Canon ដែលជាក្រុមហ៊ុនបច្ចេកវិទ្យាយក្សរបស់ជប៉ុន ត្រូវបានគេរាយការណ៍ថា បាននឹងកំពុងតែពិចារណាក្នុងការសហការជាមួយនឹងក្រុមហ៊ុនផលិតស្មាតហ្វូនជាច្រើន ដើម្បីសម្របខ្លួនទៅនឹងទិដ្ឋភាពទីផ្សារដែលកំពុងតែវិវត្តន៍នេះ។ និន្នាការនៃភាពជាដៃគូររវាងក្រុមហ៊ុនផលិតស្មាតហ្វូន និងក្រុមហ៊ុនជំនាញផ្នែកកាមេរ៉ានេះគឺផ្តល់នូវ platform មួយសម្រាប់ការផ្លាស់ប្តូរទៅលើជំនាញនៃការថតរូបភាព imaging & optical ដែលវាបង្កើនទៅលើតម្លៃនៃម៉ាកយីហោសម្រាប់ភាគីទាំង 2 នេះ។
គួរបញ្ជាក់ថា មកដល់ពេលនេះ មានកិច្ចសហការរវាងក្រុមហ៊ុន vivo និងក្រុមហ៊ុន Zeiss, OPPO និងក្រុមហ៊ុន Hasselblad រួមជាមួយនឹងក្រុមហ៊ុន Xiaomi និង Leica សុទ្ធតែផ្តល់នូវលទ្ធផលជាវិជ្ជមាន។ ក្រុមហ៊ុន Canon ក៏នឹងចូលរួមទៅនឹងកិច្ចសហការនេះផងដែរ។ នៅក្នុងកិច្ចសម្ភាសន៍ថ្មីនេះ លោក Hiroki Ozawa ដែលជាប្រធានក្រុមហ៊ុន Canon នៅក្នុងប្រទេសចិន បានទទួលស្គាល់ថា ការកើនឡើងនៃរលកនៃកិច្ចសហការរវាងក្រុមហ៊ុនស្មាតហ្វូន និងក្រុមហ៊ុនផលិតកាមេរ៉ាគឺមានការកើនឡើង។
ជាមួយនិងការធ្វើបទសម្ភាសន៍នេះ គាត់ក៏បានទម្លាយទៀតថា ក្រុមហ៊ុន Canon ក៏មានការស្រាវជ្រាវយ៉ាងសកម្មទៅលើផ្នែកនេះ ប៉ុន្តែសកម្មភាពនៃសក្តានុពលរបស់ពួកគេស្ថិតនៅក្នុងការពិចារណា និងការសម្រេចចិត្តផងដែរ។ នៅក្នុងការទទួលស្គាល់ទៅលើនិន្នាការដែលបន្តនៃឧស្សាហកម្មនេះ ក្រុមហ៊ុន Canon មានគោលដៅក្នុងការវិនិច្ឆ័យដោយឯករាជ្យស្របទៅតាមទីផ្សារបច្ចុប្បន្នផងដែរ៕
