TikTok គឺជាកម្មវិធីកម្សាន្តដ៏មានប្រជាប្រិយភាពបំផុតសម្រាប់មនុស្សគ្រប់ស្រទាប់វណ្ណៈក្នុងពេលបច្ចុប្បន្ន។ កម្មវិធីផលិតវីដេអូធ្វើកាយវិការត្រាប់តាមសំលេងបង្កើតជាឃ្លីបខ្លីៗមួយនេះត្រូវបានបង្កើតឡើងដោយក្រុមហ៊ុនបច្ចេកវិទ្យាចិនមួយឈ្មោះថា ByteDance និងបានប្រកាសដាក់អោយទាញយកដំបូងនៅលើឃ្លាំងកម្មវិធី Google PlayStore និង Apple AppStore កាលពីឆ្នាំ 2017 នៅប្រទេសចិនក្រោមឈ្មោះថា Douyin។ នៅក្នុងកិច្ចប្រតិបត្តិការរយះពេលជាង 3 ឆ្នាំមកនេះដែលទទួលបានប្រជាប្រិយភាពខ្លាំងពីអ្នកប្រើប្រាស់រាប់លាននាក់នៅទូទាំងពិភពលោកឥលូវនេះ TikTok បានរកឃើញអ្នកប្រើប្រាស់ដំបូងរបស់ខ្លួនដែលមានចំនួន Follower ដល់ 100 លាននាក់។
ហើយអ្វីដែលកាន់តែអស្ចារ្យបំផុតនោះគឺថាគណនីដែលមានចំនួន Follower ដល់ 100 លាននាក់ដំបូងនៅលើបណ្តាញកម្សាន្តខ្នាតយក្សមួយនេះគឺជាក្មេងស្រីដែលមានអាយុត្រឹមតែ 16 ឆ្នាំប៉ុណ្ណោះដែលនាងមានឈ្មោះថា Charli D’Amelio ជនជាតិអាមេរិកគាំង ហើយជាមួយគ្នានេះដែរគឺមានគណនីតែពីរទៀតប៉ុណ្ណោះដែលមានចំនួនFollower ខ្ទង់ 50 លាននាក់។ នៅលើគណនី TikTok របស់ក្មេងស្រី D’Amelio ភាគច្រើនគឺនាងបានធ្វើត្រាប់តាមតារាភាពយន្ត និងតារាចម្រៀងល្បីៗនៅលើពិភពលោកដោយក្នុងមានដូចជាលោក Will Smith, នាង Kylie Jenner និង Ariana Grande ជាដើម។
នេះគឺជាការកែប្រែប្រវត្តិសាស្ត្រថ្មីនៅលើគណនីបណ្តាញកម្សាន្ត ព្រោះថា បើតាមការវាយតម្លៃគណនីនៅលើឆាលនែលបណ្តាញកម្សាន្ត Youtube ដើម្បីទទួលបានចំនួន Subscribe ដល់ 100 លាននាក់គឺត្រូវចំនាយពេលយ៉ាងហោចណាក៏ 14 ឆ្នាំដែរ ប៉ុន្តែសម្រាប់គណនី TikTok របស់ក្មេងស្រី Charli D’Amelio វិញគឺប្រើរយះពេលតែជាងមួយឆ្នាំប៉ុណ្ណោះពោលគឺក្មេងស្រីវ័យ 16 ឆ្នាំរូបនេះបានចាប់ផ្តើមបង្កើត និងបង្ហោះវីដេអូរបស់នាងដំបូងនៅលើ TikTok នៅកំឡុងខែឧសភា ឆ្នាំ 2019 និងចាប់ផ្តើមធ្វើការ Livestream ដំបូងនៅលើកម្មវិធីនេះនៅកំឡុងឆ្នាំ 2018 ពោលគឺរយះពេលតែមួយឆ្នាំនាងទទួលបាន Follower ចំនួន 6 លាននាក់នៅលើគណនី TikTok របស់នាង។
លទ្ធផលដ៏អស្ចារ្យដែលនាងទទួលបានក្នុងពេលនេះគឺមានការចូលរួមពីបងស្រីរបស់នាងផងដែរ ដោយពួកគេបានសហការគ្នាក្នុងការបង្កើតវីដេអូនៅលើគណនី TikTok ព្រមទាំងធ្វើការបង្ហោះចូលទៅក្នុងឆានែល Youtube របស់ពួកនាងដើម្បីទាញបានចំនួននាក់ Follow ហើយក្នុងនោះឪពុកម្តាយរបស់នាងដែលមានឈ្មោះថា Heidi និង Marc ក៏មានចំនែកក្នុងការជួយជ្រំជ្រែងដើម្បីទាក់ទាញចំនួន Follower ផងដែរសម្រាប់គណនី TikTok របស់នាងផងដែរ។ សមាជិកក្នុងក្រុមគ្រួសារពួកនាងបានប្រើប្រាស់គណនី TikTok និងបណ្តាញទំនាក់ទំនងសង្គមផ្សេងៗទៀតឈ្មោះថា “D’Amelio Family” ដូចៗគ្នាដើម្បីជួយក្នុងការទាញយកប្រជាប្រិយភាពពី Follower ដែលលេងបណ្តាញកម្សាន្តរបស់ចិនមួយនេះ៕
