មានពាក្យចចាមអារ៉ាមថា ក្រុមហ៊ុន OPPO, Realme និង OnePlus ដែលជាបុត្រសម័ន្ធរបស់ក្រុមហ៊ុន BBK Electronics កំពុងតែធ្វើការនៅលើរថយន្ តអគ្គិសនីរបស់ខ្លួនអស់រយៈពេលជាយូរមកហើយ។ ក្រុមហ៊ុនជាច្រើនបានសហការជាមួយនឹងក្រុមហ៊ុនផលិតរថយន្តជាច្រើននៅក្នុងការអភិវឌ្ឍទៅលើរថយន្តអគ្គិសនីនេះ។ នៅពេលនេះ ព័ត៌មានអំពីការអភិវឌ្ឍនេះ គឺត្រូវបានបញ្ជាក់ពីអ្នកទម្លាយព័ត៌មាន Mukul Sharma ។
តាមការបញ្ជាក់របស់ 91Mobiles អោយដឹងថា រថយន្តអគ្គិសនីរបស់ក្រុមហ៊ុន OPPO នៅក្នុងប្រទេសឥណ្ឌា គឺស្ថិតនៅក្នុងការអភិវឌ្ឍ ហើយការប្រកាសបង្ហាញវត្តមាននៃរថយន្តអគ្គិសនីនេះគឺនៅចុងឆ្នាំ 2023 ឬដើមឆ្នាំ 2024 នេះ។ នៅក្នុងខណៈពេលនេះ យើងនៅមិនទាន់ដឹងអំពីលក្ខណៈបច្ចេកទេសនៃផលិតផលថ្មីនេះទេ។ យើងអាចប៉ាន់ស្មានថា ក្រុមហ៊ុននេះនឹងទម្លាយនូវព័ត៌មានជាច្រើនរបស់រថយន្តនេះនៅក្នុងពេលខាងមុខនេះ។
ការលក់រថយន្តអគ្គិសនីនៅក្នុងប្រទេសឥណ្ឌានឹងចាប់ផ្តើមនៅក្នុងឆមាសទី 1 ចាប់ពីខែមេសាដល់ខែកញ្ញាគឺមានចំនួនសរុប 6261 គ្រឿង ខណៈពេលដែលរថយន្តចំនួន 5905 លក់បានកាលពីឆ្នាំមុននេះ។ ទីផ្សាររថយន្តអគ្គិសនីគឺមានការកើនឡើងចំនួន 234% ។ ជាមួយនឹងការប្រកាសបង្ហាញវត្តមាននៃកង់អគ្គិសនិ Ola S1 និង Ola S1 Pro electric scooters នៅក្នុងប្រទេសឥណ្ឌាថ្មីៗនេះ វាក៏បង្កើននូវការពេញនិយមក្នុងការប្រើប្រាស់ទៅលើកង់អគ្គិសនីនេះនៅលើទីផ្សារផងដែរ។ ក្រុមហ៊ុនស្មាតហ្វូនជាច្រើនក៏នឹងចាប់ផ្តើមក្នុងការពង្រីកទៅលើវត្តមាននៃកង់អគ្គិសនីនៅក្នុងផលិតផលរបស់ខ្លួនផងដែរ៕
