស់ចិន Huawei នៅតែបន្តក្នុងការបញ្ចេញទូរស័ព្ទស្មាតហ្វូនស៊េរីថ្មីៗរបស់ខ្លួនជាបន្តបន្ទាប់ដើម្បីបំពេញតម្រូវការអតិថិជនរបស់ខ្លួន និងធ្វើការប្រកូតប្រជែងទីផ្សារជាមួយដៃគូ។ យ៉ាងណាមិញដូចជាពេលនេះ Huawei បានដាក់បង្ហាញចេញទូរស័ព្ទស្មាតហ្វូនធុនកណ្តាលស៊េរីថ្មីរបស់ខ្លួនមួយម៉ូដែលទៀតក្រោមស្លាកឈ្មោះ “Huawei Maimang 8”។ 

 

no-alternative title

ស្មាតហ្វូនស៊េរីថ្មីមួយនេះ គឺមានលក្ខណះសម្បត្តិទូទៅដូចគ្នាទាំងស្ទើតែទាំងស្រុងជាមួយម៉ូដែល  Huawei P Smart+2019 ដែលចេញកាលពីឆ្នាំទៅ។ នៅផ្ទៃខាងមុខរបស់វាត្រូវបានក្រាលដោយបន្ទះអេក្រង់បង្ហាញស្ទាយដំណក់ទឹកប្រភេទ IPS LCD waterdrop ទំហំ 6.21 អ៊ីង ទ្រទ្រង់កម្រិតបង្ហាញ FHD+ ដោយនៅក្នុងឆកដំណក់ទឹកមានបង្កប់កាមេរ៉ាមុខសម្រាប់សែលហ្វីមួយគ្រាប់ទំហំ 8.0MP។ នៅផ្ទៃខាងក្រោយមានរំលេចដោយកែវលែនកាមេរ៉ាចំនួនបីគ្រាប់ដាំបញ្ឈរនៅជិតគែមខាងឆ្វេងឈៀងខាងលើដែលមានលែនដើមទំហំ 24MP,  លែនបន្ទាប់ទំហំ 16MP Ultra-wide និងចុងក្រោយទំហំ 2.0MP ជាលែន Depth Sensor ។ 

ហើយវាក៏មានអំពូលភ្លើងជំនួយពន្លឺប្រភេទ LED flash មួយគ្រាប់នៅខាងក្រោម និងមានរង្វង់ទ្រនាប់ស្កែនក្រយ៉ៅម្រាមដៃដូនតាចែកអោយនៅកណ្តាលស្របម្រាមចង្អុលដៃផងដែរ។  Maimang 8 ប្រើឈីប Kirin 710 ជាមួយរ៉េមទំហំ 6GB និងអង្គផ្ទុកទិន្នន័យ 64GB ព្រមទាំងអាចដាក់បន្ថែមបានដល់ទំហំ 512GB ជាមួយ microSD។ ស្មាតហ្វូននេះមានថ្មកំលាំង 3,400mAh និងធ្វើការសាកបញ្ចូលថាមពលថ្មតាមរយះរន្ធចម្លង microUSB។ សម្រាប់ប្រព័ន្ធប្រតិបត្តិការវិញ Maimang 8 រត់ដោយ Android 9.0 Pie និងស្រោបដោយផ្ទៃមុខ EMUI9។ 

ស្មាតហ្វូននេះមានពីរពណ៌គឺពណ៌ខ្មៅ (Midnight Black) និងពណ៌ខៀវ (Sapphire Blue)។ រីឯតម្លៃរបស់វាវិញគឺខ្ទង់ CNY 1,899 ឬប្រហែល $274 ឬ €244។ Huawei បានបើកអោយអតិថិជនអាចធ្វើការបញ្ជាទិញមុន (Pre-Order) ចាប់ពីថ្ងៃនេះទៅ ហើយការចេញលក់ផ្លូវការណ៍គឺនឹងធ្វើឡើងនៅថ្ងៃទី 12 ក្នុងខែមិថុនាខាងមុខនេះ៕

 

no-alternative title

no-alternative title
ព័ត៌មានពាណិជ្ជកម្ម