Redmi ត្រូវបានគេដឹងថា នឹងមានការប្រកាសចេញ Redmi Note 12 series សម្រាប់ទីផ្សារសកល ស្របពេលដែលថ្មីៗនេះ Redmi Note 12 5G និង Redmi Note 12 Pro+ 5G ត្រូវបានគេដឹងថា នឹងមានវត្តមានសម្រាប់ទីផ្សារសកលឆាប់ៗនេះដូចគ្នា។ មានការបញ្ជាក់បន្ថែមថា ស្មាតហ្វូននេះ ក៍នឹងមានម៉ូដែល Redmi Note 12 Pro 4G ផងដែរ ដោយស្មាតហ្វូននេះ ត្រូវបានគេឃើញថា បានឆ្លងកាត់បញ្ជី IMEI database រួចរាល់ហើយ។
សូមជំរាបថា កាលពីខែតុលាកន្លងទៅ មានស្មាតហ្វូន Xiaomi ថ្មីមួយដែលមានលេខ 2209116AG និងមានឈ្មោះផ្លូវការណ៌ថា “Redmi Note 11 Pro 2023” បានឆ្លងកាត់ IMEI database។ ហើយស្មាតហ្វូនននេះក៏បន្តបង្ហាញវត្តមានៅលើស្ថាប័នជាច្រើនទៀតមានដូចជា Google Play Console, Geekbench, FCC, EEC, និង SIRM (ម៉ាឡេស៊ី) ជាដើម។
នៅថ្ងៃនេះនៅលើXiaomiui ក៏មានកបញ្ជាក់ថា ស្មាតហ្វូនដែលមានលេខម៉ូដែលដូចគ្នានេះ បានឆ្លងកាត់ការចុះបញ្ជី IMEI database រួចហើយដែរ តែម្តងនេះ គឺបានប្តូរឈ្មោះមកជា “Redmi Note 12 Pro.”។ របាយការណ៌ បានបញ្ជាក់ថា Redmi Note 12 Pro អាចនឹងមានការឌីស្សាញរូបរាងដូចគ្នាជាមួយនិង Redmi Note 10 Pro។សូមជំរាបថា Redmi Note 12 Pro នេះ ត្រូវបានគេបញ្ជាក់ថា ក៏នឹងមានឈ្មោះថា K6A ផងដែរ។ ស្មាតហ្វូនអាចនឹងជា Redmi Note 12 Pro ប៉ុន្តែប្រភេទ 4G។ Redmi Note 12 Pro 4G អាចនឹងមានអេក្រង់កម្រិត FHD+ display និងប្រើឈីប Snapdragon 732G រួមជាមួយរ៉េម 8GB ព្រមទាំងរត់នៅលើស្បែកមុខកម្មវិធី MIUI 13 ដែលផ្អែកនៅលើប្រព័ន្ធប្រតិបត្តិការ Android 13 OS។