លោក Brian Shen ដែលជាអនុប្រធានក្រុមហ៊ុន Oppo បានបញ្ជាក់ថា Reno 2 នឹងត្រូវបានបំពាក់ដោយបន្ទះឈីប Snapdragon 730G លោក Shen បានបង្ហោះវីដេអូនៅលើ Twitter ប្រៀបធៀបបច្ចេកវិទ្យា OIS របស់ Reno 2 ជាមួយនឹងស្មាតហ្វូន ដែលមិនស្គាល់។ ការ បញ្ចេញបែបនេះ គឺលោកមិនចង់អោយមានការភាន់ច្រលំណាមួយនៅមុនពេលដែលមានវត្តមានស្មាតហ្វូនស៊េរីថ្មីនេះ។ លោកអ្នកអាច ពិនិត្យ មើលនៅខាងក្រោម។
ទន្ទឹមនឹងនេះ គេហទំព័រផ្លូវការ របស់ Oppo India ក៏បានបង្ហាញលក្ខណៈពិសេសចំនួនពីរ របស់ Reno2 គឺ Ultra Dark Mode និង Ultra Steady Mode ដោយប្រើបច្ចេកវិទ្យាប្រឆាំង HIS anti-shake technology ដើម្បីស្ថេរភាព។
ក្រុមហ៊ុន ក៏បានបង្ហាញផងដែរថា ស្មាតហ្វូននេះ នឹងភ្ជាប់មកជាមួយ 5x Hybrid Zoom និង 20x Digital Zoom ដូច្នេះម៉ូឌុល Periscope ដូចនៅលើ Reno 10x Zoom Edition មិនត្រូវបានមកជាមួយទេ។ ក្រុមហ៊ុន Oppo ក៏បានបង្ហោះវីដេអូនៅលើគេហទំព័រយូធូប ដោយ បញ្ជាក់ថា ការដំឡើងកាមេរ៉ាភ្លោះ នៅលើ Reno 2 នឹងរួមបញ្ចូលទាំង Ultra-wide Angle និង Macro Lenses។ យើងបានដាក់វីដេអូ ខាងក្រោម ប្រសិនបើអ្នកចង់មើល។ ស្មាតហ្វូន Reno2 ត្រូវបានគេប្រទះឃើញនៅលើ TENAA កាលពីប៉ុន្មានថ្ងៃមុននេះ ជាមួយនឹងរូបភាព និងលក្ខណៈពិសេសរបស់វា៕