នៅថ្ងៃទី 24 ខែកុម្ភៈខាងមុខនេះ ក្រុមហ៊ុន realme នឹងបង្ហាញនូវវត្តមានរបស់ស្មាតហ្វូនស៊េរីថ្មី Narzo 30 Series របស់ខ្លួននៅក្នុងប្រទេសឥណ្ឌាហើយ ព្រឹត្តិការណ៍នេះ ក៏នឹងមានការបង្ហាញនូវវត្តមានរបស់កាសស្តាប់ឥតខ្សែ Buds Air 2 TWS ដែលជាកាសសា្តប់ជំនាន់ថ្មីរបស់ក្រុមហ៊ុននេះផងដែរ។ ក្រុមហ៊ុនចិនមួយនេះ បានបញ្ជាក់ថា កាសស្តាប់នេះ នឹងមានមុខងារ Active Noise Cancellation (ANC) ថែមទៀតផង។
នៅពេលនេះ កាសស្តាប់ Buds Air 2 ក៏ស្ថិតនៅលើទំព័រផ្លូវការរបស់ក្រុមហ៊ុន realme នៅក្នុងប្រទេសឥណ្ឌាផងដែរ។ នៅក្នុងបញ្ជីនេះ ក៏មានការបង្ហាញនូវលក្ខណៈពិសេសជាច្រើនទៀតរបស់កាសស្តាប់នេះផងដែរ។ ក្រុមហ៊ុន realme ក៏បានសហការជាមួយនឹងក្រុមហ៊ុន The Chainsmokers សម្រាប់ការផ្សព្វផ្សាយទៅលើកាសស្តាប់ Buds Air 2 នេះផងដែរ។ ខណៈពេលដែលកាសស្តាប់ Buds Air Pro មានភ្ជាប់ជាមួយនឹងមុខងារ ANC នោះ មុខងារនេះ នឹងដំណើរការនៅលើកាសស្តាប់ Buds Air 2 ផងដែរ។ កាសស្តាប់ Buds Air 2 នឹងមានភ្ជាប់ជាមួយនឹង 10nm Diamon-like Carbon (DLC) drivers សម្រាប់ផ្តល់នូវសំឡេងលឺច្បាស់ខ្លាំង និងល្អជាងមុនថែមទៀត។
ក្រុមហ៊ុននេះ បានបញ្ជាក់ថា កាសស្តាប់ Buds Air គឺប្រើប្រាស់បានតែ 17 ម៉ោងប៉ុណ្ណោះ ប៉ុន្តែកាសស្តាប់ Buds Air 2 នេះ វិញ នឹងមានថាមពលថ្មប្រើប្រាស់បានដល់ទៅ 25 ម៉ោង។ ការបញ្ចូលថាមពលថ្មត្រឹមតែ 10 នាទី កាសស្តាប់ Buds Air 2 នេះគឺប្រើប្រាស់បាន 2 ម៉ោង។ កាសស្តាប់នេះ មានពណ៌ខ្មៅ និងពណ៌ស។ ក្រុមហ៊ុន realme ពេលនេះ លក់កាសស្តាប់ចំនួន 3 ម៉ូឌែលហើយនោះគឺ Buds Air Neo, Buds Air និង Buds Air Pro។ កាសនេះ មានតម្លៃ Rs 2,499 (~$34), Rs 3,999 (~$55) និង Rs 4,999 (~$69)។ វានៅមិនទាន់មានការបញ្ចាក់អំពីតម្លៃរបស់កាសស្តាប់ Buds Air 2 នៅឡើយទេ៕