កាលពីម្សិលមិញនេះក្រុមហ៊ុន Xiaomi-Redmi បានធ្វើការប្រកាសចេញស្មាតហ្វូជំនាន់ថ្មីម៉ាក Redmi Turbo 3 រួមជាមួយថាបប្លែតជំនាន់ថ្មីម៉ាក Redmi Pad Pro នៅទីផ្សារប្រទេសចិន។ ជាមួយគ្នានេះ Redmi ក៏បានបញ្ចេញម៉ូដែលពិសេសសម្រាប់ឧបករណ៍ជំនាន់ថ្មីទាំងពីរផងដែរ ដោយមានឈ្មោះថា Harry Potter Edition ដែលមានការរចនាស្អាតប្លែកទាក់ភ្នែកខុសពីម៉ូដែលស្តង់ដារនៃឧបករណ៍ទាំងពីរ។
Redmi Turbo 3 និង Pad Pro គឺជាឧបករណ៍ថ្មីដែលបំពាក់នូវគុណសម្បត្តិថ្នាក់ខ្ពស់កម្រិត Premium Specification ប៉ុន្តែ មានតម្លៃធូរថ្លៃ។ សម្រាប់ Redmi Turbo 3 គឺមានបំពាក់នូវបច្ចេកវិទ្យាប្រើប្រាស់ទំនើបដូចជាមុខងារបញ្ជាពីចំងាយ Air-Gestures និងមុខងារលប់រូប ឬវត្ថុចេញពីរូបភាពដែលបានថតហៅថា AI-based object eraser ដែលមានដំណើរការដូចគ្នាទៅនឹងមុខងារ Magic Eraser របស់ Google ដែរ។
សម្រាប់ Redmi Pad Pro គឺជាថែបប្លែតដំបូងគេក្នុងលោកដែលមានម៉ូដែលពិសេស Harry Potter Limited Edition។ Redmi Pad Pro បំពាក់នូវបច្ចេកវិទ្យាអេក្រង់ LCD កម្រិត 1.5K ល្បឿន 120Hz ទំហំ 12.1-inch និងដំណើរការដោយបន្ទះឈីប Snapdragon 7s Gen 2 SoC ភ្ជាប់ជាមួយថ្មទំហំយក្ស 10,000mAh ជាមួយបច្ចេកវិទ្យាសាកភ្លើងល្បឿនលឿនកំលាំង 33W Wired Fast Charging។
ចំនែកស្មាតហ្វូន Redmi Turbo 3 វិញ គឺមានអេក្រង់ទំហំ 6.67-អ៊ីង ប្រភេទ OLED Display ដែលមានការឌីស្សាញជាមួយនឹងគែមជុំវិញតូចស្តើងបំផុត ultra-thin bezels ជាមួយសមត្ថភាពគាំទ្រកម្រិតបង្ហាដល់ 1.5K ក្នុងល្បឿន 120Hz refresh rate និងមានកម្រិតពន្លឺអេក្រង់ខ្ពស់បំផុតដល់ 2,400nits។ ស្មាតហ្វូនស៊េរីថ្មីនេះមានកាមេរ៉ា 2 គ្រាប់ដោយមានសែនស័រគោលទំហំ 50MP ជាប្រភេត Sony LYT-600 មានមុខងារ OIS រួមជាមួយទំហំ 8MP ultra-wide-angle lens និងមានកាមេរ៉ាខាងមុខទំហំ 20MP។
សម្រាប់កំលាំងម៉ាស៊ីនវិញ គឺដំណើរការនៅលើបន្ទះឈីប Snapdragon 8s Gen 3 ភ្ជាប់ដោយរ៉េមទំហំធំបំផុតដល់ 16GB ជាមួយម៉េមូរីទំហំធំដល់ 512GB។ ស្មាតហ្វូននេះមានថ្មទំហំ 5,000mAh និងគាំទ្រកំលាំងសាកភ្លើងល្បឿនលឿន 90W Wired Fast Charging ព្រមទាំងដំណើរការដោយ HyperOS នៅលើ Android 14 ចេញពីប្រអប់តែម្តង៕