កាលពីម្សិលមិញនេះក្រុមហ៊ុន Redmi ទើបតែមានការប្រកាសចេញថា ស្មាតហ្វូន Redmi Note 12 Turbo នឹងមានការបង្ហាញខ្លួនជាផ្លូវការណ៌នៅក្នុងប្រទេសចិននាថ្ងៃទី 28 ខែមីនាខាងមុខនេះហើយ ដោយស្មាតហ្វូននេះ នឹងក្លាយជាស្មាតហ្វូនដំបូងគេបំផុតលើពិភពលោក ដែលបំពាក់នូវបន្ទះឈីប Snapdragon 7 Plus Gen 2។ ជាមួយគ្នា កាលពីម្សិលមិញ គេក៏មានការទម្លាយការឌីស្សាញស្មាតហ្វូននេះដែរ។
នៅថ្ងៃនេះ ក្រុមហ៊ុន Redmi បានបញ្ចេញនូវរូបភាពថ្មីរបស់ស្មាតហ្វូន Redmi Note 12 Turbo នេះ ដោយមានការបញ្ជាក់ពីការឌីស្សាញថ្មីទៀតហើយ។ Redmi បានបញ្ជាក់ថា Redmi Note 12 Turbo គឺមានគែអេក្រង់ស្តើងខ្លាំងមែនទែន គឺស្តផើងជាងស្មាតហ្វូន iPhone 14 ទៅទៀត។ រូបភផាពខាងលើនេះ គឺមាបបង្ហាញពីអេក្រង់របស់ Note 12 Turbo ជាមួយនិងរូបរាង ultra-thin bezels នៅលើជ្រុងទាំងបួនតែម្តង។ ស្មាតហ្វូននេះមានគែម bezels ចំហៀងមានទំហំ 1.95mm និងខាងលើទំហំ 1.42mm ខាងក្រោមទំហំ 2.2mm.
Redmi Note 12 Turbo ត្រូវបានក្រុមហ៊ុននេះបំពាក់នូវអេក្រង់ OLED ដែលនឹងមានទំហំ 93.4% ធៀបជាមួយតួខ្លួន។ ស្មាតហ្វូននេះមានស៊ុមធ្វើពីលោហៈ និងមានទម្ងន់ 191 grams ហើយនិងកម្រ៉ាស់ 7.9mm។ ស្មាតហ្វូននេះមាបថ្មទំហំ 5,000mAh គាំទ្រដោយកម្លាំងសាក 67W fast charging នេះបើតាមការបញ្ជាក់នៅលើ 3C certification។ យោងតាមការបញ្ជាក់របស់ Redmi បានអោយដឹងថា ស្មាតហ្វូននេះអាចកាន់ថ្មបាន 1.3 ថ្ងៃ។ បន្ថែមពីនេះ ស្មាតហ្វូននេះក៏នូវមានការប្រើប្រាស់ការស្កែនម្រាមដៃនៅលើអេក្រង់ផងដែរ គ្រាន់តែមិនទាន់បញ្ជាក់ផ្លូវការណ៌ពីក្រុមហ៊ុន។
នៅលើរូបភាពថ្មីរបស់ស្មាតហ្វូន Redmi Note 12 Turbo នេះ ក៏នឹងការបង្ហាញថា ស្មាតហ្វូននេះ បំពាក់មកជាមួយនូវកាមេរ៉ា 3 គ្រាប់ ដែលកាមេរ៉ាគោលមានទំហំ 64-megapixel។ ស្មាតហ្វូននេះមាន Dual stereo speakers និងរន្ធ 3.5mm audio jack ហើយនិង IR blaster។
ស្មាតហ្វូននេះត្រូវបានគេរាយការណ៌ថ្មីៗនេះ គឺមានអេក្រង់ទំហំ 6.67-អ៊ីង OLED FHD+ ល្បឿន 120Hz display កាមេរ៉ាមុខទំហំ 16-megapixel កាមេរ៉ាក្រោយ ទំហំ 64-megapixel + 8-megapixel + 2-megapixel។ ស្មាតហ្វូននេះ នឹងមានរ៉េមទំហំ 12GB LPDDR5 RAM និងអង្គចងចាំទំហំ 512GB UFS 3.1 ហើយនិងរត់ជាមួយស្បែកមុខកម្មវិធី MIUI 14 ផ្អែកលើ Android 13 OS ចេញពីប្រអប់តែម្តង។