យោងតាមប្រភពថ្មីមួយចេញពីឧស្សាហកម្មអេក្រង់នៅថ្ងៃនេះ បានបញ្ជាក់ថា ក្រុមហ៊ុន BOE ទទួលបានសិទ្ធិនៅក្នុងការផលិតបន្ទះអេក្រង់សម្រាប់ iPhone ស៊េរីថ្មី ដែលនឹងបង្ហាញវត្តមាននៅពេលខាងមុននេះ។ ប្រភពដដែលនេះបន្តថា ការទទួលបាន នេះ គឺមិនសម្រាប់ iPhone ទាំងអស់នោះទេ គឺបានតែទៅលើម៉ូដែលថ្មី iPhone SE 4 ប៉ុណ្ណោះ។ iPhone SE 4 មានការ បំពាក់នូវអេក្រង់ទំហំ 6.1-អ៊ីង នឹងប្រើប្រាស់នូវកញ្ចក់ OLED ថែមទៀតផង។
ទាក់ទងនឹងព័ត៌មានអេក្រង់នេះដែរ យោងតាមរបាយការណ៌ដែលចេញផ្សាយថ្មីៗនេះ បាននិយាយថា ក្រុមហ៊ុន Samsung បានទម្លាក់ចោលនូវការដេញថ្លៃនេះ ដោយសារតែគម្រោងនេះ គឺមានទំហំតូច និងមានតម្លៃធូថ្លៃជាងអេក្រង់របស់ស្មាតហ្វូន Apple ម៉ូដែលផ្សេងៗ។ របាយការណ៌ដដែលនេះ បានបញ្ជាក់បន្ថែមថា អេក្រង់ទំហំ 6.1-អ៊ីង OLED ដែលផលិតដោយ ក្រុមហ៊ុន Samsung មួយបន្ទះ គឺមានតម្លៃ 30 ដុល្លារ ទៅហើយ ខណៈដែលការដេញថ្លៃនេះ ក្រុមហ៊ុន Apple ហ៊ានថ្លៃត្រឹម 25 ដល្លារប៉ុណ្ណោះ។ ហើយតម្លៃ 25 ដុល្លារ នេះ គឺទាបជាងការផ្តល់អោយពីសំណាក់ក្រុមហ៊ុនរបស់ចិនថែមទៀតផង។
ដូច្នេះ បន្ទាប់ពីការដកខ្លួនចេញពីក្រុមហ៊ុន Samsung សម្រាប់គម្រោងនេះ គឺបានធ្លាក់ទៅលើក្រុមហ៊ុនផលិត អេក្រង់របស់ ប្រទេសចិន BOE និង Tianma remain។ ហើយពេលនេះ ក្រុមហ៊ុន BOE គឺជាអ្នកដែលទទួលបានសិទ្ធិផលិតអេក្រង់ iPhone SE 4 ទាំងស្រុងហើយ។ អ្នកតានដាននៅក្នុងឧស្សាហ៌កម្មនេះ បានបញ្ជាក់ថា ក្រុមហ៊ុន Samsung មិនមែនធ្វើការវិនិយោគគ្រប់ទម្រង់ទាំងអស់នោះទេ។ ប្រសិនមិនចំណេញច្រើនក្រុមហ៊ុននេះ នឹងមិនសម្រេចវិនិយោកឡើយ ជាក់ស្តែងដូចគម្រោងនេះអញ្ចឹង។
