Samsung ត្រូវគេទម្លាយថា នឹងប្រើនូវបន្ទះឈីបជំនាន់ថ្មី Exynos 2500 នៅលើ Galaxy S25 Series ហើយនិង Galaxy Book

បន្ទះឈីបជំនាន់ថ្មីរបស់ Samsung Electronics គឺ Exynos 2500 ត្រូវបានគេរាយការណ៍ថា នឹងមានពីរជម្រើសផ្សេងគ្នា ដោយក្នុងនោះមួយស៊េរីប្រើអង្គ CPU ចំនួន 8-core និងមួយផ្សេងទៀតមាន CPU ចំនួន 10-core ដែលនិងត្រូវប្រើនៅលើឧបករណ៍៍ពីរប្រភេទផ្សេងគ្នា។

 

រូបភាពពាណិជ្ជកម្ម
no-alternative title

កាលពីឆ្នាំ 2023 ក្រុមហ៊ុន Samsung បានបញ្ចេញបន្ទះឈីប Exynos កំពូលរបស់ខ្លួននោះទេ ដោយកាលនោះស្មាតហ្វូនកំពូល Galaxy S23 Series គឺប្រើបន្ទះឈីប Snapdragon 8 Gen 1 For Galaxy ទាំងអស់តែម្តង។ ប៉ុន្តែ សម្រាប់ Galaxy S24 Series ដែលចេញកាលពីដើមឆ្នាំ 2024 នេះ គឺមានជម្រើសម៉ូដែលប្រើបន្ទះឈីប Snapdragon 8 Gen 3 (អាមេរិក, ចិន, កាណាដា)  ហើយក៏មានម៉ូដែលប្រើបន្ទះឈីប Exynos 2400 សម្រាប់ទីផ្សារទូទាំងសកល។ ហើយនៅឆ្នាំបន្ទាប់នេះ (2025) Samsung នឹងធ្វើការប្រកាសចេញបន្ទះឈីបជំនាន់ថ្មីបន្ទាប់មួយទៀត គឺ Exynos 2500។

យោងទៅលើការបង្ហោះនៅលើគណនី X (Twitter) ដែលមានឈ្មោះថា Connor បានបញ្ជាក់ថា Samsung មានគម្រោងក្នុងការប្រកាសចេញ Exynos 2500 ដែលមាន CPU ចំនួន 8-core សម្រាប់ស្មាតហ្វូន និង Exynos 2500 ដែលមាន CPU ចំនួន 10-core សម្រាប់កុំព្យូទ័រ។ បើតាមការបញ្ជាក់ពីគណនីខាងលើសម្រាប់បន្ទះឈីប Exynos 2500 10-core CPU គឺសម្រាប់ប្រើនៅលើឧបករណ៍ Galaxy Tab និង Galaxy Book ចំនែក Exynos 2500 8-core CPU នឹងត្រូវប្រើនៅលើស្មាតហ្វូនកំពូល Galaxy S25 Series។

Samsung Exynos 2500 នឹងប្រើប្រព័ន្ធតំរៀប CPU បែប 4+4 Core ស្រដៀងគ្នានឹង MediaTek Dimensity 9300។ Samsung នឹងប្រើប្រព័ន្ធបន្ទះឈីប Snapdragon X Elite Processor នៅលើ Galaxy Book ជំនាន់ថ្មីរបស់ខ្លួន ដូច្នេះ ការប្រើបន្ទះឈីប Exynos 2500 នៅក្នុង Galaxy Book ហាក់មិនមានអ្វីគួរឲ្យភ្ញាក់ផ្អើលនោះទេ។ ប្រភពក៏បានបញ្ជាក់បន្ថែមទៀតថា Samsung ក៏នឹងធ្វើការពង្រឹងទៅលើប្រព័ន្ធ NPU ដើម្បីធ្វើឲ្យការដំណើរការកាន់តែមានប្រសិទ្ធិភាពខ្ពស់ Advanced AI។ បើតាមប្រភពព័ត៌មានចចាមអារាមបាននិយាយថា Samsung នឹងប្រើនៅសមាសភាគថ្មីឈ្មោះថា “TPU” រួមជាមួយប្រព័ន្ធ G-NPU និង S-NPU នៅលើបន្ទះឈីបជំនាន់ថ្មីថែមទៀតផង៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍