នៅនពេលនេះ ក្រុមហ៊ុន Huawei បានបង្ហាញនូវស្មាវ៉ចម៉ូដែលពិសេសទៅលើស្មាតវ៉ចម៉ូដែល GT4 ថែមទៀតហើយ ដោយ ម៉ូដែលថ្មីនេះ គឺមានឈ្មោះថាស្មាតវ៉ច Huawei Watch GT 4 Spring Edition។ យោងតាមបញ្ជាក់នៅក្នុងប្រភពខាងលើនេះបន្តថា ម៉ូដែលពិសេស ក៏នឹងមានលក់នៅលើទីផ្សារសកលផងដែរ។ ស្មាតវ៉ចនេះ គឺមានលក្ខណៈសម្បត្តិរដូចគ្នាទៅនឹងម៉ូដែលស្តង់ដារអញ្ចឹង។
អ្វីដែលប្លែកសម្រាប់ស្មាតវ៉ចម៉ូដែលពិសេស Spring Edition នេះ គឺការបន្ថែមនូវភាពទាក់ទាញជាមួយនិងជម្រើសពណ៌ថ្មី 5 ពណ៌ដ៏ទាក់ទាញ។ សម្រាប់ស្មាតវ៉ច Huawei Watch GT4 ដែលមានទំហំ 46mm គឺមានការបញ្ចូលគ្នាដល់ទៅ 2 ពណ៌គឺ Black និង Deep Sea Blue និងមួយទៀតមានពណ៌ Black និង Spruce Green ដែលខ្សែនាឡិកានេះ គឺពិតជាធន់ក្នុងការប្រើប្រាស់បានយូរ។ សម្រាប់ស្មាតវ៉ច Huawei Watch GT4 ដែលមានទំហំ 41mm គឺមានជម្រើស 3 ពណ៌បន្ថែមទៀត រួមមាន White និង Glacier Pink, White និង Mint Green ហើយនិង White ជាមួយ Crystal Blue។ សម្រាប់ខ្សែពណ៌ស គឺជាប្រភេទខ្សែរស្បែក ខណៈពេលដែលខ្សែ 2 ពណ៌នេះ គឺជាប្រភេទ fluoroelastomer។
ស្មាតវ៉ច Huawei Watch GT 4 នេះមានអេក្រង់ AMOLED displays ជាមួយនឹងមុខនាឡិកាដល់ទៅ 25,000 និងមានការទ្រទ្រង់ជាមួយនិង Dual-Band GNSS សម្រាប់ការកំណត់ទៅលើទីតាំងបានយ៉ាងល្អថែមទៀតផង។ ស្មាតវ៉ចនេះ ក៏មានការទ្រទ្រង់ទៅ 100 សកម្មភាពកីឡាផងដែរ។ បន្ថែមពីនេះ នៅលើស្មាតវ៉ច Huawei Watch GT4 នេះ ក៏មានមុខងារជាច្រើនទៀតដូចជា Stay Fit feature, Activity Rings 2.0, advanced sleep tracking ជាមួយនឹង TruSeen 5.5+ និង TruSleep 3.0 ផងដែរ។
សម្រាប់ស្មាតវ៉ច Huawei Watch GT4 ទំហំ 46mm មានថ្មអាចប្រើប្រាស់បានដល់ទៅ 14 ថ្ងៃ ខណៈពេលដែលម៉ូដែល 41mm មានអាចប្រើប្រាស់បាន 7 ថ្ងៃ។ ស្មាតវ៉ច Watch GT 4 នេះ ទទួលបាននូវការអាប់ដេត Harmony OS 4 រួចហើយ ក៏អាចប្រើប្រាស់បាននៅលើ Android និង iOS ផងដែរ។ នៅលើនាឡិកានេះ ក៏មានមុខងារខលតាម Bluetooth ថែមទៀតផង ។ គួរបញ្ជាក់ផងដែរថា នៅពេលនេះ ក្រុមហ៊ុន Huawei បានលក់នូវស្មាតវ៉ចទំហំ 46mm និង 41mm Spring Edition នេះនៅក្នុងតម្លៃចាប់ពី £199.99 និង €219.99 ដោយរាប់បញ្ចូលទាំងខ្សែនាឡិកាស្រាប់ផងដែរ៕
