កាលពីថ្ងៃទី 2 ខែធ្នូនេះ iQOO បានបញ្ជាក់ថា ខ្លូននឹងមានការប្រកាសចេញនូវស្មាតហ្វូនស៊េរីថ្មី iQOO 11 ជាមួយនិងស្មាតហ្វូនថ្នាក់កណ្តាល iQOO Neo 7 SE ប៉ុន្តែអ្វីៗត្រូវបានខកខានទៅវិញដោយសារតែនៅមុនថ្ងៃនោះ មានការទទួលមរណៈភាពរបស់អតីតថ្នាក់ដឹកនាំចិន។ នៅថ្ងៃនេះមានការបញ្ជាក់ជាថ្មីពីការបង្ហាញវត្តមានរបស់ស្មាតហ្វូនថ្នាក់ប្រណិត ដែលប្រើបន្ទះឈីប Snapdragon 8 Gen 2 SoC និងកញ្ចក់អេក្រង់ E6 AMOLED display នេះហើយ។
យោងតាមគណនី Instagram របស់ក្រុមហ៊ុន iQOO Indonesia បានបញ្ជាក់តាម GSMArena ថា ស្មាតហ្វូន iQOO 11 នឹងមានវត្តមាននៅថ្ងៃទី 8 ខែធ្នូនេះហើយដោយព្រឹត្តិការណ៌នេះ នឹងធ្វើឡើងនៅម៉ោង 4PM ប៉ុន្តែសម្រាប់ iQOO Neo 7 SE គឺមានមិនបញ្ជាក់នោះទេ ខណៈដែលអ្នកតាមដានជឿជាក់ថា នឹងប្រកាសចេញនៅពេលតែមួយ។ សូមជំរាបថា iQOO 11 នឹងក្លាយជាស្មាតហ្វូននជំនាន់ថ្មីមួយក្នុងចំណោមស្មាតហ្វូនដែលប្រើប្រាស់នូវបន្ទះឈីប Snapdragon 8 Gen 2 ហើយបើតាមការផ្សាយនោះ ស្មាតហ្វូននេះ គឺមានសមត្ថភាពខ្លាំងសម្រាប់ការលេងហ្គេម។
បន្ថែមពីនេះ ក៏មានការទម្លាយថា ស្មាតហ្វូនថ្មីនេះ នឹងមានអេក្រង់ E6 AMOLED display បង្ហាញចេញបានកម្រិត 2K និងមានល្បឿន 144Hz refresh rate ហើយថែមទាំងមាន XDR engine ព្រមទាំងកម្រិត 1,800 nits និង1440Hz PWM dimming ថែមទៀត។ ស្មាតហ្វូននេះ នឹងមានរ៉េមទំហំធំដល់ទៅ 16GB និងអង្គចងចាំទំហំ 512GB។
iQOO 11 នឹងមានកាមេរ៉ាគោលទំហំ 50-Megapixel និងមានគ្រាប់ទីពីរមានទំហំ 8-Megapixel OmniVision OV8B ultra-wide រួមទាំងគ្រាប់ទីបីមានទំហំ 12 ឬ 13-Megapixel portrait snapper ហើយស្មាតហ្វូននេះ ក៏នឹងមានថ្មទំហំ 5,000mAh ដែលគាំទ្រដោយកម្លាំងសាក 120W fast charging ថែមទៀតផង។
សម្រាប់ iQOO Neo 7 SE នឹងប្រើឈីប MediaTek Dimensity 8200 ហើយអាចនឹងមានអេក្រង់ 6.78-អ៊ីងAMOLED display កម្រិត FHD+ ល្បឿន 120Hz refresh rate ហើយនិងមានថ្មទំហំ 5,000mAh ដែលគាំទ្រដោយកម្លាំងសាក 120W fast charging ដូចសិស្សច្បង iQOO 11 អញ្ចឹងដែរ។
