កាលពីខែមុននេះ ក្រុមហ៊ុន Xiaomi ទើបតែបង្ហាញវត្តមានស្មាតហ្វូន Redmi Note 11 Series នៅក្នុងប្រទេសចិន។ នៅពេលនេះ ស្មាតហ្វូន Note 11, Note 11 Pro និង Note 11 Pro+ ក៏បានទទួលបាននូវវិញ្ញាបនបត្រជាច្រើនផងដែរ នៅមុនពេលដែលស្មាតហ្វូននេះ បានបង្ហាញខ្លួននៅក្នុងទីផ្សារសកលនោះ។
តាមការបញ្ជាក់នៅក្នុងរបាយការណ៍របស់ 91Mobiles តាមរយៈលោក Mukul Sharma បានអោយដឹងថា ស្មាតហ្វូន Note 11 Pro និង Note 11 Pro+ ក៏កំពុងតែធ្វើតេស្តនៅក្នុងអ៊ឺរ៉ុបផងដែរ។ ស្មាតហ្វូនទាំងពីរនេះ នឹងបង្ហាញខ្លួននៅក្នុងទីផ្សារអន្តរជាតិសកលនៅក្នុងពេលឆាប់ៗនេះ។ របាយការណ៍នេះ បានបន្ថែមទៀតថា ក្រុមហ៊ុនបច្ចេកវិទ្យាយក្សរបស់ចិននេះ អាចនឹងបង្ហាញនូវស្មាតហ្វូន Redmi ថ្មីនេះ នៅក្នុងទីផ្សាររបស់អ៊ឺរ៉ុបជាមុនសិន នៅមុនពេលដែលស្មាតហ្វូននេះបង្ហាញខ្លួននៅក្នុងទីផ្សារជាច្រើនទៀតនៅក្នុងអ៊ឺរ៉ុប។
ស្មាតហ្វូនទាំងពីរនេះ នឹងមានលេខម៉ូដែល និងលក្ខណៈសម្បត្តិដូចគ្នាទៅនឹងស្មាតហ្វូនរបស់ចិនផងដែរ។ ស្មាតហ្វូន Note 11 Pro និង Note 11 Pro+ ក៏បានបង្ហាញខ្លួននៅក្នុងទិន្នន័យ IMEI database និងស្ថាប័ន BIS ផងដែរ ជាមួយនឹងលេខម៉ូដែល 21091116I និង 21091116UI។ ក្រុមហ៊ុន Xiaomi អាចនឹងបង្ហាញស្មាតហ្វូនទាំងពីរនេះ នៅក្នុងប្រទេសឥណ្ឌា ជាមួយនឹងឈ្មោះហៅថា Xiaomi 11i និង Xiaomi 11i HyperCharge។ ស្មាតហ្វូន Note 11T 5G series អាចនឹងបង្ហាញខ្លួននៅក្នុងប្រទេសនេះនៅថ្ងៃទី 30 ខែវិច្ឆិកានេះ៕
