រហូតមកដល់ម៉ោងនេះ អ្នកគាំទ្រជាច្រើនរបស់ក្រុមហ៊ុន Redmi បាននឹងកំពុងតែរង់ចាំយ៉ាងអន្ទះសារទៅលើវត្តមាននៃនាឡិកាស្មាតវ៉ចរបស់ក្រុមហ៊ុននេះ។ យោងតាមរបាយការណ៍ជាច្រើនដែលបានផ្សាយចេញកាលពីពេលមុននេះ បានទម្លាយថា នាឡិកា Redmi Watch នេះ នឹងក្លាយជា rebranded version របស់នាឡិកាជំនាន់ថ្មី Xiaomi Mi Watch Lite ។ នៅថ្ងៃនេះ នៅវេលាម៉ោង 8 យប់នៅក្នុងប្រទេសចិន ក្រុមហ៊ុន Redmi នឹងប្រកាសចេញនូវស្មាតហ្វូន Redmi Note 9 5G របស់ខ្លួនផងដែរ។ ក្រុមហ៊ុននេះ បានបញ្ជាក់ថា ក្រុមហ៊ុននេះ ក៏នឹងបង្ហាញនូវវត្តមានរបស់នាឡិកាស្មាតវ៉ចនៅក្នុងព្រឹត្តិការណ៍ដូចគ្នានេះផងដែរ។
នៅក្នុងផ្ទាំងរូបភាពនេះដែលបញ្ចេញដោយក្រុមហ៊ុន Redmi ក៏មានការបង្ហាញថា នាឡិកាស្មាតវ៉ចនេះនឹងមានអេក្រង់រូបរាងជាការ៉េផងដែរ។ ក្រុមហ៊ុននេះ បានអះអាងថាស្មាតវ៉ចនេះ គឺមានទម្ងន់ស្រាលមែនទែន។ នៅក្នុងវិញ្ញាបនបត្រចេញពី FCC របស់ក្រុមហ៊ុន Mi Watch Lite នេះដែលទម្លាយចេញពីខែមុននេះបញ្ជាក់ថា ស្មាតហ្វូននេះមានលេខម៉ូឌែល REDMIWT02 ។ ស្មាតហ្វូនដែលមានលេខម៉ូឌែល REDMIWT01 ក៏អនុម័តចេញពី MIITរបស់ចិននៅក្នុងខែសីហាផងដែរ។ សម្រាប់នាឡិកា REDMIWT02 និង REDMIWT01 អាចនឹងជាផលិតផលដូចគ្នា។
នៅក្នុងបញ្ជីរបស់ FCC នេះ ក៏មានការទម្លាយថា នាឡិកានេះ គឺមានអេក្រង់ទំហំ 1.4 អ៊ីង និងមានថាមពលថ្មទំហំ 230mAh ជាមួយនឹងបច្ចេកវិទ្យា 5W charging។ នាឡិកានេះ ដំណើរការនូវ Android 4.4 ឬ iQS 10 និងមានមុខងារតាមដានទៅលើការវាស់ចង្វាក់បេះដូង 24 ម៉ោង និងបច្ចេកវិទ្យា 50ATM សម្រាប់ការពារការជ្រាបទឹកនៅពេលដែលពួកគេនៅក្នុងអាងហែលទឹកថែមទៀត។ នាឡិការនេះ ក៏មាន Bluetooth និង GPS ផងដែរ៕
