ថ្មីៗនេះ ក្រុមហ៊ុន Motorola នៅក្នុងប្រទេសឥណ្ឌា ទើបតែបង្ហោះនូវវីដេអូថ្មីមួយនៅលើ X ដែលបានបញ្ជាក់ថា ខ្លួននឹងមានការរៀបចំនូវព្រឹត្តិការណ៍នៃការសម្ពោធនូវស្មាតហ្វូន Moto G64 5G នៅថ្ងៃទី 16 ខែមេសាខាងមុខនេះហើយ។ ក្រុមហ៊ុននេះបានបញ្ជាក់ទៀតថា ស្មាតហ្វូន Moto G64 5G នេះ នឹងមានបន្ទះឈីប Dimensity 7025 SoC រ៉េម 12GB RAM អង្គចងចាំ 256GB storage ហើយនិងថាមពលថ្មទំហំ 6,000mAh។ ស្មាតហ្វូននេះ នឹងដាក់លក់នៅលើវេបសាយផ្លូវការរបស់ក្រុមហ៊ុន Motorola នៅក្នុងប្រទេសឥណ្ឌា និង Flipkart ។
ជាមួយគ្នានេះ ក្រុមហ៊ុននេះ ក៏បានរៀបចំនូវ Promo Page សម្រាប់ស្មាតហ្វូននេះ ដែលមានការទម្លាយអំពីលក្ខណៈសម្បត្តិរបស់ស្មាតហ្វូននេះ ដែលមានអេក្រង់ទំហំ 6.5 អ៊ីង FullHD+ ល្បឿន 120Hz display កាមេរ៉ាគោល 50MP គាំទ្រជាមួយនឹងមុខងារ OIS និងគ្រាប់ទីពីរមានទំហំ 8MP ultrawide ហើយនិងកាមេរ៉ាខាងមុខទំហំ 16MP។ នៅលើស្មាតហ្វូនថ្មីនេះ ក៏មាន បច្ចេកវិទ្យា IP52 ហើយនិងបច្ចេកវិទ្យាសាកថ្មលឿន 33W charging ទៀតផង។ ស្មាតហ្វូនថ្មីនេះ មានបំពាក់នូវ Stereo Speakers គាំទ្រជាមួយនឹងការទ្រទ្រង់នូវ Dolby Atmos ផងដែរ។
បន្ថែមពីនេះ ស្មាតហ្វូន Moto G64 5G នេះ ក៏នឹងមានដំណើរការនូវ Android 14 ហើយវាអាច upgrade ទៅកាន់ Android 15 និងមានទំហំ 8GB-128GB។ ជាមួយគ្នានេះ ក្រុមហ៊ុន Motorola នៅក្នុងប្រទេសឥណ្ឌា ក៏បានបង្ហោះនូវវីដេអូខ្លីមួយនៅលើ X ដែលមានការបង្ហាញថា ស្មាតហ្វូននេះមានអេក្រង់ punch-hole នៅកណ្តាលថែមទៀតផង។ ក្រុមហ៊ុននេះ បាននិយាយថា Moto G64 5G គឺជាស្មាតហ្វូនដ៏ខ្លាំងក្លា ហើយវានឹងបង្ហាញខ្លួនឆាប់ៗនេះ។
បើតាមអ្នកទម្លាយ Evan Blass ក៏បានបញ្ជាក់ដែរថា នេះអាចជាស្មាតហ្វូន Motorola Moto G64 5G។ មើលទៅលើរូបភាព និងវីដេអូចែករំលែកដោយលោក Blass គឺបានទម្លាយថា ស្មាតហ្វូន Moto G64 នេះនឹងមាន 2 ពណ៌ជាមួយនឹងទំហំ 256GB ។ ស្មាតហ្វូន Motorola Moto G64 5G នេះ មានអេក្រង់ punch-hole display នៅផ្នែកខាងមុខ និងកាមេរ៉ាភ្លោះនៅខាងក្រោយជាមួយនឹង 50MP។ ស្មាតហ្វូននេះ បានបង្ហាញខ្លួននៅលើ Geekbench ជាមួយនឹង Android 14, 12GB RAM និង octa-core processor (6 cores @ 2GHz, 2 cores @ 2.5GHz) ថែមទៀតផង៕
