យោងតាមការទម្លាយព័ត៌មានកន្លងមក បានសសេរថាស ស្មាតហ្វូន Honor 70 series គ្រោងនឹងបង្ហាញខ្លួននៅក្នុងប្រទេសចិននាថ្ងៃទី 30 ខែឧសភាខាងមុខនេះហើយ។ ក្រុមហ៊ុនបច្ចេកវិទ្យាយក្សរបស់ចិននេះ នឹងបង្ហាញនូវស្មាតហ្វូន Honor 70, Honor 70 Pro និង Honor 70 Pro+។ បើតាមអ្នកទម្លាយ Bald ក៏បានចែករំលែកនូវលក្ខណៈសម្បត្តិជាច្រើនរបស់ស្មាតហ្វូន Honor 70 ផងដែរ។
នៅក្នុងការបែកធ្លាយនេះ បាននិយាយថា ស្មាតហ្វូន Honor 70 Series នឹងមានកាមេរ៉ាគោលទំហំ 54-Megapixel Sony IMX800 ប៉ុន្តែនៅមិនទាន់ច្បាស់នោះទេថាស្មាតហ្វូន Honor 70 ទាំង 3 នេះ នឹងមានកាមេរ៉ា Sony IMX800 ដូចគ្នាឬយ៉ាងណានោះទេ។
សម្រាប់ស្មាតហ្វូន Honor 70 Pro នឹងមានបន្ទះឈីប Dimensity 8000 ខណៈពេលដែលម៉ូដែល Pro+ គឺមានបន្ទះឈីប Dimensity 9000 SoC។ សម្រាប់ស្មាតហ្វូន Honor 70 គឺមានបន្ទះឈីប Snapdragon 7 Gen 1។ ស្មាតហ្វូនទាំងពីរនេះ គឺមានបច្ចេកវិទ្យាសាកថ្មលឿន 100W Wired Charging។ ស្មាតហ្វូន Honor នេះ មានលេខកូដ SDY-AN00 និង HPB-AN00 ជាមួយនឹង 100W Charger ដែលនេះ អាចជាស្មាតហ្វូន Honor 70 Pro និង 70 Pro+។
របាយការណ៍ជាច្រើនមុននេះ បានទម្លាយថា ស្មាតហ្វូន Honor 70 Series នេះ នឹងមានអេក្រង់ OLED ដែលផ្គត់ផ្គង់ដោយក្រុមហ៊ុន BOE។ ស្មាតហ្វូន Honor 70 Pro និង 70 Pro+ នឹងមានបច្ចេកវិទ្យា LTPO។ ស្មាតហ្វូន 70 នេះ មានថាមពលថ្មទំហំ 4,800mAh ជាមួយនឹងបច្ចេកវិទ្យាសាកថ្មលឿន 66W Fast Charging។ ស្មាតហ្វូន Honor 70 Pro និង Honor 70 Pro+ គឺមានថាមពលថ្មទំហំ 4,600mAh៕